WEKELO 53
Sɔna etombo wesasangɛ Yehova
Yehova alekɔ ‘Ndjambe k’osasa.’ (1 Timɔte 1:11) Nde nkɔpaka dj’iso ndjalá l’osasa edjinge nsasanga la lowiko. Nde nsasangaka winá w’ɔtɛnande towa edjena kɛ mpomola la kɛ ntomba. Lá wekelo wɔnɛ, tɔngɛna wopo w’okokaso ntomba etombo lá yopo yɛtɔpɛyɛ osasa edjinge yesasangɛ Yehova.
1. Kɛkɔnge k’isopakoke mvungɛ winá wɔsɔnaso etombo?
Kɛkɔnge kɛ ngɔkɔpaka nangha winá w’otombɛ? Anto amɔtshi nkɔpaka mpetshɛ winá w’etombo lá mvulu kɛwɔ, mbalaka onkanda, ndjekameyɛka teembo, ndendaka filmɛ, kana ndjingelaka l’Ɛntɛrnɛtɛ. Ankina nkɔpaka ntotomba la winawɔ, ntshɔ ntɔka kana ntotomba etombo enkina. Ayale etombo wɛkɔnge wɔkɔpakaso ntomba, toyashikikɛ ntsha etombo wɛkɔ ‘wawolama me Nkfumi.’ (Ɛfɛsɛ 5:10) Alekɔ wɔlɔ iso nsipisoyɛ nkambo ntshɔ ladjikɛnde etombo efula wɛ anto otombawɔ lɔɔkɔ kɛnɛ welekɔ l’akambo efula wa Yehova otonande. Ndjɔmbɔmba, etombo w’akambo wa lopango, akambo wa nsanga mbeto edjinge wayi walekɔ́ la djokanelo l’ɛdjɛngɛ. (Wala Yeembo 11:5.) Kɛkɔnge kengotokotshɛ́ djɛ ndjewa nsɔna etombo wɛ wɔlɔ?
Ntsha iso nsɔna tolongo toka Yehova ngandji, iwɔ wangotoyakala lɔɔla lɔ wɔlɔ edjinge tɔngɔsɔna etombo wɛ wɔlɔ. Etengo isɛnyi lá wekelo 48, ‘onto woheetaka nya kanga balo, angoyala kanga balo.’ Koko ntsha tombekesanela l’anto wapoke Yehova ngandji ‘tongowa ekakasano.’—Woongo 13:20.
2. Ladjikɛnge oyɛwɔ djonyi ndjewa winá emangha w’ohetshɛso l’etombo?
Ayale kaanga etombo wɔkɔpaso ntomba welekɔ wɔlɔ, iso ladjɛ mbandjɛ dj’ipa etombo wɛkɔ ntɔsɛla winá efula. Ntsha lako tokoka ndosamba winá wɛ nangha akambo waleká djonyi. Bible ntokɛmbɛka dj’iso ‘nkamba la winá wɛso lá yopo yɛ wɔlɔ.’—Wala Ɛfɛsɛ 5:15, 16.
TSHIMOLA
Eka wopo wɔ ndjewa nsɔna etombo wɛ wɔlɔ.
3. Tona etombo wɛ nyɛtshi
Lamo oyɛso ladjɛ nsɔna etombo wɛso la balo nkfumɔ? Lenda VIDEO, ko kadjimola lá weepó wel’anse.
-
Wopo wɔkɔnge etombo wɛ ase ɔrɔma yatombaka l’etsho wɛ ntondo ɔfɔnawɔ la etombo w’etombama l’etsho wɛnɛ?
-
Lá video djɛnɛ, Danny ndawa olakanyelo wɔkɔnge lá nkambo djɛ etombo?
Wala Ɔrɔma 12:9, ko kadjimola lá woopó wɔnɛ:
-
Kɛkɔnge kɛ vɛrse djɛnɛ ɛnyɛnde lá nkambo dj’etombo?
Akambo amɔtshi wakɔnge Yehova otonande? Wala Woongo 6:16, 17 edjinge Ngalatiya 5:19-21. M’ɔkɔngɔ wɔ mbala vɛrse nkfumɔ, kadjimola lá woopó wɔnɛ:
-
Akambo wakɔnge w’avɛrse wanɛ otepelawɔ’, waleka nyɛnama lá etombo wɛ anto otombawɔ lɔɔko kɛnɛ?
