WEKELO 55
Suka otshumano wɔnyo
L’andja w’otondo, miliyɔ y’Ewakɛ wɛ Yehova wɛ tɛmɔla Yehova l’osasa lá nunu djɛ ntshumano. Iwɔ walekɔ la djedjɛ lá olakanyelo la ɛlɔndjɛlɔ k’owawɔ, edjinge iwɔ nsukaka otshumano l’osasa lá akambo efula. Nghɔsɔ ndeke osukɛ otshumano wɔnyo?
1. Wopo wɔkɔnge w’okokɛ nkamba la winá edjinge la wolo wɔko djɛ nsuka otshumano?
Isankfumɔ nkoka ndjila lɔwɔ l’elemo wel’otshumano. Ndjɔmbɔmba, anto wambotshunda edjinge anto walekɔ́ la nkɔmɔ walekɔ l’otshumano wɔnyo? Wɛ nkoka ndakotshɛ́ djɛ ndayakala lá nsanghanyɛ? Ko kana, opakoke ndaakotshɛ́ lá topo tɔmɔtshi kɔɔ, etengo ndasombela nkete edjinge ndakambela elemo ɛmɔtshi welá mbandja? (Wala Djakɔbɔ 1:27.) Lonkina, iso nkoka nsuka lá osolelo edjinge lá ɔlɔngɔswɛlɔ wɔ Mvulu kɛso k’Onkfumi. Lako onto wototshinda la wolo djɛ nkamba elemo wɛsɔ. Koko ngandji k’okaso Yehova la wananyɔ ndeke lototshinda djɛ ‘ndálambola l’ɛkɔpa.’—Yeembo 110:3.
Ewakɛ wɛ Yehova wembolongola batisimo walekɔ la mbamba inkina y’okokawɔ nsuka otshumano. Wananyɔ wakotshɛ akambo walɔmbama, nkoka nkamba etengo enkambi wekotshɛ́ edjinge m’ɔkɔngɔ etengo tokokolo. Wananyɔ l’ankaana nkoka nsuka olemo w’ipoposanyɛ má ndjala tat’ekalo. Ewakɛ ɛmɔtshi nkoka nsuka olemo w’opikelo wɔ djena dj’ɔtɛmwɛlɔ kana má ntshɔ t’otshumano ɔmɔtshi wolekɔ́ la djonyi dj’okotshɔ lá topo tonkina.
2. Wopo wɔkɔnge w’okokaso nkamba la nkete djɛso djelá demba djɛ nsuka otshumano?
Bible ntɔlɔmbaka dj’iso ‘numɛ Yehova la nkete [djɛso] djɛ ntshó.’ (Woongo 3:9) Alekɔ itondo yɛ mpeyi leso djɛ mpɛyɛ mfalanga la nkete djɛso nkina djɛ nsuka otshumano edjinge olemo w’ipoposanyɛ wokambema l’andja w’otondo. (Wala 2 Kɔrɛntɔ 9:7.) Epapɛyɛ wɛso nkotshɛka lonkina winá woposa mbalaka kɛmɔtshi. Anto efula “mbombaka nkete mɔtshi” mbala la mbala djɛ ntɔpɛyɛ etengo opapɛyɛ. (Wala 1 Kɔrɛntɔ 16:2.) Iso nkoka mpɛyɛ opapɛyɛ má nkamba la tonsesete t’epapɛyɛ tolekɔ́ lá mvulu kɛso k’Onkfumi kana lá sitɛ kɛso k’Ɛntɛrnɛtɛ kɛ donate.pr418.com. Epapɛyɛ w’ɔpɛyɛso welekɔ wopo ɔmɔtshi wɛnyɛso Yehova ente iso ndoowokaka ngandji má wopo w’ɔsɔnaso djɛ nkamba la nkete djɛso djelá demba.
TSHIMOLA
Lenda akambo amɔtshi w’okokɛ nangha djɛ nsuka otshumano.
3. Tokoka mpɛyɛ nkete djɛso djelá demba
Yehova nya Yeso nkɔpaka onto wɔpɛyɛ l’osasa. Ndjɔmbɔmba, Yeso awandolaka wadj’odjo ɔmɔtshi w’ɔmvɔ m’opapɛyɛ wɔ ndapɛyɛ kaanga ndotayala la mfalanga efula. Wala Luka 21:1-4, ko kadjimola lá weepó wɛnɛ:
-
Djɛ nsasangɛ Yehova ngo mpɛyɛ epapɛyɛ wɛ nkekete?
