WEKELO 50
Wopo wɔkɔnge nkfumbo kɛko okokawɔ ndjalá l’osasa?—Etenyi 2
Wana walekɔ opapɛyɛ wime Yehova. Yehova nkombolaka djɛ ambotshi nama opapɛyɛ wɔsɔ wɔlɔ. Djɛ ndakotshɛ́, Yehova mpɛyɛka ambotshi alako wa balo djɛ nangha nkambo djɛsɔ. Alako wa Yehova nyɛnyɛka wana kɛnɛ k’okokawɔ nangha djɛ nkfumbo ndjalá l’osasa.
1. Yehova ɔpɛyɛnde ambotshi alako wakɔnge?
Yehova nkombolaka djɛ ambotshi nkɔpa wana wawɔ edjinge mpɛtshɛka winá esanga nyawɔ. Nde nkɔpaka djɛ ambotshi nama wana wawɔ m’ekakasano w’ekoka ndakomela edjinge nkamba la tɔkfɔ temá Bible djɛ ndaalakanyɛ. (Woongo 1:8) Nde nshimelaka wa papa ante: ‘Nyokindjɛ mbongola wana wanyo lá alako wa Yehova.’ (Wala Ɛfɛsɛ 6:4.) Yehova angosasangake winá w’ambotshi okilikawɔ ɛlɔndjɛlɔ kɛnde djɛ mbongola wana wawɔ edjinge ntsha wapapɛyisá onto ɔmɔtshi odjito wɔsɔ.
2. Alako wakɔnge wa Yehova ɔpɛyɛnde wana?
Yehova nshimelaka wana ante: ‘Nyɔlɛmɛyɛ ambotshi wanyo.’ (Wala Kɔlɔsɛ 3:20) Wana walekɔ́ la ntshunamo edjinge la dilɛmɛlɔ te ambotshi wawɔ, nsasangɛka Yehova edjinge ambotshi wawɔ. (Woongo 23:22-25) Yeso apɛyɛka ndjɔmbɔmba kɛ wɔlɔ winá wɔ ndayalaka wɔna. Kaanga ndayalaka onto wɔ djɔ, nde ayalaki la ntshunamo edjinge la dilɛmɛlɔ te ambotshi wande.—Luka 2:51, 52.
3. Wopo wɔkɔnge nkfumbo kɛko okokawɔ ndjala la djokanelo dj’efula la Ndjambe?
Ntsha olekɔ ombotshi, ipa l’ehamo wɛ nkɔpaka djɛ wana wako ndjoka Yehova ngandji etengo wɛ ówokɛ. Wopo wɔkɔnge w’okokɛ nkotshɛ okoma wɔsɔ? Má nkilika kɛnɛ kɛ Bible otepelande ante: ‘Ongɔkɔkɔmɛke wana wako etepela wɛ Yehova edjinge ongashimelake winá wintasɛ lá mvulu kɛko la winá wɔ ngotakɛndɛ nyawɔ lá mboka.’ (Mvungo k’Ɛlɛmbɛ 6:7) “Nkɔkɔmɛ” nkɔpaka ntepela ante nkalɔ ndakanyɛ nkambo mɔ winá la winá dj’ipa onto mvungɛ. Djɛkondeke wɛ ladjɛ mvungolaka wana wako nkambo mmɔ mbala la mbala dj’ipa iwɔ mvungɛ. Vɛrse djɛnɛ nkɔpaka ntepela ante wɛ ladjɛ mponaka mbamba kɛ nsawolaka nya wana wako akambo wa Yehova. Alekɔ nkambo djɛ balo djɛ ntshungola winá lobengo tshɛ djɛ ndjekaka otepela wɔ Ndjambe nya nkfumbo. Ntsha wɛ opakotshi wana, mbɔkoko ongoleka nkindjɛ mba wapɔ má ntshungolaka winá wɛ ndjekaka Otepela wɔ Ndjambe lobengo tshɛ.
