WEKELO 47
Wɛ olekɔ entshupa djɛ ndongola batisimo?
Wekelo wɔko wɔ Bible wombokokotshɛ́ djɛ ndjeka akambo efula walendana la Yehova. Ape l’ehamo, wɛ ombonangha etshikitano ɛmɔtshi djɛ nkamba l’akambo w’ekɛɛ. Koko, nkoka ndjalá olekɔ la nkambo mɔtshi djekoshimbá djɛ wɛ ndalambola te Yehova edjinge ndongola batisimo. Wekelo wɔnɛ, wongotepela ekakasano ɛmɔtshi w’anto olekawɔ mpomana djɛ ndongola batisimo edjinge wopo w’okokɛ ndekana ekakasano wɛkɔ.
1. Wɛ ladjɛ ndjewa akambo ankfumɔ welá Bible lá ntondo kɛ ndongola bitisimo?
Djɛ ndongola batisimo, wɛ ladjɛ ndjalá la ‘balo djɛ djɔ dj’akambo wa nsɔsɔlɔ.’ (1 Timɔte 2:4) Nkambo djɛsɔ mpakɔpɛ ntepela ante wɛ ladjɛ ndjewa nsakiso inkfumɔ lá weepó wimá Bible lá ntondo kɛ wɛ ndongola batisimo. Kaanga Akristo wambolongola batisimo ilá wakindjɛ ngo ndjeka. (Kɔlɔsɛ 1:9, 10) Koko wɛ ladjɛ nsipisoyɛ elakanyelo wɛ bango welá Bible. Tokokolo tel’otshumano wangokokotshɛ́ djɛ ndenda ntsha wɛ olekɔ la balo dj’ɛdje.
2. Wina wakɔnge w’okokɛ ntapola lá ntondo kɛ ndongola batisimo?
Lá ntondo kɛ ndongola batisimo, wɛ ladjɛ ‘ndaapɛla edjinge nkadjimola oloko.’ (Wala Elemo 3:19.) Nkambo djɛsɔ nkɔpaka ntepela ante wɛ ladjɛ ndjala l’okiyano w’efula lá mpekanto inkfumɔ yɛ nghananghe edjinge ndɔmba Yehova imeyelo. Wɛ ladjɛ ntona akambo wa nyɛtshi ankfumɔ la ndɔsa nkano djɛ mbika lá wopo wɔ Ndjambe ɔkɔpande. Lá djiko djɛ lasɔ, wɛ ladjɛ ndjingelaka nsanghanyɛ yɛ l’otshumano edjinge mpoposanyɛ etengo nsakodji ketalongola batisimo.
3. Ladjikɛnge ngopakoke ndjawola djɛ wɔma nkoshimba djɛ ndongola batisimo?
Anto amɔtshi wangokake wɔma ambɔ wapangokotshɛ ɛlɔkɔ k’iyatshike lá ntondo kɛ Yehova. Nsɔsɔlɔ, winá ɛmɔtshi wɛ ongonanghaka evunga, koko ewa ente kaanga ampame l’amato y’otepelawɔ lá Bible wananghaka nkambo djɛsɔ. Koko Yehova apakombola djɛ antɛmɔdji wande ndjala djɔ. (Wala Yeembo 103:13, 14.) Nde nsasangaka winá w’onanghɛ la wolo djɛ ndoosasangɛ! Nde angokokotshɛ́. Djɛkondeke Yehova ntoshikikɛka ante lako ‘ekete kekoka ntokapola má ngandji [kɛnde].’—Wala Ɔrɔma 8:38, 39.
TSHIMOLA
Lenda wopo w’okokɛ ndekana enkeka wekoshimba djɛ ndongola batisimo má ndjeka djɛ ndjewa Yehova edjinge ndjawola okotshɔ wɔnde.
4. Eka djɛ ndjewa Yehova wɔlɔwɔlɔ
Tii lá lɛdji lɔkɔnge l’okokɛ ndjeka djɛ ndjewa Yehova lá ntondo kɛ wɛ ndongola batisimo? Wɛ ladjɛ ndoowewa wɔlɔwɔlɔ djɛ ndɔɔkɔpa edjinge ndoosasangɛ. Lenda VIDEO djɛ nyɛna wopo wɔ ambeki wa Bible wel’andja w’otondo onanghawɔ nkambo djɛsɔ. Ko kadjimola lá woopó wɔ l’anse.
-
Lá video djɛnɛ, kɛkɔnge kekotshisá wananyɔ l’ankaana djɛ ndalɔngɔsɔla djɛ ndjala entshipa djɛ batizama?
Wala Ɔrɔma 12:2, ko kadjimola lá weepó wɛnɛ:
-
Olekɔ l’ehamo lá kɛnɛ kɛ Bible olakanyɛnde kana opawola ente Ewakɛ wɛ Yehova ndakanyɛka akambo wa nsɔsɔlɔ wemá Bible?
-
Ntsha oyɛwɔnde nghɔsɔ, okokɛ nangha mo?
