Lako. Bible ɛnyɛ djɛ iso ladjɛ ndɔmba ngo Ndjambe lá djiina djɛ Yeso. Yeso ashimelaka Ambeki wande ante: “Nyɔngɔlɔmbake nghɔnɛ: Papa kɛso k’elolongo, djiina djɛko djeyale ekina.” (Mateo 6:9, New American Bible) Nde atalakanyɛ ambeki wande djɛ ndɔmba asanto, andjelo, kana onto ɔmɔtshi onkina ngo Ndjambe.

 Yeso ashimelaka ambeki wande lonkina ante: “Lemi ndekɔ mboka, nsɔsɔlɔ edjinge lowiko. Lako onto woyɛ le Papa ngo má lotshimbo lɔmi.” (Djɔanɛ 14:6, NAB) Ngo Yeso toko ndeke lolekɔ́ la lotshungɔ me Ndjambe djɛ ntepela lá djiina djɛso.—Hebero 7:25.

Iya koko ntsha ndɔmba Ndjambe la koko ndɔmba asanto?

 L’Ɛlɛmbɛ djomi, Ndjambe atepela ante: “Lemi, NKFUMI, Ndjambe kɛko, ndekɔ Ndjambe kɛ djewɔ.” (Eposelo 20:5, NAB) La wopo wɔkɔnge oyɛnde Ndjambe kɛ “djewɔ”? Nɔtɛ kɛ New American Bible atepela ante nde “angɔlɔmbake ndomalema ngo nde toko.” Ndjambe ndɔmbaka djɛ nanghedji djɛ kɔmano la ɔtɛmwɛlɔ—ndjila ndɔmbɔ—itshu mbala kɛkɔ kɛmɔ ngo te nde.​—Izaya 48:11.

 Iso nyomadjɛka Ndjambe ntsha tɔlɔmba onto onkina, kaanga asanto kana andjelo w’ekina. Winá wɔ ɔpɔstɔlɔ Djɔanɛ ndasɛsɛ ntɛmɔla ondjelo ɔmɔtshi, ondjelo oshimbaka má ndoshimela ante: “Kɔmba! Iemi ndekɔ ngo winako onkambi edjinge ɔmɔ l’anteyi kɛ wananyɔ wakamba olimo wɔ mpoposanyɛ la nkambo djɛ Yeso. Tɛmɔla Ndjambe.”​—Ndjiso 19:10, NAB.