Onto onkfumɔ nkɔpaka djɛ tolongo tɔnde ndjalá sii. Yehova koko nkɔpaka djɛ tolongo tɔnde ndjalá sii. Koko nkambo djɛsɔ mpalekɔ wɔdju l’andja wa anto efula wapalekɔ sii. Lɔɔla lɔkɔnge songowa ntsha iso ndjalá sii l’akambo ankfumɔ?

1. Elonga kɛkɔnge keleka djonyi k’oyɛso ladjɛ ndjalá sii?

Winá w’onanghelaso anto ankina akambo la sii, tɔngɛnyɛ Yehova ente tongowokake ngandji la tɔngɔlɛmɛyɛke. Totavungɛke ente: Yehova ndjewaka akambo ankfumɔ wokanelaso edjinge wonanghakaso. (Hebero 4:13) Nde angɛnake winá w’ɔsɔnakaso djɛ ndjala sii edjinge nkambo djɛsɔ ndoosasangɛka. Otepela wɔnde Bible ntepelaka ante: ‘Yehova ntonaka onto wopalekɔ sii, koko nde nkɔpɛka ilongo l’anto walekɔ sii.’—Woongo 3:32.

2. L’akambo wakɔnge w’oyɛso ladjɛ ndjalá la sii lá lowiko lɔso lɔ lofu la lofu?

Yehova nkɔpaka dj’iso ‘nshimelanaka nsɔsɔlɔ onto l’onto.’ (Zakari 8:16, 17) Nkambo ntshɔ osakisolawɔ nge? Nkambo djɛsɔ nkɔpaka ntepela ente topakoke ntepela ongolo winá w’osawolaso l’ase nkfumbo yɛso, tolongo tɔso t’olemo, ntombe yɛso, wananyɔ w’Akristo edjinge ewandji wɛ lɛɛta. Anto wa sii wapadjimbe kana wapɔngɔla anto ankina. (Wala Woongo 24:28 edjinge Ɛfɛsɛ 4:28.) Lonkina, iwɔ mfutaka ɛkɔngɔ enkfumɔ w’okokawɔ mfuta. (Ɔrɔma 13:5-7) L’akambo wanɛ edjinge l’akambo ankina, iso ‘ladjɛ ndjalá sii l’akambo ankfumɔ.’—Hebero 13:18.

3. Ɛtshɔkɔ wɛkɔnge isongowa ntsha iso ndjalá la sii?

Winá w’anto otewawɔ ambɔ tolekɔ anto wa sii, iwɔ wangotilela eloko. Tongokotshɛ nkfumbo edjinge otshumano djɛ ndjalá mvu. Tongoyala la nkfum’oloko kɛ piyɔɔ. Sii kɛso nkoka lonkina nangha djɛ ‘elakanyelo wɛ Ndjambe, kanga lotowikɛ’ ndeka ndjala wɔlɔ edjinge nkoka ntshinda ankina djɛ nkambela Yehova.—Tito 2:10.

 TSHIMOLA

5. Nanghaka akambo la sii winá enkfumɔ

 6. Tongowake ɛtshɔkɔ wɛ wɔlɔ má ndjalá sii

Mbala imɔtshi, nyɛnamaka etengo sii ndjakalaka ekakasano. Koko tá etsho weyaye, ɔngɛna ente ɔsɔ ndeke nkambo deka wɔlɔ dj’okokɛ nangha. Wala Yeembo 34:12-16, ko kadjimola lá woopó wɔnɛ:

• Wopo wɔkɔnge sii okokande mbɔngɛ lowiko lɔso?

1. Wadji la wome walekɔ́ sii nkembɛka bala djɛwɔ

2. Ase olemo walekɔ́ sii, ewandji wɛwɔ ndaakɔpaka efula

3. Anto wa sii nsasangɛka ewandji wɛ lɛɛta

 LÁ YOPASƐ

Yehova nkɔpaka djɛ tolongo tɔnde ndjalá sii l’akambo ankfumɔ w’onanghawɔ la w’otepelawɔ.

Mvungo

• Lá akambo amɔtshi wakɔnge w’okokaso nyɛnyɛ sii kɛso?

• Ladjikɛnge oyɛwɔ nkambo dj’enkesa nkanela ente iso nkoka ndjisa nsɔsɔlɔ?

• Lamo oyɛso ladjɛ ndjalá sii winá enkfumɔ?