WEKELO 57
Okokɛ nangha mo ntsha ombonangha mpekanto k’ekekete?
Ayale kaanga wɛ nkɔpaka Yehova efula edjinge onghonanghake la wolo djɛ ntona akambo wakoka ndoowomadjɛ, lá winá ɛmɔtshi onghonangha evunga. Koko, mpekanto imɔtshi ndeka inkina nkekete. (1 Kɔrɛtɔ 6:9, 10) Ntsha ombonangha mpekanto kɛmɔtshi k’ekekete, ewa ente Yehova atokotone; vungɔ ente nde alekɔ entshupa djɛ nkimeyɛ la nkokotshɛ́.
1. Kɛkɔnge k’okokaso nangha djɛ Yehova ntimeyɛ?
Anto wakɔpa Yehova ndjalaka la yɛnyi y’efula winá w’ewawɔ ambɔ wambonangha mpekanto kɛmɔtshi k’ekekete. Koko iwɔ mbaka okotshɔ má daka djɛ Yehova djɛnɛ: ‘Ayale kaanga mpekanto yɛnyo imboyala nkolankola k’efula, ingoyala piyɔɔ etengo nkeka djɛ lowonge.’ (Izaya 1:18) Ntsha iso ndapɛla lá nsɔsɔlɔ, Yehova angotimeyɛ. Wopo wɔkɔnge w’okokɛ nyɛnyɛ ente olekɔ la ndapɛla? Ngo ntsha omboka yɛnyi y’efula má ovunga wɔ nghomonangha, ombotshika nangha ovunga wɔkɔ edjinge ɔmbɔlɔmba Yehova djɛ nde nkiimeyɛ. M’ɔkɔngɔ, nangha la wolo djɛ ntshikitanyɛ ekanedji kɛko kɛ pɔlɔ kɛkɔtɔlisá tá ovunga wɔkɔ, edjinge nangha la wolo djɛ nɛmɛyɛka tɔkfɔ tɔ Yehova lá lowiko lɔko.—Wala Izaya 55:6, 7.
2. Wopo wɔkɔnge Yehova okambande la tokokolo djɛ nkotshɛ́ onto wombonangha mpekanto?
Ntsha tombonangha mpekanto kɛmɔtshi k’ekekete, Yehova ntoshimelaka ante ‘nyete tokokolo tɔ l’otshumano.’ (Wala Djakɔbɔ 5:14, 15.) Tokokolo tɔsɔ nkɔpaka Yehova edjinge ɛnkɔkɔ wɛnde. Iwɔ walekɔ l’akoka wa nkotshɛ́ onto wombonangha ovunga djɛ ndjala la djokanela djɛ wɔlɔ nya Yehova.—Ngalatiya 6:1.
Wopo wɔkɔnge tokokolo otokotshɛ́kawɔ ntsha tombonangha mpekanto kɛmɔtshi k’ekekete? Tokokolo tope kana tosato, wangokamba la Bible djɛ ntovungola. Iwɔ wangɔtɔpɛyɛ alako wa wɔlɔ wɛdje la wangotokotshɛ́ dj’ipa nkalɔ nangha mpekanto kɛkɔ lonkina. Iwɔ nkoka ntoshimela ambɔ topalekɔ la lotshungɔ lɔ nangha elemo ɛmɔtshi wel’otshumano l’itenyi yɛ winá tii winá wɔ songoyala la djokanelo djɛ wɔlɔ la Yehova. Ntsha Okristo ɔmɔtshi ambonangha mpekanto kɛmɔtshi k’ekekete ko apakɔpɛ ndapɛla, tokokolo wangooposɛ má otshumano dj’ipa nde ntshita wananyɔ ankina.
TSHIMOLA
Fudjɛ djedjɛ djɛko l’okotshɔ wɔ Yehova ɔtɔpɛyɛnde ntsha tombonangha mpekanto kɛmɔtshi k’ekekete.
3. Ndjisola mpekanto ntokotshɛka djɛ nsala lá nyuma
Mpekanto kenkfumɔ konanghaso nkiyanyɛka Yehova, djɛkondele iso ladjɛ ndjisola mpekanto yɛso lá ntondo kɛ nde. Wala Yeembo 32:1-5, ko kadjimola lá woopó wɔnɛ:
-
Ladjikɛnge oyɛwɔ wɔlɔ ndjisola mpekanto yɛso le Yehova l’edjena k’iso ndjisa?
Dj’iso ndawoka wɔlɔ, ngo iso ndjisola mpekanto yɛso le Yehova edjinge mpona okotshɔ le tokokolo. Lenda VIDEO, ko kadjimola lá woopó wɔl’anse.
-
Lá video djɛnɛ, wopo wɔkɔnge tokokolo yakotshɛ́ Canon djɛ nkalɔ le Yehova?
Iso ladjɛ ndjipolela tokokolo oloko ladjikɛnde iwɔ nkɔpaka ntokotshɛ́. Wala Djakɔbɔ 5:16, ko kadjimola lá woopó wɔnɛ:
-
Ladjikɛnge nshimela tokokolo nsɔsɔlɔ ndaakotshɛka dj’iwɔ ndjewa wopo w’okokawɔ ntokotshɛ́?
