WEKELO 32
Onkfumi wɔ Ndjambe wɔlɔndjɛ!
Onkfumi wɔ Ndjambe wowangaka ndɔndjɛ l’olongo l’ɔnɔnyi wɔ 1914. Má winá wɔsɔ ndeke etsho w’ekomo w’ɛlɔndjɛlɔ kɛ wana w’anto yawange. Ewaso nkambo djɛsɔ ngete mo? Tolende akambo amɔtshi wa Bible ndewoyɛ, akambo wananghemá l’andja edjinge djalelo dj’anto ntateyɛ m’ɔnɔnyi wɔ 1914.
1. Kɛkɔnge kɛnyɛ prɔfɛsi yelá Bible?
Onkanda wɔ Bible wɔ Danyɛlɛ wotepelaka djɛ Onkfumi wɔ Ndjambe wongowanga ndɔndjɛ l’ekomo k’eleko k’etawɔ ambɔ ‘deko esambele.’ (Danyɛlɛ 4:16, 17) Ɛnɔnyi nkama m’ɔkɔngɔ, Yeso etaka eleko kɛkɔ kɛmɔ ante ‘eleko kɛ yashikikɛ k’ase ewila,’ edjinge nde alakanyɛka ante eleko kɛsɔ ketakome l’ekomo. (Luka 21:24) Ngo ngete sɔngɛna, deko esambele djɛsɔ djekomaka l’ɔnɔnyi wɔ 1914.
2. Akambo wakɔnge w’ɛnaso l’andja edjinge djalelo djɛkɔnge djemboyala l’anto ntateyɛ má 1914?
Ambeki wopolaka Yeso ambɔ: ‘Ilembetelo yɛkɔnge yɛngɛnyɛ oyeelo wɔko edjinge eleko k’ekomo kɛ nkfumbo dj’akambo djɛnɛ?’ (Mateo 24:3) Lá nsakiso kɛnde, Yeso áshimelaka akambo efula wangonanghema m’ɔkɔngɔ wɔnde mbanga ndɔndjɛ l’olongo etengo Nkfumi k’Onkfumi wɔ Ndjambe. L’anteyi kɛ wayi wasɔ ndeke, ambandji, ndjala yɛ nkasa la atshikito wa looko. (Wala Mateo 24:7.) Bible ewoyɛka djɛ nanghedji djengoyala l’anto ‘wal’etsho w’ekomo,’ djengila lowiko ‘wolo nkfulumeyɛ.’ (2 Timɔte 3:1-5) Towangaka nyɛna akambo la nanghedji djɛsɔ má 1914.
3. Ladjikɛnge akambo wa nyɛtshi yomboleka mfula ntateyɛ m’ɔnɔnyi wɔ Onkfumi wɔ Ndjambe yalɔndjɛ?
M’ɔkɔngɔ wɔnde ndjalá Nkfumi l’Onkfumi wɔ Ndjambe, Yeso ananaka mbandji l’olongo nya Satana la ɛdjɛngɛ wɛnde. Satana atalonga. Bible ntepelaka ante: ‘Wɔhɔnyɔlaka lá looko, nde nya andjelo wande.’ (Ndjiso 12:9, 12) Satana alekɔ la nkɛlɛ k’efula ladjikɛnde ewa ante nde angoyakema. Djɛkondeke anto oposɛnde wayi wapɔlɔ la ndjolo lá looko l’otondo. Ɔsɔ ndeke elonga k’akambo yombetela ntshitana l’andja! Onkfumi wɔ Ndjambe wongimɛ akambo ankfumɔ wa nyɛtshi.
TSHIMOLA
Tokoshishima akambo watɛnyɛ djɛ Onkfumi wɔ Ndjambe wowangaka lá ɔnɔnyi wɔ 1914 edjinge wopo wɔ nkambo djɛsɔ osakisolawɔ leso.
4. Adatɛ welá Bible watokotshɛ́ djɛ ndjewa ente Onkfumi wɔ Ndjambe wowangaka ndɔndjɛ l’ɔnɔnyi wɔ 1914
Amboyala ilá efula, Ndjambe ɛnyɛka nkfumi Nɛbukadinezara kelá Babilɔnɛ dɔ djɛ prɔfɛsi. Dɔ djɛsɔ la nsakiso yepɛyisá Danyɛlɛ nyɛnyɛka djɛ dɔ djalendanaki la ɛlɔndjɛlɔ kɛ Nɛbukadinezara edjinge k’Onkfumi wɔ Ndjambe.—Wala Danyɛlɛ 4:17. a
Wala Danyɛlɛ 4:20-26, ko kamba la tablo djɛ nkadjimola lá weepó wel’anse:
-
(A) Dɔ djɛkɔnge djɛ Nɛbukadinezara ndɛnyi?—Lenda vɛrse 20 la 21.
