Owalaka la nkɔmɛ nkfumɔ wamba w’Etange k’Olami k’ɔnɔnyi wɔnɛ? Ee, lenda ntsha okoka nkadjimola lá weepó wɛnɛ:

Jehova ɔtɔpɛyɛnde ndjɔmbɔmba kɛkɔnge lá wopo wɔsakande amato?

Nde apɛngɛyɛ amato, apakɔpaka ngo ampame toko ko ntonaka amato. Ndjambe ndjekameyɛka amato, ndjilaka yimba lá mposɛ, ekiyano l’ehomba wɛwɔ. Yehova angilelake Akristo w’amato oloko dj’iwɔ nkamba olemo wɔnde.—w24.01, nki. 15-16.

Wopo wɔkɔnge w’okokaso nkamba la vɛrse djɛ Ɛfɛsɛ 5:​7, djetepela ante: ‘Nyotayalake la djokanelo lawɔ’?

Ɔpɔstɔlɔ Poolo atovungola dj’ipa ndjala tolongo l’anto wakoka ntokomɛ djɛ nkanela ente ɛlɛmbɛ wɛ Yehova welekɔ wolo nɛmɛyɛ. Tovungɔ ente ape ngo anto wahetshɛ laso winá elongi l’elongi toko ndeke tolongo tɔso, koko edjinge anto wasawola laso lá rɛzo sosio.—w24.03, nki. 22-23.

Iso ladjɛ ndálama ntsha tomboka akambo w’engolo?

Iso ladjɛ nkɔmɛ nsango itotomela tolongo tɔso yɛ yɔpɔsisa winá wɔ ndenda ntsha ilekɔ nsɔsɔlɔ kana ongolo, amesajɛ y’owaso me anto wa sopewe, la iyɛ me w’apɔsta djɛ nanyɛ akambo wa nsɔsɔlɔ.—w24.04, nki. 12.

Kɛkɔnge kewaso la kɛ sopewe lá wopo wɔ Jehova ndongolomboyɛ Nkfumi Salɔmɔ, anto wavisá lá Sɔdɔmɔ la lá Gɔmɔrɔ edjinge lá Mvula k’elola?

Topewe ntsha Yehova ashikikɛka djɛ ndapɛyɛ iluku y’etshitanelo kɛ lotshinda. Koko, iso ndjewaka nsɔsɔlɔ ente nde ndjewaka ikakambo inkfumɔ la ente alekɔ Ndjambe kɛ nkɛtshi.—w24.05, nki. 3-4.

Ndjambe kanga lolekɔ ‘Ve’ otoshikikɛnde nge? (Mvu. 32:4)

Tokoka mpona isamelo le Jehova. Yehova alekɔ onto wɛdje ndjilela oloko, angokotshɛke alaka wande winá enkfumɔ. Yehova apatshikitana, alekɔ la nkɔmano lá lonto la lá alaka wande.—w24.06, nki. 26-28.

Wopo wɔkɔnge w’okokɛ ndjekela l’otshumano wɔ bango?

Yawɛkɛ le Yehova, kanga longokokotshɛ́ ete ngo ndakotshɛ́ enkambi wɛnde lá etsho wemboheta. Tɛdjɛke otshumano wɔ ntondo la wɔ bango. Lokapɛyɛ l’otshumano wɔko wɔ bango, la nangha la wolo djɛ nkɔpɛ tolongo tɔ bango.—w24.07, nki. 26-28.

Elakanyelo wɛkɔnge wowaso má ndjɔmbɔmba isato yɛ Yeso yɛnaso lá Mateo shapitrɛ 25?

Ndjɔmbɔmba kɛ ɛnkɔkɔ l’ambodji kɛnyɛ djonyi djɛ ndjala la nkɔmano ole sii. Ndjɔmbɔmba kɛ eseka wetopɛ oyɛ wɛ nkɛsɔ la wɛ nkesa kɛtɛnyɛ lonyi lɔ ndálɔngɔsɔla la lɔ mbadjɛ. La ndjɔmbɔmba kɛ talata ketovungola djonyi djɛ ndjala ankambi ole nkɔmɛ.—w24.09, nki. 20-24.

Ɛsɛ kɛ tɛmpɛlɔ kɛ Salɔmɔ yayale la otale wɔ ngete nge?

Lá 2 Ɛkɔndɔ 3:​4, afunelo wa l’akatshi w’etsho wɛ ntondo wawala “antambo 120,” kɛsɔ kenangha djɛ ɛsɛ ndjala mɛtrɛ 53 tá djiko. Koko, afunelo amɔtshi w’etsho wɛ ntondo watepela “antambo 20,” kɛsɔ kenangha djɛ ɛsɛ ndjala mɛtrɛ 9. Kekoka ndjɛlama la nkfunda kɛ epele k’ɛsɛ kɛ tɛmpɛlɔ.—w24.10, nki. 31.

‘Anto walekɔ́ la wadji ɔmɔ’ osakisolawɔ nge le onkambi wokotshɛ́? (1 Ti. 3:12)

Osakisolawɔ nde ente nde ladjɛ ntshuka ngo wadji ɔmɔ la opakoke nangha wayi wa mbindo wa ntshɛngi. Ngole, opakoke ndenda omoto onkina lá wopo wɔ nyɛtshi.—w24.11, nki. 19.

Lamo okokaso ntepela ente etepela wɛ Yeso wɛ Djɔanɛ 6:53 wepalendana la Dambo djɛ Nkɔlɔ djɛ Nkfumi?

Djɔanɛ 6:53 apika nghɔmɔ ɛnsɔsɔ lá djonyi djɛ ndɛ demba la nnɔ ekila wɛ Yeso. Nde ndashimela etepela wɛsɔ nde ase Juda wayalaki la djonyi djɛ ndjala la djawo le nde, winá wɔ ndayalaka lá Ngalile lá 32 D.D. Koko, ndamɔmɔla Dambo djɛ Nkɔlɔ djɛ Nkfumi nde lá Jerusalɛmɛ m’ɔkɔngɔ w’ɔnɔnyi ɔmɔ. Yeso ndashimelaka nde anto wangɔlɔndjɛ la nde l’olongo.—w24.12, nki. 10-11.