L’andja w’otondo, anto efula walekɔ la tokanyi totshikinyi lá nkambo djɛ ɔnwɛlɔ wɔ waná. Anto amɔtshi nkɔpaka ndjopana la tolongo tɔwɔ nkɔpɔ djɛ waná esanga. Ankina wapakɔpaka ndɛta kaanga ndɛta. Ankina lonkina, nkɔpaka nnɔ tii dj’iwɔ ntovɔ. Bible otepelande nge lá nkambo djɛ ɔnwɛlɔ wɔ wana?

1. Alekɔ nyɛtshi nnɔ waná?

Bible apapekala ɔnwɛlɔ wɔ waná. Lá wopo ɔmɔtshi, winá w’owalaso l’anteyi k’epapɛyɛ efula wɛ Ndjambe ndapɛyɛ anto, Bible ntepelaka ante ‘waná nsasangɛka oloko w’onto.’ (Yeembo 104:14, 15) Bible ntoshimela ante kaanga enkambi wɛ Ndjambe w’ampame l’amato wa nkɔmano wanɔki waná.—1 Timɔte 5:23.

2. Dako djɛkɔnge djɛ Bible ɔpɛyɛnde anto wanɔ waná?

Yehova ntonaka ɔnwɛlɔ wɔ waná w’indeko edjinge ovwelo wɔ waná. (Ngalatiya 5:21) Otepela wɔnde ntepelaka ante: ‘Toyalake l’anteyi k’anto wanɔ waná efula.’ (Woongo 23:20) Ndjokamaka ente, ntsha tɔmbɔsa nkano djɛ nnɔ waná, ayale kaanga la wisisa, topakoke nnɔ tii ko nkoma djɛ topokoka nkanela wɔlɔ, nama etepela wɛso la djalelo djɛso kana nama demba djɛso. Ntsha topayakote djɛ nnɔ waná la lɛdji, nkambo djeleka wɔlɔ nde ntshika mpa nnɔ kaanga dɔyi.

3. Wopo wɔkɔnge w’okokaso nɛmɛyɛ akano w’anto ankina lá nkambo djɛ waná?

Onto onkfumɔ alekɔ la lotshungɔ lɔ nsɔna djɛ nnɔ waná kana lako. Topakoke ndomboyɛ onto wɔsa nkano djɛ nnɔ ndambo kɛ waná kana topakoke ntshinda onto ɔmɔtshi djɛ nde nnɔ waná la wolo, ntsha nde apakɔpɛ nnɔ. (Ɔrɔma 14:10) Iso nkoka ntshika nnɔ waná ntsha ɔnwɛlɔ wɔso wɔ waná womboyala otakanyɛ le anto ankina. (Wala Ɔrɔma 14:21.) Iso ‘mponaka wapɔ w’anto ankina, koko ape wɔso sɔmɛlɛ.’—Wala 1 Kɔrɛtɔ 10:23, 24.

 TSHIMOLA

4. Ɔsa nkano djɛ nnɔ waná kana lako

Wopo wɔkɔnge wɔ Yeso ndɔsaka ɔnwɛlɔ wɔ waná? Djɛ ndjewa nsakiso, lenda nsese djɛ ntondo djɛ Yeso ndananghe. Wala Djɔanɛ 2:1-11, ko kadjimola lá weepó wɛnɛ:

• Lá nkilika nsese djɛnɛ, olakanyelo wɔkɔnge w’owaso má wopo wɔ Yeso ndɔsaka waná la anto wanɔ waná?

• Ladjikɛnde Yeso atatona nnɔ waná, wopo wɔkɔnge Okristo okokande ndɔsa onto wɔnɔ waná?

Koko, ape ngo ntsha Okristo alekɔ la lotshungɔ lɔ nnɔ waná, ko nde ladjɛ nnɔka winá enkfumɔ. Wala Woongo 22:3, ko m’ɔkɔngɔ shishima akambo wel’anse wanɛ djɛ ndjewa ntsha ongokoka ndɔsa nkano djɛ nnɔ kana lako:

• Ntsha ɔkɔpa nkɛndjɛ otuka kana nkamba la mashinɛ ɔmɔtshi.

• Ntsha olekɔ la djemi.

• tsha dɔkɔtɛrɛ ambokopekala djɛ nnɔ waná.

• Ntsha wɛ olekɔ l’okakasano djɛ ndjalá la wɛdjimo l’ɔnwɛlɔ wɔko wɔ wana.

• tsha ɛlɛmbɛ wekopekala djɛ nnɔ waná.

• Ntsha wɛ olekɔ nya onto wɔmbɔsa nkano djepa nnɔ waná, ladjikɛnde nkambo djɛsɔ dekɔ okakasano lende.

Alekɔ wɔlɔ mpɛyɛ anto waná lá fɛtɛ kɛ bala kana lá fɛtɛ inkina? Djɛ ndjewa akambo wakoka nkokotshɛ́ djɛ ndɔsa nkano, lenda VIDEO.

Wala Ɔrɔma 13:13 edjinge 1 Kɔrɛtɔ 10:31, 32. M’ɔkɔngɔ wɔ mbalá vɛrse nkfumɔ, kadjimola lá woopó wɔnɛ:

• Wopo wɔkɔnge ikfɔ yɛnɛ okokawɔ nkokotshɛ́ djɛ ndɔsa nkano djesasangɛ Yehova?

 5. Lokawilele elelo l’ɔnwɛlɔ wɔko wɔ waná

Tsha ɔmbɔsa nkano djɛ nnɔ waná, mbɔ vungɔ nkambo djɛnɛ: Kaanga Yehova ndopatoshimbe ɔnwɛlɔ wɔ waná, nde ntonaka ɔnwɛlɔ wɔ waná w’indeko. Lamo? Wala Ozeya 4:11, 18, ko kadjimola lá woopó wɔnɛ:

• Kɛkɔnge kekoka nkomela onto wɔnnɔ waná efula?

Wopo wɔkɔnge w’okokaso ndjewɔ ɔnwɛlɔ w’indeko? Toyale la wɛdjimo edjinge tewe elelo wɛso. Wala Woongo 11:2, ko kadjimola lá woopó wɔnɛ:

• Ladjikɛnge oyɛwɔ nkambo djɛ balo djɛ ndáwilela elelo lá waná wa nghɔnghɔnɔka?

6. Akambo wakoka nkotshɛ́ onto djɛ ntshika ɔnwɛlɔ wɔ waná w’indeko

 LÁ YOPASƐ

Yehova atɔpɛyɛka waná dj’iso ndjalá l’osasa, koko nde ntonaka ɔnwɛlɔ w’indeko edjinge ovwelo wɔ waná.

Mvungo

• Ikanyi yɛ Bible lá nkambo dj’ɔnwɛla wɔ waná oyɛwɔ mo?

• Mbalaka kɛkɔnge kekoka ndjɛ má ɔnwɛlɔ wɔ waná w’indeko?

• Wopo wɔkɔnge w’okokaso nɛmɛyɛ nkano dj’anto ankina lá nkambo dj’ɔnwɛlɔ wɔ wana?