Winá w’owalaso Bible, tokoka mpona elakanyelo wɛ ntsho wɛ nyuma má nangha ehonelo. Iya wopo wɔkɔnge w’okokaso ndeka mba wapɔ wɔlɔwɔlɔ?

Tshimola djɛ ndjewa ikakambo inkfumɔ y’ɔkɔndɔ wɔ Bible. Ndjɔmbɔmba, ewa mfunyi k’ɔkɔndɔ, ndafunela na edjinge winá w’ɔkɔnge. Akambo wakɔnge wahetaki winá w’ɔkɔndɔ yafunamaka, kɛnɛ kenanghemaki ntondo ole kɛnɛ keyisá ndonanghema m’ɔkɔngɔ?

Tɔnɔla lá elakanyelo w’okokɛ mba má nangha ehonelo lá weepó w’etengo wɛnɛ: ‘Wopo wɔkɔnge anto wa l’ɔkɔndɔ wɔnɛ iyolawokáká? Wekeka wakɔnge wa yɛnyɛ? Ladjikɛnge oyɛmi ladjɛ ndjokola wekeka wakɔ kana ntona ndjokola?’

Kamba l’elakanyelo wɛ nghombeka, l’olemo wɔko w’ipoposanyɛ kana lá djokanelo djɛko nya anto ankina. Má nangha nghɔsɔ, ɔnghɛnyɛ balo djɛ Ndjambe etengo Bible otepelande ante: ‘Onto onkfumɔ wɔ balo angoshishima akambo wasɔ.’​—Yee. 107:43.

• Dako: Kolenda wopo w’elakanyelo wɛ ntsho w’owaso má Otepela wɔ Ndjambe lá losanghanyɛ l’anteyi kɛ lobengo otokotshɛwɔ djɛ ndjila yimba lá wopo w’okokaso nkamba la kɛnɛ k’ekaso. Etenyi kɛkɔ ndjalaka la weepó w’okokaso ndáwopola, akambo w’okokaso ntɔnɔla edjinge asango w’okokaso nshishima.