-
(B) Kɛkɔnge keyisá ladjɛ nanghema l’otamba wɔkɔ?—Lenda vɛrse 23.
-
(C) Kɛkɔnge keyisá ndonanghema l’ekomo kɛ ‘deko esambele’?—Lenda vɛrse 26.
Wopo wolendana dɔ dj’otamba la Onkfumi wɔ Ndjambe
PRƆFƐSI (Danyɛlɛ 4:20-36)
Ɛlɔndjɛlɔ
(A) Otamba w’ekekete
Ɛlɔndjɛlɔ kembokoma
(B) ‘Nyɔkɔte otamba,’ edjinge nyotshike djɛ ‘deko esambele mpeta’
Ɛlɔndjɛlɔ kembowanga lonkina
(C) ‘Onkfumi wɔko wongoyala wɔko lonkina’
Lá okotshamelo wɔ ntondo wɔ prɔfɛsi kɛnɛ . . .
-
(D) Otamba wayalaki djingingi djɛ na?—Lenda vɛrse 22.
-
(E) Wopo wɔkɔnge ɛlɔndjɛlɔ kɛnde yakome?—Wala Danyɛlɛ 4:29-33.
-
(F) Kɛkɔnge kekomelisá Nebukadinɛzara l’ekomo kɛ ‘deko esambele?’—Wala Danyɛlɛ 4:34-36.
OKOTSHAMELO WƆ NTONDO
Ɛlɔndjɛlɔ
(D) Nebukadinɛzara, nkfumi kɛ Babilɔnɛ
Ɛlɔndjɛlɔ kembokoma
(E) M’ɔkɔngɔ wɔ 606 N.D.D., Nebukadinɛzara atataka okadji ko atayala l’akoka wa ndɔndjɛ l’ilá k’ɛnɔnyi esambele.
Ɛlɔndjɛlɔ kembowanga lonkina
(F) Olando wɔ Nebukadinezara womboshila ko ambowanga ndɔndjɛ lonkina
Lá okotshamelo w’ape wɔ prɔfɛsi kɛnɛ . . .
-
(G) Otamba wayalaki djingingi djɛ na?—Wala 1 Ɛkɔndɔ 29:23.
-
(H) Winá wɔkɔnge ɛlɔndjɛlɔ kɛwɔ yakome? Wopo wɔkɔnge ewaso ente ɛlɔndjɛlɔ kɛkɔ kopɛka tii winá wɔ Yeso ndayalaka lanɛ lá looko?—Wala Luka 21:24.
-
(I) WWiná wɔkɔnge edjinge lampe lowandji lɔsɔ yakalɔ ndɔdjɛ?
OKOTSHAMELO W’APE
Ɛlɔndjɛlɔ
(G) Nkfumi isato y’ase Isariyɛlɛ yɛnɛ yayalaki djingingi dj’ɛlɔndjɛlɔ kɛ Ndjambe
Ɛlɔndjɛlɔ kembokoma
(H) Jerusalɛmɛ mbotshitana la ɔnɔnghɔ wɔ ankfumi yɛ Isariyɛlɛ wombopɛ́ l’ilá kɛ ɛnɔnyi 2 520
Ɛlɔndjɛlɔ kembowanga lonkina
(I) Yeso ambowanga ndɔndjɛ l’olongo etengo Nkfumi k’Onkfumi wɔ Ndjambe
Deko esambele dekɔ l’ilá k’ɛnɔnyi emangha?
Ntenyi mɔtshi djelá Bible ntokotshɛka djɛ nsipisoyɛ ntenyi nkina. Ndjɔmbɔmba, onkanda welá Bible wɔ Ndjiso ntepelaka djɛ deko ntshato l’etenyi dekɔ la lɛdji lɔ etsho 1 260. (Ndjiso 12:6, 14) Deko esambele oyɛwɔnde ndodjɛ lofulo lɔsɔ l’ape, ndeke owaso etsho 2 520. Winá ɛmɔtshi lá Bible, otepela ‘lofu lɔmɔ’ nyɛnyɛka ɔnɔyi ɔmɔ. (Ezekiyɛlɛ 4:6) Nghɔsɔ ndeke oyɛwɔ lá nkambo djɛ deko esambele dj’otepelawɔ l’onkanda wɔ Danyɛlɛ, oyɛwɔnde ɛnɔnyi 2 520.
