Winá w’owalaso Bible, tokoka nkamba la mpeko djetshikitanyi djɛ ndjoka papoo kɛnɛ k’owalaso. Koko, topakoke ndjeka ngo djɛ mfudjɛ balo djɛso djɛ Bible. Iso nkombolaka ndjisola nkete djɛ djonyi djelá nyuma djelendana la lonto lɔ Yehova ko kɛsɔ kengotokotshɛ djɛ mfudjɛ ngandji k’owokaso. Djɛ nangha nghɔsɔ, tokoka ndawopola ente: ‘Kɛkɔnge kɛ vɛrse djɛnɛ ondakanyɛnde lá nkambo djɛ Yehova?’

Tokoka mpona tolembelo tɔmɔtshi tɔ wopo wɔ Yehova ndɛnyɛ wekeka wande wa wɔlɔ efula, ndjɔmbɔmba ngandji, balo, sii, la nkfulu. Koko, Yehova apalekɔ ngo lá wekeka wasɔ toko. Alekɔ edjinge la wekeka ankina wasepaka anto te nde. Okokɛ ndjisola elakanyelo welendana la wekeka wande lampe?

Lenda listɛ lɔ wekeka ankina ndekana 50 lá Index des publications des Témoins de Jéhovah l’ɔtɛ wɔ djoyi: “Yehova” ko masɔ l’itɛ yɛ djoyi: “ Qualités par leur nom. ” Nangha ehonelo lá djekeka djɛ fɛna la ɔkɔndɔ wɔ Bible wɔ ngotawale. (Ntsha oyɛnde l’akoka wa ndjingela ngo lá Dibuku di’eyangelo di’Ɛmɛnyi wa Jehowa, lenda l’ɔtɛ wɔ djoyi “Yehova Nzambi” ko masɔ lá itɛ yɛ djoyi “Waonga wa Jehowa.”)