Weepó wekoka nkokotshɛ́ lá ntondo kɛ nsɔna etombo
Lokawopole ente:
-
Nkambo djɛkɔnge? Etombo wɛnɛ welekɔ l’akambo watona Yehova?
-
Winá emangha? Etombo wɛnɛ nshimbaka lemi djɛ nangha akambo waleka djonyi?
-
Onto wɔkɔna? Etombo wɛnɛ wengontshindake djɛ lemi ndjala winá enkfumɔ isa anto wapoke Yehova ngandji?
Djɛ iso ndjewa namema, ngo mbangɔ́ akambo wakoka ntoyakala mbalaka. Djɛkondeke iso ladjɛ ntona etombo enkfumɔ welekɔ́ nyɛtshi
4. Ewa nkamba la winá wɛko la balo
Lenda VIDEO, ko masɔ kadjimola lá woopó wɔl’anse.
-
Kaanga wɔnanyɔ wela video ndotalendá akambo wa nyɛtshi, okakasano wɔkɔnge woyalisá lande?
Wala Filipɛ 1:10, ko kadjimola lá woopó wɔnɛ:
-
Wopo wɔkɔnge avɛrse wanɛ otokotshɛwɔ dj’iso ndjewa winá emangha w’okokaso ntomba etombo?
5. Sɔna etombo wɛ wɔlɔ
Nsɔsɔlɔ, etombo efula wepasasangɛ Yehova, koko etombo ɛmɔtshi efula ndoosasangɛ. Wala Losanghanyɛ 8:15 edjinge Filipɛ 4:8, ko kadjimola lá woopó wɔnɛ:
-
Etombo wɛkɔnge wɛ wɔlɔ wolekakɛ nkɔpa?
Wɛ nkoka nsasanga l’etombo wɛ wɔlɔ
ANTO EFULA NTEPELAKA AMBƆ: “Ndenda filmɛ y’akambo wa lopango, wa mbindo wa nsanga mbeto, ndjekameyɛ teembo kana wayi walekɔ́ la djokanelo l’ɛdjɛngɛ lako nyɛtshi ntsha mpananghe akambo wakɔ.”
-
Okokɛ nkadjimola ente mo?
LÁ YOPASƐ
Yehova nkɔpaka iso nsɔna etombo wɛ wɔlɔ edjinge wetosasangɛ.
Mvungo
-
Etombo wɛkɔnge wɛ Okristo ndopakoke ntomba?
-
Ladjikɛnge oyɛso ladjɛ ndjilá yimba efula lá winá wohetshɛso l’etombo?
-
Ladjikɛnge awolɛ nsɔna etomba wesasangɛ Yehova?
TOKANYI TONKINA
Onto wɔkɔna w’olekɔ l’odjito wɔ nkɔsɔnɛla etombo?
“Ewakɛ wɛ Yehova walekɔ la filmɛ, enkanda edjinge teembo tɔ yombashimba?” (Djamba djelá jw.org)
Lenda wopo w’okokɛ ndɔsa akano wa wɔlɔ lá nkambo djelendana la etombo edjinge asɛkɛlɔ.
‘Etombo w’otombɛ welekɔ wɛ wɔlɔ?’ (Etange k’Olami, Ngɔndɔ kɛ djomi 15, 2011)
Lá djamba djelekɔ́ l’ɔtɛ wɔ djoyi ante: “Ntshikaka nkanela anto nyɛtshi,” lenda wopo wɔ mpame kɛmɔtshi ndootshikitanyɛka ikanyi yɛnde lá nkambo dj’ɔsɔnɛlɔ w’etombo.
‘Bible ntshikitanyɛka mbiko’ (Etange k’Olami, Ngɔndɔ k’ape 1, 2010 lá Otetela)
Lenda wopo wɔ mama kɛmɔtshi ndɔshi nkano djɛ balo djɛ ntshika ndenda filmɛ yelekɔ́ la djokanelo l’ɛdjɛngɛ.
