WEKELO 46
Ladjikɛnge oyɛ ladjɛ ndalambola edjinge ndongola Batisimo?
Ndalambola te Yehova oyɛwɔnde ndoolaka lá lɔlɔmbɔ ente ongookambela ngo nde toko edjinge ongohetshɛ ɛkɔpa kɛnde l’edjena kɛ ntondo lá lowiko lɔko. (Yeembo 40:8) M’eteyi ndeke, okokɛ ndongola batisimo. Má nanghanghɔsɔ, wɛ ɔnghɛnyɛ anto ankina ente omboyalambola. Ndalambola te Yehova alekɔ nkano djeleka djonyi lá lowiko lɔso. Kɛkɔnge kekoka nkotshinda djɛ ndɔsa nkano djɛ djonyi efula djɛsɔ?
1. Kɛkɔnge ketshindaka onto djɛ ndalambola?
Ngandji ndeke lotshinda onto djɛ ndalambola te Yehova. (1 Djɔanɛ 4:10, 19) Bible ntokembɛka ante: ‘Kɔpa Yehova Ndjambe kɛko l’oloko wɔko onkfumɔ, la yimba yɛko inkfumɔ edjinge la wolo wɔko onkfumɔ.’ (Marko 12:30) Tɔngɛnyɛke ente iso nkɔpaka Ndjambe ape ngo m’etepela, koko edjinge má nanghedji djɛso. Etengo ngandji kɛ m’anse k’oloko otshindawɔ mpame la omoto djɛ ntshukana, ndeke ngandji k’okakaso Yehova ototshindawɔ djɛ ndalambola tende edjinge ndongola batisimo.
2. Ɛtshɔkɔ wɛkɔnge Yehova ɔpɛyɛnde Ewakɛ wɛnde wembolongola batisimo?
Winá wɔ ngongolongola batisimo, wɛ ongingela lá nkfumbo k’osasa kɛ Yehova. Ɔngɛna ngandji k’okokande lá topo efula, edjinge ongoleka ndjalá entshupa nyande ndeka wopo w’oyalɛ win’ɔsɔ. (Wala Malaki 3:16-18.) Lá djiko djɛ Yehova ndjala Papa kɛko, wɛ ongingela lá nkfumbo kelá nyuma kɛ wananyɔ l’ankaana yel’andja w’otondo w’owoka ngandji la wakoka wɛ ngandji. (Wala Marko 10:29, 30) Etengo isɛnyi lá djamba djemboheta, alekɔ djonyi wɛ ntapola wina amɔtshi lá ntondo kɛ wɛ ndongola batisimo. Wɛ ladjɛ ndjeka djɛ ndjewa Yehova, ndɔɔkɔpa edjinge ndjalá la djawo te Wɔnande. L’ekomo, wɛ ladjɛ ndambola lowiko lɔko te Yehova. Ntsha wɛ ntapola wina wasɔ edjinge ndongola batisimo, wɛ ongingela lá mboka kɛtɔla ta lowiko l’etshinda. Otepela wɔ Ndjambe ntepelaka ante: ‘Batisimo . . . djɛkɔ djenyowikɛ.’—1 Pɛtɛlɔ 3:21.
TSHIMOLA
Shishima ladjikɛnge ndalambola te Yehova la ndongola batisimo oyɛwɔ djonyi.
3. Isankfumɔ ladjɛ nsɔna onto wɔkɔna w’ɔkɔpaso nkambela
L’etsho wemboheta, ase Isariyɛlɛ amɔtshi wakanelaki ambɔ iwɔ nkoka ntɛmɔla Yehova edjinge indjandjambe y’ongolo, Baala. Koko Yehova atomaka ɔprɔfɛtɛ wɔnde Elidja djɛ ndakotshɛ́ djɛ nyimɛ ikanyi yɛwɔ yɛ nyɛtshi. Wala 1 Nkfumi yɛ n’kanga 18:21, ko kadjimola lá woopó wɔnɛ:
-
Ɔsɔnɛlɔ wɔkɔnge w’ase Isariyɛlɛ yakoke nsɔna?
Lá ndjɔmbɔmba k’ase Isariyɛlɛ, iso ladjɛ nsɔna onto w’okokaso nkambela. Wala Luka 16:13, ko kadjimola lá weepó wɛnɛ:
-
Ladjikɛnge isopakoke tɔtɛmɔla Yehova la tɔtɛmɔla onto kana ekete kenkina?
-
Wopo wɔkɔnge w’ɛnyɛso Yehova ente tɔmbɔsɔna djɛ ndɔɔtɛmɔla?
4. Tɔnɔla lá ngandji kɛ Yehova okokande
Yehova ambɔtɔpɛyɛ epapɛyɛ efula wɛ ntshina. Lá wedji wɔso, kɛkɔnge k’okokaso ndɔɔpɛyɛ? Lenda VIDEO.
