Ndjambe angoyalake todjena tonkfumɔ?
Nsakiso kɛ Bible
Ndjambe angɛnake todjena tonkfumɔ edjinge nde ambɔsɔna idjena yelekɔ́ wɔlɔ lende yɛ ndjala. (Woongo 15:3; Hebero 4:13) Koko, Bible djepalakanyɛ ante Ndjambe angoyalake lá todjena tonkfumɔ, kana ntepela ente idjena inkfumɔ ngo nde alekɔ, lá nkete nkfumɔ. Lá nsɔsɔlɔ, djɛtɛnyɛ ante nde alekɔ onto la alekɔ lá intasɛlo kɛ kɔɔ.
Wopo wɔ Ndjambe oyɛnde: Ndjambe oyɛnde nde nyuma. (Djɔanɛ 4:24) Anto wapakoke ndɔɔwɛna. (Djɔanɛ 1:18) Ɛnɛlɔ kɛ Ndjambe k’otanaso lá Bible nɛynɛyɛka ente Ndjambe alekɔ l’edjena kɔɔ kintasɛnde. Koko djɛpɛnyɛ ente nde angoyalake todjɛna tonkfumɔ.—Izaya 6:1, 2; Ndjiso 4:2, 3, 8.
Edjena kɔɔ kɛ Ndjambe intasɛkande: Ndjambe angintasɛke lá edjena kɛpɛnama la wiso, edjena ketshikitana la nkete djɛ ndombonangha. Ɔsɔ ndeke lolekɔ́, ‘edjena kɛ ndintasɛka lá djiko’ (1 Nkfumi yɛ Nkanga 8:30) Bible awala mbamba kɛmɔtshi kɛ winá wɔ ntongami djelá nyuma ‘yingela djɛ ntemala lá ntondo kɛ Yehova,’ a djɛ nyɛnyɛ ente Ndjambe angintasɛke lá edjena kewama kɔɔ.—Djɔbɔ 1:6.
Ntsha Ndjambe apayalala todjena tonkfumɔ, nde nkoka nsɔsɔlɔ ndjila lemi yimba?
Ee. Ndjambe ndjila angilake anto yimba. Kaanga ndopintasɛka lá edjena kɛpɛnama la wiso, Ndjambe angɛnake anto ankfumɔ wawika lanɛ lá looko edjinge wayalaka la mposɛ kɛ ndoosasangɛ. (1 Nkfumi yɛ Nkanga 8:39; 2 Ɛkɔndɔ 16:9) Tokolenda wopo wɔ Yehova ɛnyɛkande ante angilake enkambi wande yimba:
Winá w’ɔlɔmbɛ: Yehova nkoka ndjoka alɔmbɛlɔ wako ngo winá w’ɔlɔmbɛ.—2 Ɛkɔndɔ 18:31.
Winá w’otshimbɛ yimba l’ekakasano: ‘Yehova alekɔ entshupa la anto wa eloko wembatshɛ; nde angowikɛke watshimba tiimba.’—Yeembo 34:18.
Winá w’oyɛ la djonyi dj’ɛlɔndjɛlɔ: Yehova ‘angokɔpɛyɛ balo djɛ ntɔnɔla edjinge angokolakanyɛ’ lá mboka kɛ Otepela wɔnde, Bible.—Yeembo 32:8.
Ovunga w’anto onanghawɔ winá w’otepelawɔ ambɔ Ndjambe alekɔ todjena tonkfumɔ
Ovunga w’anto onanghawɔ: Ndjambe alekɔ djena nkfumɔ lá nkete djɛ ndatonge.
Nsɔsɔlɔ: Ndjambe apintasɛka lá looko edjinge apintasɛka lá olongo wɔ sɛnaka la wiso. (1 Nkfumi yɛ nkanga 8:27) Alekɔ nsɔsɔlɔ ente tɔɔtɔ la nkete nkina djelá looko djɛ ndatonge ‘djelumɛ djiina djɛ Ndjambe.’ (Yeembo 19:1) Djɛkondeke, Ndjambe apintasɛka lá nkete djɛ ndatonge ngo ngete otshudji onanghakande intasɛkande lá nkete djɛ ndombotshula. Kaanga ooyɛwɔ nghɔsɔ, olemo w’otshudji nkoka ntokotshɛ djɛ ndjewa akambo walendana l’onto wɔkɔ. Wopo wɔk’ɔmɔ ndeke, nkete djelekɔ́ l’andja djengotokotshɛke djɛ ndjewa ‘wekeka wapɛnamaka’ wa Ontongi wɔso ndjɔmbɔmba, nkfulu, balo edjinge ngandji.—Ɔrɔma 1:20.
Ovunga w’anto onanghawɔ: Ndjambe ladjɛ ndjala lá todjena tonkfumɔ ladjikɛnde angewake akambo ankfumɔ edjinge angoyalake la nkfulu-inkfumɔ.
Nsɔsɔlɔ: Nyuma k’ekina alekɔ wolo woyalaka la Ndjambe djɛ nangha elemo. Má okokotshɔ wɔ nyuma kɛnde k’ekina, Ndjambe nkoka nyɛna edjinge nangha ekete kenkfumɔ, keyalaka l’edjena kɛkɔnge, winá wɔkɔnge wɔ nde nsamba ndjala l’eteyi.—Yeembo 139:7.
Ovunga w’anto onanghawɔ: Yeembo 139:8 ntolakanyɛka ante Ndjambe angoyalake lá todjena tonkfumɔ: ‘Ntsha lambohanda tá djiko, wɛ olekɔ l’eteyi edjinge ntsha lambala mbeto kɛmi lá apeku wa nyɔyi, kenda! wɛ ongoyala l’eteyi.’
Nsɔsɔlɔ: Vɛrse djɛkɔ djepatepelisa edjena kɛ Ndjambe intasɛkande. Lá otepela wɔ wa opɔɛtɛ ntolakanyɛka nde ente apalekɔ kaanga l’edjena kɛmɔ keleka otale kepekala Ndjambe djɛnde ntokotshɛ́.
a Yehova alekɔ djiina djɛ Ndjambe djetanema lá Bible.
Isola lonkina
NSAKISO LÁ WEEPÓ WIMÁ BIBLE
Ndjambe angoyalake lá djena nkfumɔ?
Bible otepelande nge lá kɛnɛ kelendana l’intanselo kɛ Ndjambe? Yeso oyalakande ngo l’edjena kɛkɔ kɛmɔ?
NSAKISO LÁ WEEPÓ WIMÁ BIBLE
Nyuma k’ekina oyɛnde nge?
Má ndonga djɛ wɔlɔ, Bible mvungɔka djɛ nyuma k’ekina alekɔ etengo “lɔwɔ” lɔ Ndjambe.
ISO MO
Lɔmba djɛ onto ɔmɔtshi aye ndokowembola
Sawola la Ewakɛ wɛ Yehova djɛ ndjewa akambo ankina efula, kana djɛ nkambo mɔtshi djɛ Bible.