TSHIMOLA
Lenda alako wa wɔlɔ wangokotshɛ́ djɛ nkfumbondjala l’osasa edjinge ndawoka l’elamelo.
4. Lakanyɛ wana wako la ngandji
Ndakanyɛ wana apalekɔ winá onkfumɔ nkambo djɛ wɔdju. Wopo wɔkɔnge Bible okokande nkokotshɛ́? Wala Djakɔbɔ 1:19, 20, ko kadjimola lá weepó wɛnɛ:
-
Wopo wɔkɔnge ambotshi okokawɔ nyɛnyɛ wana wawɔ ngandji winá w’osawolawɔ lawɔ?
-
Ladjikɛnge ombotshi ndopakoke mpɛyɛ wɔnande dilanyɛ lá winá w’oyɛnde la nkɛlɛ? a
5. Lama wana wako
Djɛ nama wana, alekɔ djonyi wɛ nsawolaka nya wɔna la wɔna akambo wa nsanga mbeto. Wɛ nkoka ndjoka nsɔnyi djɛ nsawola akambo wasɔ. Lenda VIDEO, ko kadjimola lá weepó wel’anse.
-
Lamo oyɛwɔ okakasano le ambotshi amɔtshi djɛ nsawola la wana wawɔ akambo wa nsanga mbeto?
-
Wopo wɔkɔnge ambotshi amɔtshi yapakisola wana wawɔ wayi walendana la osangelo wɔ mbeto?
Ngo ngete Bible ndalake, andja wa Satana wataleke ngo ntshitana. Wala 2 Timɔte 3:1, 13, ko kadjimola lá woopó wɔnɛ?
-
Anto amɔtshi wa nyɛtshi w’otepelawɔ lá vɛrse 13 nsangaka mbeto la wana la wolo. Ladjikɛnge oyɛwɔ djonyi dj’ambotshi ndakanyɛ wana wawɔ akambo walendana la nsanga mbeto edjinge wopo wɔkɔnge w’okokawɔ ndaalama me anto wasɔ?
Ongewake?
Ewakɛ wɛ Yehova wamboposɛ mpeko efula djekotshɛ́ ambotshi dj’iwɔ ndakanyɛ wana wawɔ akambo wa nsanga mbeto edjinge wopo w’okokawɔ ndaalama me anto wahona djɛ nkesola wana la wolo. Ndjɔmbɔmba, lenda:
-
Nyolame wana wanyo (video)
-
“Nyolakanyɛ wana wanyo akambo walendana la wayi wa nsanga mbeto” (Wetshɔ! No. 5 2016 lá Falase)
6. Nyɔlɛmɛyɛ ambotshi wanyo
Wana wa dɛngɛ la elangala wangɛnyɛ dilɛmɛlɔ djɛwɔ te ambotshi wawɔ má wopo wɔwɔ wɔ ntepela. Lenda VIDEO, ko kadjimola lá weepó wel’anse.
-
Ladjikɛnge oyɛwɔ nkambo djɛ wɔlɔ dj’olangala kana oseka nsawola nya ambotshi wande la dilɛmɛlɔ nkfumɔ?
-
Wopo wɔkɔnge dangala okokande nyɛnyɛ ambɔ iwɔ ndɔsaka ambotshi wawɔ l’odjito winá w’osawolawɔ?
Wala Woongo 1:8, ko kadjimola lá woopó wɔnɛ:
-
Kɛkɔnge kɛ olangala kana oseka okokande nangha winá wɔ ambotshi wande ɔpɛyɛwɔ dako?
7. Nyɔtɛmɔlɛ Yehova lá nkfumbo
Nkfumbo y’Ewakɛ wɛ Yehova nonghanyɛka lofu lɔmɔtshi lobengo tshɛ l’okokawɔ ntɛmɔla Yehova esanga. Wopo wɔkɔnge ɔtɛmwɛlɔ wɔ nkfumbo wɔsɔ okokawɔ nanghema? Lenda VIDEO, ko kadjimola lá weepó wel’anse.