5. Andja watshikitanaka ntateyɛ má 1914
Yeso atepelaka akambo wakokisá ndonanghema l’andja m’ɔkɔngɔ wɔ nde ndjalá Nkfumi. Wala Luka 21:9-11, ko kadjimola lá woopó wɔnɛ:
-
L’akambo wa Yeso ndatepela, akambo wakɔnge w’ɛnɛ la wokɛ?
Ɔpɔstɔlɔ Poolo atepelaka wopo wɔ djalelo djengoyala l’anto l’etsho w’ekomo l’ɛlɔndjɛlɔ kɛ wana w’anto. Wala 2 Timɔte 3:1-5, ko kadjimola lá woopó wɔnɛ:
-
Djalelo djɛkɔnge dj’ɛnɛ le anto lɔɔko kɛnɛ?
6. Ndjewa ente Onkfumi wɔ Ndjambe wɔlɔndjɛ ladjɛ ntɔpɛyɛ lokembo
Wala Mateo 24:3, 14, ko kadjimola lá weepó wɛnɛ:
-
Olemo wɔkɔnge wɔ djonyi wɛnyɛ djɛ Onkfumi wɔ Ndjambe wombowanga ndɔndjɛ?
-
Wopo wɔkɔnge w’okokɛ nsuka olemo wɔsɔ?
Onkfumi wɔ Ndjambe wombowanga ndɔndjɛ l’olongo, edjinge lako ilá wɔlɔndjɛ lá looko l’otondo. Wala Hebero 10:24, 25, ko kadjimola lá woopó wɔnɛ:
-
Kɛkɔnge kekoka nangha onto l’onto “winá wɛnaso ente lofu lɔsɔ lomboyala entshupa”?
Ntsha ombeka nkambo mɔtshi djekoka nkotshɛ́ la mbikɛ anto, kɛkɔnge k’okokɛ nangha?
ONTO ƆMƆTSHI NKOKA NKOPOLA ANTE: “Ladjikɛnge Ewakɛ wɛ Yehova otepelawɔ winá la winá nkambo dj’ɔnɔnyi wɔ 1914?”
-
Wɛ okokɛ nkadjimola ente mo?
LÁ YOPASƐ
Prɔfɛsi yelá Bible, adatɛ, l’akambo wananghemá l’andja wanɛ nyɛnyɛka papoo djɛ Onkfumi wɔ Ndjambe wɔlɔndjɛ. Tɔngɛnyɛke ente iso ndjawolaka nkambo djɛsɔ má mpoposanyɛ wayi walendana l’Onkfumi la má ndjingelaka nsanghanyɛ yel’otshumano.
Mvungo
-
Kɛkɔnge keposisá l’ekomo kɛ deko esambele djetepela onkanda wɔ Danyɛlɛ?
-
Ladjikɛnge awolɛ ente Onkfumi wɔ Ndjambe wowangaka ndɔndjɛ l’ɔnɔnyi wɔ 1914?
-
Wopo wɔkɔnge w’okokɛ nyɛnyɛ djɛ ongawolake ente Onkfumi wɔ Ndjambe wɔlɔndjɛ?
TOKANYI TONKINA
Lenda akambo watepela andjewi y’ɛkɔndɔ l’anto ankina lá wopo wombotshikitana andja ntateyɛ m’ɔnɔnyi wɔ 1914.
‘Winá wowangisá ntshitana djalelo dj’anto’ (Wetshɔ!, Ngɔndɔ k’anɛyi 2007 lá Lingala)
Wala wopo wɔ prɔfɛsi kelá Mateo 24:14 yatshikitanyɛ lowiko lɔ mpame kɛmɔtshi.
‘Lákɔpaki etombo wɛ Baseball ndeka ekete kenkina kenkfumɔ!’ (Etange k’Olami No. 3 2017 lá Falase)
Wopo wɔkɔnge w’ewaso ente prɔfɛsi kɛ Danyɛlɛ shapitrɛ 4 kelendana l’Onkfumi wɔ Ndjambe?
Kɛkɔnge kɛnyɛ ente ‘deko esambele’ dj’otepelawɔ l’onkanda wɔ Danyɛlɛ shapitrɛ 4 djekomaka lá 1914?
a Lenda wamba ape w’ekomo wal’etenyi k’etawɔ ambɔ nkalɔ ndjisola kɛ wekelo wɔnɛ.
