Woopó wɔ okoma wolekɔ́ la lowiko nkoka ndjopolamá la topo efula, etengo: Lamo oyalaso lanɛ? kana lowiko lɔmi lolekɔ l’okoma ɔmɔtshi? Bible nyɛnyɛka ante okoma wɔ lowiko nde nkembɛ djokanelo djɛso la Ndjambe. Tokolenda akambo amɔtshi wa nsɔsɔlɔ wa Bible ɛnyɛnde.

•   Ndjambe ndeke ontongi wɔso. Bible ntepelaka ante: ‘Nde [Ndjambe] ndeke lotonanghisa.’​—Yeembo 100:3; Ndjiso 4:11.

•   Ndjambe alekɔ l’alaka te nkete nkfumɔ djɛ ndatonge, ndjila edjinge iso.​—Izaya 45:18.

•   Ndjambe atotongaka la ‘djonyi dj’akambo wa nyuma,’ ntepela ente mposɛ kɛ ndjewa okoma wɔ lowiko. (Mateo 5:3) Nde nkɔpaka dj’iso nshiyɛ mposɛ kɛsɔ.—Yeembo 145:16.

•   Iso nkotshɛka djonyi djɛso nyuma má nkembɛ djokanelo djɛso la Ndjambe. Kaanga ikanyi yɛ ndjala ilongo yɛ Ndjambe okokawɔ nyɛnama etengo nkakanyi le anto amɔtshi, Bible ntɔpɛyɛka lokembo má ntepela ante: ‘Nyosukane la Ndjambe, ko nde angosukana la nyo.’—Djakɔbɔ 4:8; 2:23.

•   Djɛ nkoma ilongo yɛ Ndjambe, iso ladjɛ mbika lá yopo y’okana l’alaka wande teso. Lá Losanghanyɛ 12:13 Bible ntepelaka ante: ‘Oka Ndjambe kɛ nsɔsɔlɔ wɔma edjinge lɛmɛyɛka ɛlɛmbɛ wɛnde, ladjikɛnde ɔsɔ ndeke odjito w’oleka djonyi lá lowiko l’onto.’—Good News Translation.

•   Lá etsho weyaye, tɔngɛna ekotshamelo kɛ daka djɛ Ndjambe djɛ má bangabanga teso winá wɔ ndongoshiyɛ ndjolo edjinge ndɔngɔpɛyɛ tolongo tɔnde, wanɛ wɔtɛmɔla, lowiko l’etshinda.​—Yeembo 37:10, 11.