Ee, ladjikɛnde Ndjambe nkɔpaka anto ntshumana djɛ ntɛmɔla. Bible ntepelaka ante: ‘Nyontshɔ tilanake yimba djɛ ntshindana tá ngandji la tá elemo wɛ wɔlɔ, totatshikake nsanghana esanga.’​—Hebero 10:24, 25, nɔtɛ kɛ l’anse kɛ nkishi.

 Yeso ɛnyɛka ante ambeki wande wangokfumba oloyi wombolonghanyema winá wɔ ndashimelaka ante: ‘Má nkambo djɛnɛ, anto ankfumɔ wangewa ambɔ nyolekɔ ambeki wami, ntsha nyokana ngandji l’anteyi kɛnyo.’ (Djɔanɛ 13:35) Etengo oyɛwɔ yopo yɛ ntondo yɛ nyɛnyɛ ngandji, ambeki wa Yeso wakokaka nsanghana la winawɔ andjawodji. Iwɔ nkoka ndalonghanyɛ djɛ mpomanaka mbala la mbala la ntshumano dj’iwɔ ntɛmɔla. (1 Kɔrɛtɔ 16:19) Iwɔ yankfumɔ, wambokfumba nkfumbo kɛ wananyɔ l’ankaana l’andja w’otondo.—1 Pɛtɛlɔ 2:17.

Nkambo djɛ djonyi dekɔ ko apalekɔ ngo ndjala ose ɔtɛmwɛlɔ ɔmɔtshi

 Winá wɔ Bible ɛnyɛnde ante anto ladjɛ nsanghana djɛ ntɛmɔla, apalakanyɛ ante djɛ onto sasangɛ Ndjambe ngo nde ndjala ose ɔtɛmwɛlɔ ɔmɔtshi. Djɛ ndjawolama me Ndjambe, ose ɔtɛmwɛlɔ ladjɛ nsthikitanyɛ lowiko lɔnde lɔ etsho enkfumɔ. Ndjɔmbɔmba, Bible ntepelaka ante: ‘Ɔtɛmwɛɛlɔ wɔ piyɔɔ edjinge w’ipa la badji la wiso wa Ndjambe la Papa kɛso wokinɛ: Nkotshɛ́ wana wa ntshike la wadji wa edjo lá ndjolo yɛwɔ edjinge ndaalama dj’ipa ndjala la badji djɛ l’andja wanɛ.’​—Djakɔbɔ 1:27, nɔtɛ kɛ l’anse kɛ nkishi.