Lá wepo wɛkɔnge Yehova ndɔkɛnyɛ ngandji kɛnde? Wala Yeembo 104:14, 15 edjinge 1 Djɔanɛ 4:9, 10, ko kadjimola lá weepó wɛnɛ:
-
Epapɛyɛ wɛkɔnge ɛmɔtshi wime Yehova w’olekɛ nsasanga?
-
Epapɛyɛ wɛsɔ wekotshindaka djɛ wɛ ndjalá l’ikanyi yɛ ngetenge te Yehova?
Ntsha onto ɔmɔtshi ambɔtɔpɛyɛ opapɛyɛ w’ɔkɔpaso efula, iso nkɔpaka ndɔwɛnyɛ djedjɛ djɛso m’opapɛyɛ wɔnde. Wala Mvungo K’ɛlɛmbɛ 16:17, ko kadjimola lá woopó wɔnɛ:
-
Winá wokanelɛ akambo ankfumɔ wa Yehova ndombokonanghela, kɛkɔnge k’okokɛ ndɔɔpɛyɛ?
5. Ndalambola ndjakalaka ɛtshɔkɔ lombombe
Anto amɔtshi nkanelaka ambɔ mba lomo, olemo wɔ wɔlɔ kana mfalanga angapɛyɛ osasa. Nkambo djɛsɔ dekɔ nsɔsɔlɔ? Lenda VIDEO, ko kadjimola lá weepó wel’anse.
-
Kaanga ntayi kɛ bale k’isɔmbɛna lá video djɛnɛ ndakɔpaka bale efula, ladjikɛnge ndatshike nta bale?
-
Nde ɔsaka nkano djɛ ndapɛyɛ ngo te Yehova, koko ape tá bale. Okanelɛ mo, nde ɔsaka nkano djɛ wɔlɔ? Lamo?
Lá ntondo k’ɔpɔstɔlɔ Poolo nkoma Okristo, nde atakilikaki olemo wɔ ndjala la lomo efula. Nde ekaka ɛlɛmbɛ w’ase Juda me wetsha ɔmɔtshi wɔ lomo wewamaki efula. Koko nde atshimbɛka wayi wasɔ t’ɔkɔngɔ ngo djɛnde nkoma Okristo. Poolo akiyanaka lá kɛnɛ kɛ ndatshike? Wala Filipɛ 3:8, ko kadjimola lá weepó wɛnɛ:
-
Ladjikɛnge Poolo ndatepela ante nkete djɛ ndatshike lá ntondo kɛnde nkoma Okristo yayalakande ‘oloyi wɔ nkete djɛ mbindo’?
-
Kɛkɔnge kɛ Poolo ndawa?
-
Etengo le wɛ, kɛkɔnge kekoka nkɔpɛyɛ osasa: oyɛwɔnde nkambela Yehova ndo koko nangha akambo ankina lá lowiko lɔko?
Winá wɔ Poolo ndayale Okristo, nde awaka nkete efula ndeka djɛ ndatshutshɛ
ANTO EFULA NTEPELAKA AMBƆ: “Apalekɔ nkambo djɛ djonyi ndambola lowiko lɔko te Ndjambe.”
-
Ladjikɛnge oyɛwɔ nkambo djɛ wɔlɔ le wɛ djɛ ndalambola te Yehova?
LÁ YOPASƐ
Ngandji ndeke lototshinda djɛ ndalambola te Yehova edjinge ndongola batisimo.
Mvungo
-
Lamo ngo Yehova ndeke okokaso ndjoka ngandji edjinge ndookambela l’oloko wɔso onkfumɔ?
-
Wopo wɔkɔnge Yehova ofutande Ewakɛ wɛnde wembolongola batisimo?
-
Wɛ nkɔpaka ndalambola te Yehova?
TOKANYI TONKINA
Lenda ladjikɛnge ondjombe wɔ omoto ɔmɔtshi edjinge ntayi kɛmɔtshi kɛ bale iyɛnyi wɔlɔ ndalambola te Yehova.
Dangala wayawopola—Kɛkɔnge kɛ monghonangha lá lowiko lɔmi?—Mvungɔ akambo wamboheta (6:54)
Lenda donga nkina djetshinda onto djɛ ndalambola.
‘Lamo oyɛ ladjɛ ndalambola te Yehova?’ (Etange k’Olami, Ngɔndɔ kɛ ntondo 15, 2010 lá Otetela)
Lá video djɛ yeembo, lenda osasa woyalaka l’onto winá wayalambolande nyɔmɛlɛ te Yehova.
Lá ɔkɔndɔ w’otepela ante: “Ndaawopolaka ɛnɔnyi efula ente: ‘Ladjikɛnge oyɛso lanɛ lá looko?’” lenda kɛnɛ ketshindisá omoto ɔmɔtshi djɛ ndjewa nkambo djelekisá djonyi lá lowiko lɔnde.
‘Bible ntshikitanyɛka mbiko’ (Etange k’Olami, Ngɔndɔ kɛ djomi l’ɔmɔ 1, 2012 lá Lingala)
