Isa nkfumɔ tolekɔ la winá wɔ somboyawilela djɛ nanghaka wekelo w’onto nyɔmɛlɛ. Wopo wɔkɔnge w’okokaso nkamba la winá wɔkɔ lá yopo yɛ wɔlɔ? Ntondo ntondo, ɔsa winá efula djɛ mbala. Ongowa wapɔ efula má ndjekaka ndambo k’akambo daambi l’edjena kɛ mbalaka akambo efula lankeke lankeke.

Masɔ, sɔna akambo amɔtshi waleka ntshina. (Ɛfɛ. 5:15, 16) Kolenda akambo amɔtshi:

• Walaka Bible mfu inkfumɔ. (Yee. 1:2) Nkilika nonghanyi kɛso kɛ badji djɛ Bible kɛ nsanghanyɛ yel’anteyi kɛ lobengo alekɔ yopo yɛ wɔlɔ efula yɛ ntateyɛ.

• Lɔngɔsɔlaka wekelo wɔ Etange k’Olami la nsanghanyɛ yel’anteyi kɛ lobengo. Yalɔngɔla wɔlɔ djɛ ndjala entshupa djɛ ntɔpɛyɛ kɔmantɛrɛ.​—Yee. 22:22.

• Winá w’oyɛ la winá, nangha la wolo djɛ mbala la ndenda eleelo enkina wɛ nyuma, ndjɔmbɔmba wa periodikɛ, avideo, la nkete nkina dj’oposɛwɔ lá jw.org.

• Nanghá nonghanyi kɛ wekelo. Okoka nangha ehonelo lá okakasano ɔmɔtshi wokfulumeyɛ, woopó ɔmɔtshi w’oyɛ la wɔkɔ, nkambo mɔtshi djelá Bible dj’ɔkɔpɛ nsipisoyɛ wɔlɔ wɔlɔ. Djɛ mba tokanyi tonkina, lenda etenyi kelekɔ́ l’ɔtɛ wɔ djoyi ante “Explore la Bible !” lá jw.org.