Deteronome 33:1-29
33 Biabia, ino nyi miabi ibaadi Moyise muntu a Efile Mukulu a binyibinyi muelele bena Isalele kumpala ku’aye kufua.
2 Bambile’shi:
“Yehowa bafikile ku Sinayi,Baadi muibamunyikie kukatukila ku Seyire.
Baadi mumekiemekie mu ntumbo kukatukila ku miengie ya Parane,Baadi na midiyala ya beselele,Na ku mboko yaye ibalume, kubaadi bilobo biaye bia ngoshi.
3 Baadi mufule muilo waye;Beselele babo boso be muiyasa diobe.
Babaadi bashale kuushi kua ngua yobe;Babaadi abateemesha mayi oobe.
4 (Moyise betupeele mayi a kulonda na miiya,Bu bupianyi bua kakongie ka Yakobo.)
5 Bafikile bu nfumu mu Yeshurune,Pabaadi ba nfumu ba muilo bebungiePamune na bisamba bioso bia Isalele.
6 Rubene ekale na muwa, tafuanga,Na bantu baye tabapeelanga.”
7 Na baadi muelele Yunda ino miabi, amba’shi:
“Ô Yehowa! Teemesha namu eyi dia Yunda,Na omualushe kui muilo waye.
Maboko aaye aakaluila bintu biaye,Na omukuashe kui beshikuanyi baye.
8 Bua Levi bakuile’shi:
“Tumime na Urime oobe, mbia muntu alesha lulamato kodi,Oboodi mutuule mu kutompibua ku MasaBobangile kulua naye ngoshi ku mema a Meriba,
9 Muntu balunguile nshaye na nyinaye’shi: ‘Ntshi muibanemekie.’
Sunga bakuabo balume ta muibaukie,Mmupele mpa na bana baye.
Muanda babaadi balame eyi diobena babaadi balame kilombeno kiobe
10 Balongieshe Yakobo pabitale bitshibilo biobeNa Isalele pabitale Miiya yobe.
Bakulambule kabanda ke na mapembue e buwaNa mulambu oso ushima ku kilambuilo kiobe.
11 Ô Yehowa! Elela namu bukome buaye miabi,Na oleshe’shi osankila mifubo ya ku maasa kuaye.
Tshokola mikoolo ya baba abamuluisha,Bua’shi baba bamushikue tabebuanga dingi.”
12 Bua Benyamine bakuile’shi:
“Yawa abadi bafule kui Yehowa ashale mu kuiyikeela pepi naye;Pakuete kumukaluila munda mu’efuku dioso dishima,Akashala pankatshi pa mapampa aaye.”
13 Bua Yosefe bakuile’shi:
“Yehowa elele nsenga yaye miabi,Apete bintu bi buwa bia muiyilu,Na lume, na mema aakatukila mu nsulo ya muushi mua nsenga,
14 Na bintu bi buwa bia muulo bi’abatusha kui nguba,Na bintu bi buwa abituuku ku mueshi oso,
15 Na bintu bi buwa bukile abikatukila ku miengie* ya kala,Na bintu bi buwa bia ku tumiengie tua loso,
16 Na bintu bi buwa bia pa nsenga na biabia biuule panka,Na kukuminyibua na Yawa mushale muibuula dia mutshi wi na meeba.
Yaaya miabi ifikie mu mutue wa Yosefe,Munkatshi mua mutue mua yawa abaabadi bakatushe kui bakuabo.
17 Ntumbo yaye i nka bu ngombe mulume muana mbedi,Na nsengua yaye nyi nsengua ya ngombe mulume a mu kisuku.
Na yaaya nsengua, akasukuma bantu bosoPamune mpa na ku nfudiilo kua nsenga.
Yaaya nsengua ngikale binunu makumi bia Efraime,Na ngikale binunu bia Manasee.”
18 Bua Zabulone bakuile’shi:
“Ô Zabulone! Sanka mu nyendo yobe,N’obe Isakare sanka mu tushibo tobe tua mapema.
19 Abaketanyina bantu ku muengie.
Kuakua abakalambula milambu yabo ya kululama.
Muanda abakapete bintu* bia ku mapeta akile bungi a mu tulunga tua memaNa bintu bifuame bia mu lusenga.”
20 Bua Gade bakuile’shi:
“Miabi ikale kui muntu atamisha mikalo ya Gade.
Mmulaale nka bu ntambueE pepi na kukusula mboko, oolo, sunga kabaala ka mutue.
21 Akasangula kipindi kia kumpala buaye’ye nabene,Muanda kuakua mbalame kipindi kia muntu atushaa miiya.
Ba nfumu ba muilo abakebungila pamune.
Na akalombasha kululama kua YehowaNa bitshibilo biaye pabitale Isalele.”
22 Bua Dane bakuile’shi:
“Dane mmuana a ntambue.
Aketumbu kukatukila ku Bashane.”
23 Bua Neftali bakuile’shi:
Neftali akekuta kukuminyibuaNa ekala muule na miabi ya Yehowa.
Ata bupianyi bua kupona nguba na kuushi.”
24 Bua Ashere bakuile’shi:
“Ashere edibue miabi na bana be bungi.
Akuminyibue na bakuabo balume,Na ashine ngua yaye mu muimu.
25 Tulee tua ku kibelo kiobe ntua kiamo kia munyinga na kiamo,Na wekala mu kukaluila munda mua mafuku oobe oso.
26 Takui muntu e bu Efile Mukulu a binyibinyi a Yeshurune,Aye atambukila muiyilu bua kukukuashaNa atambukila mu makumbi mu bukata buaye.
27 Efile Mukulu nkifuamino kubanga mu bipungo bia kala,Maboko aaye a ikalayika e muushi mobe.
Akabingi muishikuanyi kumpala kobe,Na akamba’shi, ‘Ebabutule!’
28 Isalele akashala mu kukaluilua,Na nsulo ya Yakobo ayikala pabuayoMuiumbo di na ntete na nfinyo ipia,Eumbo di na eyilu adinokiesha lume.
29 We a muloo, Ô Isalele!
A nnanyi e bu biodi,Obe muilo upashibue kui Yehowa,Aye ngabo yobe ayikukaluilaNa lupete lobe lua ngoshi lua ntumbo?
Beshikuanyi bobe abakakuisendeela,Na okatambukila mu miongo yabo.”