-
Wopo wɔkɔnge woyawoka Yehova nya Yeso winá w’ɔpɛyɛso opapɛyɛ l’oloko ɔmɔ?
Djɛ ndjewa wopo w’okambaso l’epapɛyɛ wɛso, lenda VIDEO. Ko kadjimola lá woopó wɔ l’anse.
-
Wopo wɔkɔnge w’okambaso l’epapɛyɛ wɛso lá wapɔ wɔ ntshumano djelá andja w’otondo?
4. Iso nkoka ndaalambola djɛ nkotshɛ́
L’etsho wefunamaki Bible, antɛmɔdji yɛ Yehova wakambaki l’entete kenkfumɔ djɛ nama todjena tɔwɔ t’ɔtɛmwɛlɔ. Koko nkambo ntshɔ djalendanaki l’akambo efula, koko apengo mpɛyɛ mfalanga toko. Wala 2 Ɛkɔndɔ 34:9-11, ko kadjimola lá woopó wɔnɛ:
-
Wopo wɔkɔnge ose Isariyɛlɛ onkfumɔ ndananghaka djɛ nama mvulu kɛ Yehova, kana edjena k’ɔtɛmwɛlɔ?
Djɛ nyɛna wopo wokilika Ewakɛ wɛ Yehova ndjɔmbɔmba kɛ l’ɛtɛndɔ kɛ ntondo kɛsɔ, lenda VIDEO. Ko kadjimola lá weepó wel’anse.
-
Lamo oyɛwɔ wɔlɔ ndjilaka Mvulu kɛso k’Onkfumi piyɔɔ edjinge wɔlɔ?
-
Topo tɔkɔnge tɔmɔtshi t’okokɛ nsuka?
5. Wananyɔ nkoka nkotshɛ kɛnɛ kɛlɔmbama djɛ mbɛmba edjito
Bible nkembɛka Akristo dj’iwɔ nangha la wolo djɛ mbɛmba edjito l’otshumano. Djɛ nyɛna ndjɔmbɔmba kɛmɔtshi, lenda VIDEO. Ko kadjimola lá woopó wɔl’anse.
-
Lá video djɛnɛ, wopo wɔkɔnge Ryan ndakotshɛ́ kɛnɛ kɛlɔmbama djɛ mbɛmba edjito efula l’otshumano?
Bible ntɛnyɛka akambo wakoka nkotshɛ wananyɔ dj’iwɔ ndjala onkambi w’okotshɛ kana ikokolo. Wala 1 Timɔte 3:1-13, ko kadjimola lá weepó wɛnɛ:
ANTO EFULA NTEPELAKA AMBƆ: “Ewakɛ wɛ Yehova owawɔ mfalanga yɛ nkamba elemo wɛwɔ mampe?”
-
Wɛ okokɛ nkadjimola ente mo?
LÁ YOPASƐ
Yehova nsasangaka efula winá w’ɔtɛnande tosuka otshumano má winá wɛso, nkfulu yɛso, nkete djɛso kana mfalanga yɛso.
Mvungo
-
Wopo wɔkɔnge w’okokaso nkamba la winá wɛso edjinge la wolo wɔso djɛ nsuka otshumano?
-
Wopo wɔkɔnge w’okokaso nkamba la nkete djɛso djɛ nsuka otshumano?
-
Lá wayi wakɔnge w’okombolɛ nsuka otshumano?
TOKANYI TONKINA
Lenda ladjikɛnge Ndjambe ndɔpalɔmbɛ enkambi wɛnde djɛ ndɔɔpɛyɛ ntenyi djɛ djomi.
“Kɛkɔnge kɛ Bible otepelande lá nkambo djɛ etenyi djɛ djomi?” (Djamba djelá jw.org)
Isola kɛnɛ kesakisola “nkotshɛ kɛnɛ kɛlɔmbama” djɛ mbɛmba edjito l’otshumano.
‘Wɛ ‘ongokombolake mbɛmba edjito l’otshumano’?’ (Etange k’Olami, Ngɔndɔ kɛ djuwa 15, 2014)
Lenda wopo wɛnyɛ Ewakɛ wɛ Yehova ɛmɔtshi oloko wolo djɛ mbɛmbɛla wananyɔ l’ankaana yɛwɔ enkanda.
Hona djɛ ndjewa wopo w’owaso mfalanga yɛ nkamba olemo wɔso má ntshikitana la wopo wɔ elonghanyelo enkina onanghawɔ.
“Ewakɛ wɛ Yehova owawɔ mfalanga yɛ nkamba elemo wɛwɔ mampe?” (Djamba djelá jw.org)