-
Kɛkɔnge kekoka nkotshɛ́ nkfumbo djɛ nanghaka ɔtɛmwɛlɔ wɔ nkfumbo lobengo la lobengo?
-
Kɛkɔnge kɛ ambotshi okokawɔ nangha djɛ ndjila ɔtɛmwɛlɔ wɔ nkfumbo nkambo djɛ djoyi edjinge dj’osasa?—Lenda ntshango djɛ wingelo wɔ wekelo wɔnɛ.
-
Kɛkɔnge kekoka nyoshimba djɛ nanghaka ɔtɛmwɛlɔ wɔ nkfumbo?
Yehova ákɔpaki djɛ nkfumbo y’ase Isariyɛlɛ ndjekaka Otepela wɔnde lofu la lofu. Wala Mvungo k’ɛlɛmbɛ 6:6, 7, ko kadjimola lá woopó wɔnɛ:
-
Wopo wɔkɔnge w’okokɛ nkamba l’ikfɔ yɛnɛ?
Tokanyi tolendana l’ɔtɛmwɛlɔ wɔ nkfumbo:
-
Nyɔlɔngɔsɔlake nsanghanyɛ yel’otshumano.
-
Nyowale edjinge ntepela wamba amɔtshi welá Bible w’ase nkfumbo ɔkɔpakawɔ.
-
Ntsha olekɔ la wana wa dɛngɛ teleshargɛ kana ɛmprimɛ nkambo ɔmɔtshi djelendana la wana má jw.org.
-
Ntsha nyolekɔ l’elangala kana eseka, nyotepele djamba mɔtshi djelendana la dangala djelá jw.org.
-
Nyotombe la wana wanyo ɔkɔndɔ ɔmɔtshi wimá Bible.
-
Nyotepele edjinge nyolende video mɔtshi djemá jw.org.
ANTO EFULA NTEPELAKA AMBƆ: “Bible dekɔ wolo efula le wana.”
-
Okokɛ nkadjimola ente mo?
LÁ YOPASƐ
Yehova nkɔpaka djɛ ambotshi nkɔpa wana, ndakfumba edjinge ndaalama; nde nkɔpaka djɛ wana nɛmɛyɛ la ndjala la ntshunamo te ambotshi wawɔ; edjinge ankfumbo ndɔɔtɛmɔla esanga.
Mvungo
-
Wopo wɔkɔnge ambotshi okokawɔ nkfumba la ndakanyɛ wana wawɔ?
-
Wopo wɔkɔnge wana okokawɔ nɛmɛyɛ ambotshi wawɔ?
-
Ɛtshɔkɔ wɛkɔnge ase nkfumbo yongowa ntsha iwɔ ntɛmɔlaka Yehova esanga lá nkfumbo?
TOKANYI TONKINA
Elakanyelo wɛkɔnge w’ɔlɔngɔsɔlɛ wɔnako tá olangala?
‘Elakanyelo esamalo wɛ wana okokawɔ ndjeka’ (Wetshɔ! No. 2 2019 lá Otetela)
Lenda alako wa Bible ɔpɛyɛnde anto walama ambotshi wawɔ wambotshunda.
Lenda wopo wɔ mpame kɛmɔtshi ketewaki mbongola wana wɔlɔ ndokomaka ombotshi wɔ wɔlɔ efula.
Lenda wopo wɔ ombotshi wɔ mpame okokande nkembɛ djokanelo djɛnde nya wana wɔ mpame.
a Lá Bible itepela “ikako” (dilanyɛ) nkɔpaka ntepela ndɔndjɛ, mvungola la nsembola. Kɛsɔ kepasakisola ente djepakoke mpɛyama l’enkfukfulu kana l’onkonda.—Woongo 4:1.
