Deteronome 32:1-52
32 “Tee matui obe eyilu, na obe nsengaTeemesha mayi a mukanua muande.
2 Malongiesha ande aakapono nka bu mpeshi;Na mayi aande aakalaala nka bu lume,Bu kapeshi akasasala ku lubishiNa bu mpeshi e bungi apongoloka ku bikunuanga.
3 Muanda nakaukisha eshina dia Yehowa.
Akulayi pabitale bukata bu’Efile Mukulu!
4 Aye mmuikale Ebue, midimo yaye yoso ngipuidikie,Muanda mashinda aaye oso ngalulame.
Efile Mukulu sha lulamato, shakutua kululama;Mmululame na e buwa.
5 Abo nyi bakite mianda i bubi.
Ta mbana baye, kilubilo nkiabo’bo banabene.
Kipungo kia bantu be bubi na batuelakane!
6 Uno nyi mushindo wanudia kukitshina Yehowa mianda,Anue muilo ulotakane na ushi na binangu?
Aye ta muikale Nshenu baadi muinupangie,Benukitshine na kuinutuula bu kisamba?
7 Tentekiesha mafuku a kala;Ela binangu bua bipua bia bipungo bipue kukila.
Ipusha nshobe, akulungula;Ipusha bakulu bobe, abakulungula.
8 Pabaadi Sha Kuiyilu Kula mupe bisamba bupianyi buabio,Pabaadi muabuule bana ba Adama,*Pabatuudile mikalo ya miiloMuyile bungi bua bisamba bia bana ba Isalele.
9 Muanda muilo wa Yehowa nkiaye kipindi;Na Yakobo mbupianyi buaye.
10 Bamusangene mu kabaakaMu nsenga i bisumanga, amupushika penda mikundaBaadi mumuifunyishe na kulombasha nkalo yayeNa kumukaluila nka bu muan’eyiso diaye.
11 Nka bu abisanyishaa mumba esua diao,Aupapama kunundu kua tuana tuao,Aubuula mbaba, na awituata,Bua kuitusemuna mu mbaba yao,
12 Yehowa aye nabene baadi amuludika,Tabaadi n’efile muenyi su ngumune.
13 Baadi mumukaamishe ku mbalo i kuiyilu ya pa nsenga,Bua’shi adie bintu bia mu mafuba.
Baadi mumudiishe buuki bua ku lubuebueNa muimu wa kuibue di bukopo,
14 Manteka a ngombe na mabeele a mikooko,Pamune na mikooko ikile buwa,Na mikooko ilume ya ku Bashane, na bipembue,Pamune na ntete ya blé ikile buwa;Na botomene nfinyo ikitshibue na mema* a tukuba tua nfinyo.
15 Pabaadi Yeshurune* mutame, baadi muiyele muiyilu na buntomboshi.
Botamine, obe nkuula na bidiibua bi bungi na nkuneema bushito.
Biabia, aye nkuluba Efile Mukulu baadi mumupangie,Na nkusabuula Ebue dia kipandilo kiaye.
16 Babaadi bamukuatshishe nsungu na b’efile benyi;Babaadi abamufiitshisha munda na bintu bi bubi.
17 Babaadi abalambula milambu kui ba demo, kushi kui Efile Mukulu,Babaadi abalambula kui b’efile babashibaadi abauku,B’efile bapia batuukie kano kabidi,Kui b’efile bashibaadi ba nkambua benu abauku.
18 Bolubile Ebue dibaadi dikutande,Na tue mutentekieshe Efile Mukulu baadi mukutande.
19 Pabamuene Yehowa biabia, baadi muibasumbusheneMuanda bana baye balume na bana baye bakashi babaadi bamufiitshishe munda.
20 Paapa bambile’shi, ‘Nakakumbu binangu biande kuabadi;Nakamono bi’abakekala.
Muanda nkipungo kia bantu be bubi,Bana bashi na lulamato.
21 Mbankuatshishe nsungu* na kiakia kishi efile;Babaadi banfiitshishe munda na ma nkishi aabo a bisumanga ashi na muulo.
Biabia nakebakuatshisha mukao na bantu bashi bu muilo;Nakebafiitshisha munda na kisamba kishi na binangu.
22 Muanda nsungu yande ngitembeshe kaaloAkakapiisha mpa na muushi mua Mashama,Na akakashiiki nsenga na bintu bi pankaNa akakashiiki bitako bia miengie.
23 Nakafuimisha makienga abo;Nakapudisha mikietue yande kuabadi.
24 Abakakooko pa muanda wa nsalaNa mbidi kaalo i bukopo na kabutu ke bukopo abikebashimisha.
Nakebatumina nyema i bukieloNa lulengo lua nyoka ya mu nsenga
25 Paasha, apekala lupete lua ngoshi alukebaata bana;Munda, amuikala mooBua nsongualume na nsonguakashi ki kamame,Muana mukinga mpa na muntu mununu e na nfuidi.
26 Nadia kuikala muambe’shi: “Nakebapalakasha;Nakakitshi bia’shi tabebatentekieshanga kui bantu,”
27 Anka natshinanga kibaadi muishikuanyi mulombene kukita,Muanda beshikuanyi babaadia kumona uno muanda mu mushindo wibubi.
