WEKELO 28
Ɛnyɛ djedjɛ lá kɛnɛ kɛ Yehova nya Yeso iyombokonanghelá
Ngokaka mo ntsha ilongo yɛko imɔtshi ambɔkɔpɛyɛ opapɛyɛ ɔmɔtshi wɔ wɔlɔ efula? Lá nsɔsɔlɔ, ongoyala l’osasa efula edjinge ɔngɔkɔpa nyɛnyɛ ilongo yɛko ente wɛ nkɔpaka opapɛyɛ wɔkɔ. Yehova nya Yeso watɔpɛyɛka opapayɛ woleka ekekete. Opapɛyɛ wɔkɔnge wɔsɔ, iya wopo wɔkɔnge w’okokaso nyɛnyɛ djedjɛ djɛso tá opapɛyɛ wɔkɔ?
1. Yopo imɔtshi yɛkɔnge y’okokaso nyɛnyɛ djedjɛ lá kɛnɛ kɛ Ndjambe nya Kristo iyatonanghelá?
Bible ntepelaka ante ‘onto onkfumɔ wongoyala la djawo te [Yeso]’ angowa lowiko l’etshinda. (Djɔanɛ 3:16) Kɛkɔnge kesakisola ndjala la djawo? Nkambo djɛsɔ mpasakisola ngo ndjala la djawo te Yeso toko. Iso ladjɛ nyɛnyɛka djawo djɛso má akano wɔsaso la má akambo wonanghaso. (Djakɔbɔ 2:17) Winá w’ɛnyɛso djawo djɛso má etepela la má nanghedji djɛso, iso kembɛka djokanelo djɛso la Yeso edjinge la Papa kɛnde, Yehova.—Wala Djɔanɛ 14:21.
2. Nkambo djɛkɔnge djɛ djonyi djetokotshɛ́ djɛ nyɛnyɛ djedjɛ djɛso tá kɛnɛ kɛ Yehova nya Yeso iyatonanghela?
La nkɔlɔ djɛ lá ntondo kɛ nde mvɔ, Yeso ashimelaka ambeki wande wopo onkina w’iyakoke nyɛnyɛ djedjɛ djɛwɔ t’olambo w’oshinga wɔ mbendo. Nde awangaka nangha dambo mɔtshi djetshikitanyi djɛ Bible etande ante: ‘Dambo djɛ nkɔlɔ djɛ Nkfumi,’ dj’etaso lonkina ente Bokfɔ djɛ nyɔyi kɛ Kristo. (1 Kɔrɛtɔ 11:20) Yeso awangaka dambo djɛsɔ djɛ apɔstɔlɔ wande edjinge Akristo ankfumɔ wa nsɔsɔlɔ wayalisá ladjɛ ndowika m’ɔkɔngɔ wɔwɔ mvungɔka ambɔ nde alambolaka lowiko lɔnde lá nkambo djɛso. Lá nkambo djelendana la bokfɔ djɛsɔ, Yeso atepelaka ante: ‘Nyongokindjɛke nangha nkɔkɔnɛ djɛ mvungɔka lemi.’ (Luka 22:19) Winá wingelɛ lá Bokfɔ, wɛ nyɛyɛka ente olekɔ la djedjɛ dj’efula lá ngandji k’ekete kɛ Yehova nya Yeso yakoke.
TSHIMOLA
Tokoshishima akambo ankina w’okokaso nangha djɛ nyɛnyɛ djedjɛ djɛso tá ngandji k’efula kɛ Yehova nya Yeso yatoke. Tolende djonyi djelekɔ́ la Bokfɔ djɛ nyɔyi kɛ Kristo.
3. Kɛkɔnge k’okokaso nangha djɛ nyɛnyɛ ente tolekɔ la djedjɛ dj’efula
Kɔsa djɛ otanɔ washi lá ndjale, ko onto ɔmɔtshi ambokotepola. Ongovungɛ nkambo djekonanghelisá onto wɔsɔ? Ndo koko ongohona wopo wɔ ndɔɔwɛnyɛ djedjɛ djɛko dj’efula lá nkambo djɛ ndokonanghela?
Yehova ndeke ikɔkɔ yɛ mbiko yɛso. Wala 1 Djɔanɛ 4:8-10, ko masɔ kadjimola lá weepó wɛnɛ:
-
Lamo olambo wɔ Yeso oyɛwɔ opapɛyɛ woleka djonyi?
-
Okanelɛ mo lá kɛnɛ kɛ Yehova nya Yeso iyakonanghelá?
