“Anto wangokfundjo.”​—Elemo 24:15, Traduction du monde nouveau.

Eleko djoyi dje ntokitshe awale nde tombowuse onto we ngandji.​—2 Kɔrɛntɔ 1:3, 4.

Etotshungola ma woma we nyoyi.​—Hebero 2:15.

Etopeye ikanyi ye nkonga ndjɛ yɛnana kape la boto la bɔndɔ nambowó.​—Djɔanɛ 5:28, 29.

Ɛɛ, lá ndenda kondo akambo asato:

• Ndjambi nde Ontongi we lowiko. Lá Bible, Yehova owetawo nde “ikɔkɔ ye lowiko.” (Yeembo 36:9; Elemo 17:24, 25) Onto onapeyisá lowiko le ekete enkfumo enawika ayokoka solo mbikie kape onto onambowo.

• Ndjambi akfundolaka anto amotshi lá mfu ye ntondo. Bible atepela dje anto enanei wanakfundjisá l’ane lá looko​—denge, ampingo, ampame la wamoto. Amotshi watayalá ilá lá nyoi; onkina ananghaká etsho enei lá nketa!​—Djɔanɛ 11:39-44.

• Ndjambi akopa nkalo nkfundola anto. Yehova apakopaka nyoyi; enakande nyoi nde lotonyi. (1 Kɔrɛntɔ 15:26) “Akombolande” nde nkfundola anto dje nsiye onkomba nya lotonyi loko. Akopande nde nkfundola anto ankfumo wanawombande l’ikanyi ye nd’eko; akopa dje wawike kape l’ane lá looko.​—Djɔbɔ 14:14, 15.