L’etsho wɛnɛ kana l’etsho weyaye, Akristo ankfumɔ wangopomana l’ekakasano kana la lɔnyɔkɔ. Nkambo ntshɔ nkoka ntokɛ wɔma?

1. Ladjikɛnge oyɛso ladjɛ nkongela lɔnyɔkɔ?

Bible ntepelaka papoo ante: ‘Anto ankfumɔ wakɔpa mbika lá omamelo wɔ te Ndjambe esanga la Kristo Yeso, iwɔ koko wangɛna ndjolo.’ (2 Timɔte 3:12) Yeso ɛnaka ndjolo ladjikɛnde nde atakɔpa ndɔsa opiko l’andja wa Satana. Edjinge iso topalekɔ anto wel’andja wanɛ, djɛkondeke topakamɔ winá wɔ enkfumi wel’andja wanɛ edjinge eloyi wɛ ntolo dj’engolo ɔtɛnyɛwɔ ndjolo.—Djɔanɛ 15:18, 19.

2. Wopo wɔkɔnge w’okokaso ndálonghanyɛ lá nkambo djɛ lɔnyɔkɔ?

Tolekɔ la djonyi djɛ nkembɛ djawo djɛso te Yehova má winá wɔsɔ. Lofu la lofu, waka winá wɔ ndɔmbaka edjinge wɔ mbalaka etenyi kɛ mɔtshi kɛ Bible. Ingelaka nsanghanyɛ yel’otshumano mbala la mbala. Akambo wasɔ ankfumɔ wangɔkɔpɛyɛ wolo w’oyɛ la djonyi djɛ nkulumeyɛ lɔnyɔkɔ lonkfumɔ l’oloko wolo, ayale kaanga oyɛwɔnde me ase nkfumbo kɛko. Ɔpɔstɔlɔ Poolo, onto wɛnisá ndjolo, afunaka ante: ‘Yehova alekɔ okotshɔ wɔmi, lemi mpangoka wɔma.’—Hebero 13:6.

Tokoka ndjala l’oloko wolo lonkina má mpoposanyɛka winá la winá. Olemo w’ipoposanyɛ ntokotshɛka djɛ ndjilela Yehova oloko edjinge nyimɛ wɔma w’onto. (Woongo 29:25) Ntsha omboyala l’oloko wolo wɔ mpoposanyɛ l’etsho wɛso wɛnɛ, wɛ ongoyalonghanyɛ djɛ nkindjɛ mpoposanyɛ kaanga lá winá w’ewandji wɛ lɛɛta yongemɛ olemo wɔso.—1 Tesalɔnikɛ 2:2.

3. Wɛlɔ wɛkɔnge w’owaso má nkfulumeyɛ lɔnyɔkɔ?

Lá nsɔsɔlɔ, topasasangaka winá w’anto ɔtɛnyɛwɔ ndjolo, koko winá w’okfulumeyɛso lɔnyɔkɔ djawo djɛso nkembaka. Iso ndekaka ndasukanyɛ la Yehova ladjikɛnde tɔnghɛnake wopo w’otokotshɛ́nde kaanga winá w’okaso etengo topokoka nkfulumeyɛ. (Wala Djakɔbɔ 1:2-4.) Yehova nkiyanaka winá wɛnaso ndjolo koko nde nsasangaka winá w’ɔtɛnande tokfulumeyɛ. Bible ntepelaka ante: ‘Nkama nyokfulumeyɛ ndjolo l’ɔtɛ wɔ akambo wa wɔlɔ winyananghe, ɔsɔ alekɔ nkambo djɛ wɔlɔ le Ndjambe.’ (1 Pɛtɛlɔ 2:20) Lofuto lɔ Yehova ndongopɛyɛ anto ankfumɔ wangotshikala la nkɔmano nde, lowiko l’etshinda lá andja wa lako onto wongonanyɛ ɔtɛmwɛlɔ wɔ nsɔsɔlɔ lonkina.—Mateo 24:13.

 TSHIMOLA

4. Wɛ nkoka nkfulumeyɛ onanyelo wime ase nkfumbo

Yeso ewaki ante mbala imɔtshi, ase nkfumbo yɛso nkoka ntona nkano djɛso djɛ nkambela Yehova. Wala Mateo 10:34-36, ko kadjimola lá woopó wɔnɛ:

• Kɛkɔnge kekoka nanghema ntsha ose nkfumbo ɔmɔtshi ambɔsa nkano djɛ nkambela Yehova?

5. Kindjɛ ntɛmɔla Yehova kaanga l’anteyi k’onanyelo

 6. Yehova angokokotshɛ́ djɛ nkfulumeyɛ

 LÁ YOPASE

Yehova ndɔsaka l’odjito welo w’ilaso djɛ ndokambela kaanga l’anteyi kɛ lɔnyɔkɔ. Má okotshɔ wɔnde, iso nkoka nkfulumeyɛ lɔnyɔkɔ!

Mvungo

• Ladjikɛnge Akristo yopakoke nkamɔ ntsha wambopomana la lɔnyɔkɔ?

• Okokɛ nagha nge má win’ɔsɔ djɛ ndalonghanyɛ winá wɔ ngongopomana la lɔnyɔkɔ?

• Ladjikɛnge awolɛ ente wɛ nkoka ntshikala la nkɔmano te Yehova ayale l’anteyi k’ekakasano wɛkɔnge?