Bamba’shi: “Bukome buetu bubatshimuna;Ta Yehowa mukite bino bioso nya.”
28 Muanda mmuilo ushi na binangu,*Na tabe na lushinguluilo nya.
29 Su babaadia kuikala na binangu baboo! Babaadia kunangushena pabitale ino mianda.
Babaadia kunangushena pabitale kibaadia kuibafuila.
30 Mbikunyi bibaadi muntu umune mulombene kuilondena na bantu 1 000,Na bantu babidi babinga bantu 10 000?
Anka su Ebue diabo dibaadi dibapaaneNa Yehowa baadi muibasumbushene.
31 Muanda ebue diabo ta di bu Ebue dietu,Mpa na beshikuanyi betu abauku uno muanda.
32 Muanda mulundo wabo wa nfinyo aukatukila ku mulundo wa nfinyoWa ku Sodome na ku mafuba a mu Gomore.
Tukuba tuabo tua nfinyo ntukuba tui na lulengo,Na bisaasa biayo bi buulo.
33 Nfinyo yabo ndulengo lua nyoka,Lulengo lui bukopo lua nyoka a kobra.
34 Bino ta mbilamibue pepi nami,Bishitshile mu nshibo yande ya kulamina bintu su?
35 Koobola na kufuta nkuande,Mu kipungo kilombane apakaselemuka luao luabo,Muanda efuku dia dikienga diabo tadidi pepi,Na kiakia akibatengiela akifiki bukidibukidi.’
36 Muanda Yehowa akatshibila muilo waye kiimu,Na akapusha lusa bua* bafubi bayeP’akamono’shi bukome buabo bubapeele,Na’shi kubashala nka bantu bashi na bukuashi na babofule.
37 Paapa akamba’shi: ‘A b’efile baabo be kunyi,ebue kubaabadi abasuukila,
38 Babaadi abadi miimu ya milambu yabo,Na kutoma nfinyo ya milambu yabo ya bitomuanga?
B’ebuee na benukuashe.
Na bekale bu mbalo yenu ya kufuamina.
39 Binobino talayi, ami, ne aye,Takui ungi efile kukatusha nka penda ami.
Nayipaa, na nalama na muwa.
Natapa, na nakapaasha,Na takui muntu su ngumune a kupaasha kintu ki muiyasa diande.
40 Muanda n’ebuesha eyasa diande muiyilu,Na netshipi’shi: “Mbinyibinyi bu biandi na muwa bua loso,”
41 Su nanoona lupete luande lua ngoshi alupenyapenyaNa nalumbula eyasa diande bua kutshiba kiimu,Nakeobuela kui beshikuanyi bandeNakafutu baba banshikue.
42 Mikietue yande ayikakolua mase,Na lupete luande lua ngoshi alukadi muita,Na mase a bantu bayipayibueNa mitue ya bakunkushi ba muishikuanyi.’
43 Sankayi anue miilo pamune na bantu baye,Muanda akoobuela mase a bafubi baye,Akeobuela kui beshikuanyi baye,Na akabuikila miluisho bua nsenga ya bantu baye.”
44 Paapa Moyise bafikile aye nkuambuula mayi oso a luno loono mu matui mua muilo, pamune na Oshea* muana a Nune.
45 Pabapuile Moyise kulungula bena Isalele boso ano mayi oso,
46 Bebalunguile’shi: “Lamayi kalolo ano mayi oso anenudimusha nao lelo uno, bua’shi nulungule bana benu buabadia kulama mayi oso a mu ino Miiya.
47 Muanda ano ta mayi ashi na muulo kuanudi, kadi aakupetesha muwa, na ku bukuashi buao anukakitshi mafuku e bungi mu nsenga yanukapiana kunyima ku’anue kusabuka Yordane.”
48 Mu diadia efuku dimune Yehowa besambile na Moyise, amulungula’shi:
49 “Kaamina ku uno muengie wa Abarime, Muengie wa Nebo wi mu nsenga ya Moabe, witalene na Yeriko, na otale eumbo dia Kanaana diampa bena Isalele bu bupianyi.
50 Akupu okafuila ku wawa muengie k’okaamina, na okabungibua kui muilo oobe,* nka bu bibaadi Alona mufuile ku muengie wa Hore na aye nkubungibua kui muilo waye,
51 muanda anue boso nubaadi bakutue lulamato kuandi munkatshi mua bena Isalele, ku mema a Meriba ku Kadeshe, mu kabaaka ka Sine, muanda tanubaadi bantumbishe kumpala kua muilo wa Isalele.
52 Okamuena eumbo ku bula, anka t’okatuele mu diadia eumbo diampa muilo wa Isalele nya.”
Mayi e mushi mwesaki
^ Sunga pangi “bantu.”
^ Sunga “mase.”
^ Nkuamba’shi, muntu mululame. Uno nyi mmuasu wa kinemo bua Isalele.
^ Sunga “mukao.”
^ Sunga pangi “usha’uteemesha malango.”
^ Sunga “akenyongola bua.”
^ Nyi eshina dibaabadi abayitanyina Yoshua kumpala. Oshea nyi eshina dia Oshaya mu kikoso. Adipatuula’shi: “Mupashibue na Yah, Yah mmupaashe.”
^ Kino nyi kishima kia mu kinfuanyi akilesha lufu.
