WEKELO 60
Kindjɛ mfula lá nyuma
Lá wekelo wɔko wɔ Bible, wɛ ombeka akambo efula walendana la Yehova. Akambo wa ngombeka wambokotshinda djɛ wɛ ndowoka ngandji k’efula, djɛkondeke mbala imɔtshi omboshiyɛ́ ndalambola te nde edjinge ombolongolá batisimo. Ntsha lako, mbɔ mbala imɔtshi lako ilá ɔkɔpa ndɔsa nkano djɛsɔ. Koko djɛ mfula lá nyuma apakome ngo lá batisimo toko. Wɛ nkoka nkindjɛ ndasukanyɛ nya Yehova lotshinda lotshinda. Lá wopo wɔkɔnge?
1. Ladjikɛnge oyɛ ladjɛ nkindjɛ nkembɛ djokanelo djɛko nya Yehova?
Iso ladjɛ nkindjɛ ndjila welo djɛ nkembɛ djokanelo djɛso la Yehova. Ladjikɛnge? ‘Dj’ipa iso mvunga mboka,’ ko ndoyalá imbango la nde. (Hebero 2:1) Kɛkɔnge kekoka ntokotshɛ́ djɛ nkindjɛ nkambela Yehova la nkɔmano? Tokoka nkindjɛ ndapɛyɛ l’olemo w’ipoposanyɛ edjinge mpona mbamba inkina djɛ nkambela Ndjambe kɛso lá wopo wɔ wɔlɔ. (Wala Filipɛ 3:16.) Nkambela Yehova alekɔ wopo wɔ lowiko loleka wɔlɔ!—Yeembo 84:10.
2. Nkambo djɛkɔnge nkina dj’okokɛ nkindjɛ nangha?
Kaanga wekelo wɔko wɔ Bible yombokoma l’ekomo, lowiko lɔko l’Okristo longotakindjɛka. Bible ntoshimelaka ante ‘nyɔlɔtɛ lonto lɔ bango.’ (Ɛfɛsɛ 4:23, 24) Ntsha wɛ nkindjɛ ndjeka Otepela wɔ Ndjambe edjinge ndjingelaka lá nsanghanyɛ yɛ l’otshumano, wɛ ongeka akambo ankina wa bango lá nkambo djɛ Yehova la djɛ wekeka wande. Hona djɛ wɛ ndjokola wɔlɔwɔlɔ lonto lɔ Yehova lá lowiko lɔko. Kindjɛ nangha etshikitano wekoka djɛ nsasangɛ Yehova.
3. Wopo wɔkɔnge Yehova okokande nkokotshɛ́ djɛ wɛ nkindjɛ mfula lá nyuma?
Bible ntepelaka ante: ‘Ndjambe nyɔmɛlɛ angoshiyɛ okfumbelo wɔko. Nde angokokotshɛ́ djɛ wɛ mpikama, nde angokokembɛ, nde angokemɛ dj’ipa wɛ ntshikita.’ (1 Pɛtɛlɔ 5:10) Isankfumɔ tongopomanake l’ehemba. Koko Yehova ntɔpɛyɛka wolo w’oyɛso la wɔkɔ djonyi djɛ mpikama. (Yeembo 139:23, 24) Nde ntolakaka djɛ ntɔpɛyɛ mposɛ la wolo wɔ ndookambela la nkɔmano.—Wala Filipɛ 2:13.
TSHIMOLA
Lenda wopo w’okokɛ nkindjɛ mfula edjinge wopo wɔ Yehova ndɔngɔkɔtshɔkɔla.
4. Kindjɛ nsawola nya Ilongo yɛko y’ɔkɔpɛ efula
Lɔlɔmbɔ edjinge wekelo wɔ Bible wokokotshɛka djɛ ndjala ilongo yɛ Yehova. Wopo wɔkɔnge akambo wasɔ okokawɔ nkokotshɛ́ djɛ ndeka nkembɛ djokanelo djɛko nya nde?
Wala Yeembo 62:8, ko kadjimola lá woopó wɔnɛ:
-
Djɛ djokanelo djɛko nya Yehova ndeka ndjala wolo, wopo wɔkɔnge w’okokɛ ndeka ndɔngɔsɔla yopo yɛko yɛ ndɔmbɔ?
