Wopo w’okokɛ ndeka mba wapɔ má wekelo wɔ Bible wɔnɛ
Ntondo ntondo, shishima mvungo kɛnɛ, edjinge lenda VIDEO.
ETENYI KƐ NTONDO
Djɛ ndɔngɔsɔla wekelo onkfumɔ, wala etenyi kɛ ntondo. Weepó welekɔ́ l’alɛta wa tshulu (A) edjinge avɛrse (B) sipisoyɛ wayi waleka djonyi. Ewa ente avɛrse amɔtshi mfunama ambɔ “wala” kana “nyowale.”
ETENYI KEL’ANTEYI ANTEYI
Etepela w’ewangelo (C) wel’anse kɛ Tshimola, nsakisolaka wayi wakilika. Ɛtɛ wɛ wayi wekilika (D) mbangaka la wayi waleka djonyi. Esanga nya wetsha wɔko, nyowale avɛrse, nyokadjimole lá weepó edjinge nyolende avideo.
VIDEO ntokotshɛ djɛ ndjakfɛ tokanyi tonkina lá wekelo. Avideo amɔtshi wɛnyɛ akambo wananghemisá. Amɔtshi walekɔ ndjɔmbɔmba y’akambo watanenghema, koko wɛnyɛ akambo wa nsɔsɔlɔ.
Nyoshishime wɔlɔ asango edjinge etepela wesakisola asango (E), edjinge nyɔtɔnɔlɛ lá wopo wɔ nkadjimola etenyi ketepela ante Anto efula ntepelaka ambɔ (F).
ETENYI K’EKOMO
Etenyi ketepela ante Lá yopasɛ edjinge Mvungo (G) ndeke lokomɛ wekelo. Funa datɛ djɛ nyomboshiyɛ wekelo w’otondo. Etenyi ketepela ante Okoma wɔ momoyawilela (H) nyɛnyɛka djoyi mɔtshi dj’okokɛ nangha má wayi wa ngekaki la ndalɔngɔsɔla lá nkambo mɔtshi. Etenyi ketepela ante Tokanyi tonkina (I) alekɔ l’akambo amɔtshi w’okokɛ nkota la avideo w’okokɛ ndenda.
Ɛtɛ wɛ wayi
|
|
|
|
Wopo wɔ ndjisola avɛrse lá Bible
Bible dekɔ la tonkankanda 66. Bible nkapolama lá ntenyi mpe: Efunelo wɛ Hebero-Arameyɛ (“Daka dj’ililá”) edjinge Efunelo w’Akristo welá Grɛkɛ (“Daka djɛ bango”).
Winá w’owalawɔ vɛrse lá wekelo wɔnɛ, wangɛnyɛke djiina dj’onkanda welá Bible (A), ko nkilikana la shapitrɛ (B), edjinge vɛrse kana avɛrse (C).
Ndjɔmbɔmba, Djɔanɛ 17:3 nkɔpaka ntepela onkanda wɔ Djɔanɛ, shapitrɛ 17, vɛrse 3.
