Yeso awikɛka anto wa nkɔmano winá wɔ ndapɛyɛ lowiko lɔnde etengo olambo wɔ oshinga wɔ mbendo. (Mateo 20:28) Lasɔ, Bible ndjetaka Yeso ante ‘Ombiki w’andja.’ (1 Djɔanɛ 4:14) Angotepelake lonkina ante: ‘Ewiko kepalekɔ me onto onkina, ladjikɛnde lako djiina nkina djɛ yapɛyɛ onto l’anse k’olongo djeleke ladjɛ ntowikɛ.’—Elemo 4:12.

 Yeso ‘ekameyɛka nyɔyi djɛ anto ankfumɔ wolekɔ la djawo le nde. (Hebero 2:9; Djɔanɛ 3:16) Ko masɔ, ‘Ndjambe okfundoloka má nyɔyi,’ ko Yeso akalɔka t’olongo etengo etongami kɛ nyuma (Elemo 3:15) L’eteyi, Yeso alekɔ l’akoka wa ‘mbikɛ lá kenkfumɔ wanɛ wayasukanyɛ la Ndjambe má lotshimbo lɔnde, ladjikɛnde nde alekɔ mfu inkfumɔ la lowiko djɛ ndɔmbaka lá nkambo djɛwɔ.’—Hebero 7:25.

Lamo oyɛso la djonyi djɛ Yeso ndɔmbaka lá nkambo djɛso?

 Iso ankfumɔ tolekɔ ananghi w’evunga. (Ɔrɔma 3:23) Mpekanto ndjilaka onkeka l’antenyɛ iso la Ndjambe, la ntɔlaka tá nyɔyi. (Ɔrɔma 6:23) Koko Yeso akamba etengo “avɔka” la nkambo djɛ anto walekɔ la djawo lá olambo wɔnde wɔ oshinga wɔ mbendo. (1 Djɔanɛ 2:1, nɔtɛ kel’anse kɛ nkishi) Nde alɔmba la nkambo djɛwɔ, alɔmba Ndjambe djɛ ndjoka alɔmbɛlɔ wawɔ la ndawimeyɛ evunga wɛwɔ m’ɔtɛ wɔ nyɔyi kɛ Yeso ndayalambola. (Mateo 1:21; Ɔrɔma 8:34) Ndjambe nkadjimolaka la alɔmbɛlɔ wa Yeso wasɔ ladjikɛnde wokana la ɛkɔpa kɛnde. Ndjambe atomaka Yeso lá looko ‘djɛ andja ndowika má lotshimbo lɔnde.’​—Djɔanɛ 3:17.

Ngo djawo toko le Yeso ndeke lolekɔ ekete k’oyɛso la djonyi dj’iso mba ewiko?

 Lako. Kaanga oyɛso ladjɛ ndjala la djawo le Yeso djɛ mba ewiko, akambo ankina wa nangha walekɔ. (Elemo 16:30, 31) Bible ntepelaka ante: ‘Ngo ngete demba djepa la lomo yombovɔ, djawo djepa la nanghedji mbovɔ.’ (Djakɔbɔ 2:26) Djɛ iso mbika, iso ladjɛ:

•   Ndjeka kɛnɛ kelendana la Yeso, nya Papa kɛnde Yehova.​—Djɔanɛ 17:3.

•   Nkembɛ djawo djɛso tewɔ.​—Djɔanɛ 12:44; 14:1.

•   Nyɛnyɛ djawo djɛso má nɛmɛyɛ ɛlɛmbɛ wɛwɔ. (Luka 6:46; 1 Djɔanɛ 2:17) Yeso alakanyɛka ante ape onto onkfumɔ w’oweta ‘Nkfumi’ ndeke longowika koko ngo wanɛ ‘wanangha ɛkɔpa kɛ Papa kɛnde kel’olongo.’​—Mateo 7:21.

•   Tokindjɛ nyɛnyɛ djawo djɛso kaanga l’anteyi k’ehemba. Yeso ɛnyɛka nkambo djɛsɔ papoo winá wɔ ndatepela ante: ‘Onto wongokfulumeyɛ tii l’ekomo ndeke longowika.’​—Mateo 24:13.