Wala Yeembo 1:2 la nɔtɛ, ko kadjimola lá woopó wɔnɛ:
-
Djɛ nkembɛ djokanelo djɛko nya Yehova, wopo wɔkɔnge w’okokɛ ndeka ndɔngɔsɔla badji djɛko djɛ Bible?
Okokɛ nangha mo djɛ ndeka mba wapɔ má wekelo w’onto nyɔmɛlɛ wɔ Bible? Djɛ nyɛna tokanyi tɔmɔtshi, lenda VIDEO, ko kadjimola lá weepó wel’anse.
-
Alako wakɔnge welá video djɛnɛ w’okokɛ nkamba la wakɔ?
-
Wayi wakɔnge w’okombolɛ ndjeka?
5. Lokawilele ekoma welá nyuma
Ndawilela ekoma l’olemo wɔ Yehova angokokotshɛ́ djɛ wɛ nkindjɛ mfula lá nyuma. Lenda VIDEO, ko kadjimola lá woopó wɔ l’anse.
-
Lá video djɛnɛ, wapɔ wɔkɔnge wowisá Cameron má wopo wɔ ndoyawilela ekoma welá nyuma?
Ape onto onkfumɔ ndeke lokoka ntshɔ ntopoposanyɛ l’owila onkina. Koko isankfumɔ nkoka ndawilela ekoma w’okokaso nkotshɛ́. Wala Woongo 21:5, ko tɔnɔla ekoma w’okokɛ ndawilela . . .
-
l’otshumano.
-
l’olemo w’ipoposanyɛ.
Wopo wɔkɔnge ikfɔ yelá vɛrse djɛnɛ okokawɔ nkokotshɛ́ djɛ nkotshɛ ekoma wɛko?
Ekoma ɛmɔtshi w’okokɛ ndawilela
-
Mbɔngɛ lonkina wopo wɔko wɔ ndɔmba.
-
Nshiyɛ mbala Bible dj’otondo.
-
Hona djɛ ndjewa onto onkfumɔ wolekɔ́ l’otshumano wɔnyo.
-
Wanga edjinge kindjɛ ndɔndjɛ wekelo wɔ Bible.
-
Kamba ngete yat’ekalo y’itenyi kana yat’ekalo yɛ lotshinda.
-
Ntsha oyɛnde wɔnanyɔ wɔ mpame, kotshɛ kɛnɛ kɛlɔmbama djɛ ndjalá onkambi wokotshɛ́.
6. Sasanga la lowiko lotshinda lotshinda!
Wala Yeembo 22:26, ko kadjimola lá woopó wɔnɛ:
-
Kɛkɔnge k’okokɛ nangha djɛ nsasanga la lowiko má win’ɔsɔ edjinge lotshinda lotshinda?
LÁ YOPASE
Kindjɛ nkembɛ djokanelo djɛko nya Yehova edjinge lokawilele ekoma wela nyuma. Nghɔsɔ ndeke okokɛ nsasanga la lowiko lotshinda lotshinda!
Mvungo
-
Ladjikɛnge awolɛ ente Yehova angokokotshɛ́ djɛ wɛ ndokambela la nkɔmano nkfumɔ?
-
Wopo wɔkɔnge w’okokɛ nkembɛ djokanelo djɛko nya Yehova?
-
Wopo wɔkɔnge ekoma welá nyuma okokawɔ nkokotshɛ́ djɛ wɛ nkindjɛ mfula?
TOKANYI TONKINA
Kɛkɔnge keleka djonyi le Yehova, nangha nkambo mɔtshi djɛ nkamɔ djɛnyɛ djɛ tomboyalambolá lende, ndo koko ntshikala la nkɔmano lende lowiko lɔso lonkfumɔ?
Kaanga onkambi wɔ Yehova wɔ nkɔmano nkoka ntshutshɛ osasa. Lenda wopo w’okokɛ nkalɔ ndjalá l’osasa.
Wopo wɔkɔnge w’okokɛ ndawilela ekoma welá nyuma edjinge ndakotshɛ?
Ladjikɛnge oyɛwɔ djonyi ndjalá Okristo wombotshunda lá nyuma, edjinge kɛkɔnge k’okokɛ nangha djɛ ntshunda lá nyuma?
