Ongoyalake l’okakasano wɔ mbopɔ akambo wa nghombeka? Isankfumɔ tongovungɛke mbala la mbala. Kɛkɔnge kekoka nkokotshɛ́? Kalɔ nshishima akambo wa djonyi.

Winá w’ekɛ, emala winá la winá djɛ mfuna akambo wa djonyi. Lenda wopo wɔ ɔpɔstɔlɔ Poolo ndakotshɛ́ antangi y’onkanda wɔnde dj’iwɔ nangha nghɔsɔ, winá wɔ ndafune ante: ‘Otondo wɔ nkambo kɔɔ dj’otepelaso nkikinɛ.’ (Heb. 8:1) Lá lɛdji lɔsɔ, nde akotshɛ́ka anto w’owekameyɛki djɛ ndjoka kɛnɛ kɛ ndakɔpɛ ntepela la wopo w’okanaki etepela wɛsɔ l’ɔtɛ wɔ djoyi.

Okoka mbomba ndambo kɛ winá, mbala imɔtshi minitɛ djomi l’ekomo kɛ wekelo, djɛ ntɔnɔla lá tokanyi tɔ djonyi tɔ nghombeka. Ntsha opovungɔka akambo kɔɔ, shishima tɔtɛ tɔ wayi kana tokanyi tɔ djonyi—mbala efula yoyalaka nde ɔnɔnghɔ wɔ ntondo wɔ itenyi inkfumɔ—djɛ nkokotshɛ́ djɛ mvungɔ. Ntsha ngombeka nde nkambo djɛ bango, sɛsa mpakisola nkambo djɛkɔ l’etepela wɛko nghɔmɛlɛ. Má nshishima akambo wa djonyi wa ngombeka, wɔngɔ wɔko wongoyala l’akoka wa nkota, la ɔngɛna wɔlɔ wɔlɔ wopo w’okokɛ nkamba l’akambo wakɔ lá lowiko lɔko.