5. Lekana enkeka djɛ ndongola batisimo
Winá w’ɔsaso nkano djɛ ndalambola te Yehova edjinge ndongola batisimo, isankfumɔ mpomanaka l’ekakasano. Djɛ nyɛna ndjɔmbɔmba kɛmɔtshi, lenda VIDEO, ko kadjimola lá weepó wel’anse.
-
Lá video djɛnɛ, ekakasano wɛkɔnge wɛ Narangerel ndakoke ndekana djɛ nkambela Yehova?
-
Wopo wɔkɔnge ngandji kokande Yehova yokotshɛ́ djɛ ndekana ekakasano wɛsɔ?
Wala Woongo 29:25 edjinge 2 Timɔte 1:7, ko kadjimola lá woopó wɔnɛ:
-
Kɛkɔnge kɛtɔpɛyɛ oloko wolo djɛ ndekana ekakasano?
6. Yawɛkɛ te Yehova djɛ nde nkokotshɛ́
Yehova angokokotshɛ́ djɛ wɛ ndosasangɛ. Lenda VIDEO, ko kadjimola lá weepó wel’anse.
-
Lá nkilika video djɛnɛ, ladjikɛnge ombeki wɔ Bible wɔnɛ ndengengaka djɛ ndongola batisimo?
-
Akambo wakɔnge wokotshisá djɛ nde nkembɛ djawo djɛnde te Yehova?
Wala Izaya 41:10, 13, ko kadjimola lá woopó wɔnɛ:
-
Ladjikɛnge okokɛ ndjalá l’eshikikelo ente wɛ nkoka nkotshɛ ɛlɔkɔ kɛ ngatshike winá wɔ ngoyalambola te Ndjambe?
7. Fudjɛ djedjɛ djɛko lá ngandji kɛ Yehova okokande
Winá wɔ ngongokanelaka ngandji k’efula kekoka Yehova ndeke ngongoleka ndjalá la djedjɛ tende edjinge ngɔngɔkɔpa ndokambela lotshinda lotshinda. Wala Yeembo 40:5, ko kadjimola lá woopó wɔnɛ:
-
Ɛtshɔkɔ wɛkɔnge wɛ Yehova wolekɛ nkɔpa?
Ɔprɔfɛtɛ Jɛrɛmi akɔpaki Yehova la otepela wɔnde, edjinge nde akɔpaki mpeyi keyalaki lande kɛ mbɛmba djiina djɛ Yehova. Nde atepelaka ante: ‘Etepela wɛko wetanemaka, ko lemi ndaalɛka; ko otepela wɔko woyalaka osasa le lemi edjinge wɔlɔ w’oloko wɔmi, ladjikɛnde Yehova Ndjambe kɛmi . . . wandjetaka lá djiina djɛko!’ (Jɛrɛmi 15:16) Kadjimola lá weepó wɛnɛ:
-
Ladjikɛnge oyɛwɔ mpeyi k’ekekete ndjalá Owakɛ wɔ Yehova?
-
Wɛ nkɔpaka ndongola batisimo djɛ ndjalá Owakɛ wɔ Yehova?
-
Nkambo mɔtshi ndekɔnge djekoshimba?
-
Kɛkɔnge k’okokɛ nangha djɛ nkotshɛ okoma wɔko wɔ ndongola batisimo?
ANTO EFULA NTEPELAKA AMBƆ: “Ndekɔ la wɔma wɔ ndongola batisimo, ladjikɛnde mpangokoka nangha akambo ankfumɔ wa monghotshika ɛlɔkɔ te Yehova.”
-
Edjinge wɛ ndeke loyawoka nghɔsɔ?
LÁ YOPASƐ
Mpeyi l’okotshɔ wɔ Yehova, wɛ nkoka ndekana ekakasano enkfumɔ djɛ ndongola batisimo.
Mvungo
-
Balo djɛ ngete nge dj’oyɛ ladjɛ ndjalá lá ntondo kɛ wɛ ndongola batisimo?
-
Etshikitano wɛkɔnge w’oyɛ ladjɛ nangha lá ntondo kɛ wɛ ndongola batisimo?
-
Lamo ngopakoke ndjoka wɔma djɛ ndongola batisimo?
TOKANYI TONKINA
Lenda akambo wakoka nkotshinda djɛ ndɔsa nkano djɛ ndongola batisimo.
‘Wɛ olekɔ entshupa djɛ ndongola batisimo?’(Etange k’Olami, Ngɔndɔ k’asato 2020 lá Otetela)
Eka djɛ ndjewa wopo w’okokɛ ndongela ekakasano wekoka nkoshimba djɛ ndongola batisimo.
‘Kɛkɔnge kenyemɛ djɛ ndongola batisimo?’ (Etange k’Olami, Ngɔndɔ k’asato 2019 lá Otetela)
Lenda ekakasano wɛ mpame kɛmɔtshi ndalekana djɛ ndongola batisimo.
Má bango, mpame k’etawɔ Ataa engengaki djɛ ndongola batisimo. Lenda kɛnɛ kotshindisá djɛ nde ntapola djina djɛ djonyi djɛsɔ.