Wopo wɔkɔnge w’okokaso nyɛnyɛ djedjɛ djɛso lá nkambo djɛ Yehova nya Yeso yatonanghela? Wala 2 Kɔrɛtɔ 5:15 edjinge 1 Djɔanɛ 4:11; 5:3. M’ɔkɔngɔ wɔ badji djɛ vɛrse la vɛrse, kadjimola lá woopó wɔnɛ:
-
Lá nkilika Afunelo, okokaso nangha nge djɛ nyɛnyɛ djedjɛ djɛso?
4. Okola Yeso
Yopo inkina yɛ nyɛnyɛ djedjɛ djɛso nde, má nkilika ndjɔmbɔmba kɛ Yeso. Wala 1 Pɛtɛlɔ 2:21, ko kadjimola lá woopó wɔnɛ:
-
Lá topo tɔkɔnge t’okokɛ nkilika wina wa Yeso wɔlɔ wɔlɔ?
Yeso akɔpaki Otepela wɔ Ndjambe, apoposanyɛki losango lɔ wɔlɔ edjinge akotshɛki anto ankina
5. Ingelaka lá Bokfɔ djɛ nyɔyi kɛ Kristo
Djɛ ndjewa akambo wananghemisá lá Dambo djɛ nkɔlɔ djɛ Nkfumi djɛ ntondo ntondo, wala Luka 22:14, 19, 20. Ko kadjimola lá weepó wɛnɛ:
-
Kɛkɔnge kehetisá lá Dambo djɛ nkɔlɔ djɛ Nkfumi?
-
Kɛkɔnge kɛ mampa la vinyo osakisolawɔ?—Lenda vɛrse 19 edjinge 20.
Yeso akɔpaki djɛ ambeki wande ndonanghaka Dambo djɛ nkɔlɔ djɛ Nkfumi mbala kɛmɔ l’ɔnɔnyi lá datɛ djɛ ndavu. Djɛkondeke, Ewakɛ wɛ Yehova wangosanghanake ɔnɔnyi onkfumɔ esanga djɛ mvungɔ nyɔyi kɛ Kristo lá yopo yɛ ndaashimela djɛ nanghaka. Djɛ ndjewa akambo ankina walendana la losanghanyɛ lɔ djonyi lɔsɔ, lenda VIDEO. Ko masɔ kadjimola lá woopó wɔwɔlamá.
-
Kɛkɔnge kenanghemaká lá Bokfɔ?
Mampa nde djingingi djɛ demba djɛ djɔ djɛ Yeso ndjelambolamis etengo olambo l nkambo djɛso. Vinyo nde djingingi djekila wɛnde
ANTO EFULA NTEPELAKA AMBƆ: “Kenkfumɔ k’okokɛ nangha djɛ mba ewiko nde ndjala la djawo te Yeso toko.”
-
Wopo wɔkɔnge w’okokɛ nkamba la Djɔanɛ 3:16 edjinge Djakɔbɔ 2:17 djɛ nyɛnyɛ ente apalekɔ ngo ndjala la ndjawo toko ko amboshiya?
LÁ YOPASƐ
Iso nyɛnyɛka djedjɛ djɛso lá kɛnɛ kɛ Yeso ndatonanghelá má ndjala la djawo tende la má ndjingelaka lá Bokfɔ.
Mvungo
-
Kɛkɔnge kesakisola ndjala la djawo te Yeso?
-
Wopo wɔkɔnge w’okokɛ nyɛnyɛ djedjɛ djɛko tá kɛnɛ kɛ Yehova nya Yeso yakonanghelá?
-
Lamo oyɛwɔ djonyi ndjingelaká lá Bokfɔ djɛ nyɔyi kɛ Kristo?
TOKANYI TONKINA
Nyɔyi kɛ Kristo ototshindande djɛ nangha nge?
Eka wayi ankina walendana la djawo edjinge wopo w’okokɛ nyɛnyɛ ente olekɔ la djawo.
‘Yala la djawo l’alaka wa Yehova’ (Etange k’Olami, Ngɔndɔ kɛ djomi 2016 lá Otetela)
Lenda ɔkɔndɔ w’ɛnyɛ wopo wɔ lowiko l’omoto ɔmɔtshi iyatshikitana winá wɔ ndewe wapɔ wokokande mba má olambo wɔ Kristo.
‘Bible ntshikitanyɛka mbiko’ (Etange k’Olami, Ngɔndɔ k’enanɛyi 1, 2011 lá Otetela)
Lenda ladjikɛnge lá miliyɔ y’anto y’ingelaka lá Bokfɔ ngo anto dambo daambi toko ndeke lɔlɛka mampa la lɔnɔka vinyo.