Isola mpekanto kɛko, shimela tokokolo nsɔsɔlɔ edjinge awola okotshɔ wɔ la ngandji wɔ Yehova
4. Wɛlɔ weyɛ má oposelo w’onto m’otshumano
Ntsha onto ambonangha mpekanto kɛmɔtshi k’ekekete ko ambotona nkilika tɔkfɔ tɔ Yehova, nde apakoke ntshikala l’otshumano. Nde mposaka m’otshumano edjinge topakoke ndjalá la djokanelo lande lonkina kana ntepela lande. Wala 1 Kɔrɛtɔ 5:6, 11 edjinge 2 Djɔanɛ 9-11, ko kadjimola lá woopó wɔnɛ:
-
Etengo okanga w’ifudjɛ ofudjɛkawɔ osawo wɔ mampa (pâte), wopo wɔkɔnge djokanelo djɛ l’onto wombonangha mpekanto ko apakɔpɛ ndapɛla okokawɔ ndjalá l’eposelo wɛ nyɛtshi l’otshumano?
Anto efula waposisá wayɛka ndokalɔ l’otshumano, ladjikɛnde kaanga ikako yɛyawa yaapɛyɛka paa efula, nkambo djɛsɔ djakotshɛka djɛ nsipisoyɛ ambɔ kɛnɛ k’iyananghe ketayala wɔlɔ. (Yeembo 141:5) Lenda VIDEO, ko kadjimola lá woopó wɔl’anse.
-
Lá video djɛnɛ, wopo wɔkɔnge oposelo ndakotshɛ́ Sonja?
Wopo wɔkɔnge oposelo w’onto m’otshumano okotshɛnde djɛ . . .
-
numɛ djiina djɛ Yehova?
-
nyɛnyɛ ente Yehova alekɔ l’ekanelo kɛ wɔlɔ la ambolola kfu la ngandji?
5. Yehova ntimeyɛka winá w’oyapɛlaso
Yeso akambaka la ndjɔmbɔmba kɛmɔtshi djɛ ntokotshɛ́ dj’iso nsipisoyɛ wopo wɔ Yehova okakande ntsha onto ɔmɔtshi amboyapɛla. Wala Luka 15:1-7, ko kadjimola lá woopó wɔnɛ:
-
Kɛkɔnge ketolakanyɛ ndjɔmbɔmba kɛsɔ lá nkambo djɛ Yehova?
Wala Ezekiyɛlɛ 33:11, ko kadjimola lá woopó wɔnɛ:
-
Kɛkɔnge kɛ onto okokande nangha djɛ nyɛnyɛ ante alekɔ la ndapɛla kɛ nsɔsɔlɔ?
Etengo olami w’ɛnkɔkɔ, Yehova ndjilaka ɛnkɔkɔ wɛnde yimba
ANTO EFULA NTEPELAKA AMBƆ: “Ndjoka wɔma djɛ nshimela tokokolo mpekanto kɛ momonangha, ladjikɛnde wangomposɛ m’otshumano.”
-
Wɛ okokɛ nsimela onto wɔsɔ ente mo?
LÁ YOPASƐ
Ntsha tombonangha mpekanto k’ekekete ko tomboyapɛla l’oloko ɔmɔ edjinge tɔmbɔsa nkano dj’ipa nkalɔ nangha mpekanto kɛkɔ, Yehova angotimeyɛ.
Mvungo
-
Ladjikɛnge oyɛwɔ wɔlɔ ndjisola mpekanto yɛso le Yehova?
-
Kɛkɔnge k’okokaso nangha djɛ Yehova ntimɛyɛ mpekanto yɛso?
-
Ntsha tombonangha mpekanto kɛmɔtshi k’ekekete, ladjikɛnge oyɛwɔ wɔlɔ ndɔmba okotshɔ me tokokolo?
TOKANYI TONKINA
Lenda wopo wɔ Yehova ndoke mpame kɛmɔtshi djandji djɛnde etengo ɛnaso lá Izaya 1:18.
Wopo wɔkɔnge nkano djɛ mposɛ onto m’otshumano okokawɔ ndjala la wapɔ le onto onkfumɔ?
Eka djɛ ndjewa wopo w’okokɛ nshimela onto wopalekɔ́ Owakɛ wɔ Yehova djonyi djelekɔ́ l’oposelo w’onto m’otshumano.
“Ewakɛ wɛ Yehova wangotonake anto wamboposaká má ɔtɛmwɛlɔ wɔwɔ?” (Djamba djelá jw.org)
Lá ɔkɔndɔ wotepela ante: “Nyɛnaka djonyi djɛ nkalɔ le Yehova,” lenda ladjikɛnge mpame kɛmɔtshi kɛpɛyisá akambo wa nsɔsɔlɔ ɔkɔngɔ ndɛnyi djɛ Yehova ambokawoyɛ.
‘Bible ntshikitanyɛka mbiko’ (Etange k’Olami, Ngɔndɔ k’anɛyi 1, 2012)
