Winá w’olalɔngɔsɔlaso djɛ ndjeka, tolawopole ente: ‘Ɔkɔpami ndjeka nge?’ Koko towadjɛ dj’ipa akambo w’okombolaso ndjeka ntodjipa wiso dj’ipa ndjisola akambo wa bango wa Yehova ɔkɔpande ntolakanyɛ. Wopo wɔkɔnge ekameyɛkaso kɛnɛ kɛ Yehova otolakanyɛnde?

Lɔmba djɛ mba balo. Lɔmba Yehova akokotshɛ́ djɛ nkɔdjɛ kɛnɛ k’okombolande wɛ ndjeka winá wɔsɔ. (Dja. 1:5) Ewɔ dj’ipa ndáwɛkɛ ngo lá looka lɔko lɔ ntondo.—Woo. 3:​5, 6.

Lɛmɛyɛ nkfulu kelekɔ́ la Bible. ‘Otepela wɔ Ndjambe wolekɔ la lowiko.’ (Heb. 4:12) ‘Otepela’ wɔ Ndjambe k’ewika nkoka ndjala l’eposelo w’etshikitanyi leso winá enkfumɔ w’owalaso Bible, koko ngo ntsha tawola kɛnɛ k’okokaso ndjeka kana mba m’eteyi winá w’owalaso.

Yala la djedjɛ lá ekete kenkfumɔ kelekɔ́ lá mɛsa kɛ Yehova. Eleelo wɛnde wɛ nyuma welekɔ ete ngo ‘dambo dekɔ la nkete djɛ ndɛ djɛ wɔlɔ.’ (Iza. 25:6) Totambake ‘nkete’ dj’ɔfɛnyɛ ente mpalekɔ wɔlɔ. Wɛ ongowa wapɔ la koko ongosasanga kɛnɛ kɛ Ndjambe ɔkɔpɛyɛnde!