Kibafumbuilue kui Yowano 6:1-17
-
Muana a mukooko afungula bitampi bisamombo bia kumpala (1-17)
-
Muntu batshimuna e ku nfualasa tooka (1, 2)
-
Muntu mushale pa nfualasa e na elangi dimonga akatusha butaale (3, 4)
-
Muntu mushale pa nfualasa fiita, afuisha nsala (5, 6)
-
Muntu mushale pa nfualasa mutokolokie abamuitanyina bu lufu (7, 8)
-
Bantu babadi bayipee, be muushi mua kilambuilo (9-11)
-
Kutshinkatshinka kua nsenga kukata (12-17)
-
6 Pabaadi Muana a mukooko mufungule kimune kia ku bitampi musambobidi, namuene na napushishe kimune kia ku bipangua bi na muwa akiakula n’eyi di bu kapandapanda’shi: “Fika!”
2 Na namuene na talayi! Nfualasa tooka na baadi mushale panka baadi na buta; babamupeele kifulu kia ntumbo, na batuukile bua kutshimuna bua’shi afudiishe kutshimuna kuaye.
3 Pabaadi Muana a mukooko mufungule kitampi kia kabidi, naadi mupushe kipangua ki na muwa kia kabidi akiamba’shi: “Fika!”
4 Ungi nfualasa e na elangi dimonga batuukile, na babapeele yawa baadi mushale panka matalua a kukaasha butaale pa nsenga bua’shi bantu beyipayishene, na babamupeele lupete lua ngoshi lukata.
5 Pabaadi Muana a mukooko mufungule kitampi kia kasatu, napushishe kipangua ki na muwa kia kasatu akiamba’shi: “Fika!” Namuene na talayi! Nfualasa fiita na baadi mushale panka baadi na kipimo muiyasa diaye.
6 Napushishe nka bu eyi adituuku munkatshi mua bipangua binanka bi na muwa adiamba’shi: “Kilo kimune kia bukula bua blé ku muulo wa ndenye umune, na bilo bisatu bia orje ku muulo wa ndenye umune; na toluishanga muimu wa olive na nfinyo.”
7 Pabaadi muana a mukooko mufungule kitampi kia kananka, napushishe eyi dia kipangua ki na muwa kia kananka akiamba’shi: “Fika!”
8 Na namuene, talayi! Nfualasa mutookolokie na baadi mushale panka abaadi abamuitanyina bu Lufu. Na Mashama* abaadi aamulondo mu mongo. Na babaadi bebape matalua pa kia binanka kia nsenga bua kuipaa bantu na lupete lua ngoshi lula na bipupa bia nsala na bipupa bia maladi abipayishenaa, na ku bukuashi bua nyema ya bukielo ya pa nsenga.
9 Pabaadi Muana a mukooko mufungule kitampi kia katano, namuene muushi mua kilambuilo miuwa* ya baaba babaabadi bepee pa muanda wa lulamato luabo ku eyi di’Efile Mukulu, na pa muanda wa bukamonyi bubaabadi batuushe.
10 Babaadi beele misaase n’eyi dibukopo’shi: “Muanana mukile bukata a kishila na a binyibinyi, okapele kutshiba kiimu na koobola pabitale mase etu kui baaba bashale pa nsenga mpa na ku nsaa kinyi?”
11 Na babapeele oso a kuabadi musapi utooka, na bebalungula bua kuikisha dingi kapindi, mpa nka na apakakumbana bungi bua ba mpika naabo na bakuabo bat’abekalanga pepi na kuipayibua nka bu bibaabadi bayipayibue namu.
12 Namuene pabaadi Muana a mukooko mufungule kitampi kia kasamombo, kutshinkatshinka kua nsenga kukata akukitshika; na nguba nkufiita nka bu mpaya* mukitshibue na buaa, na mueshi ushima nkualuluka bu mase,
13 Na nyenyenyi ya muiyilu ibaadi ipone pa nsenga, anka bu apapuku kipapi kibukopo akinyunyisha mutshi wa nfigiye na tukuba tubishi tua nfigiye atupono.
14 Na eyilu dibaadi diifungie nka bu mufungofungo wabafungu, na adio nkushimina, na miengie yoso na bisangi bioso babaadi bebikatushe pa mbalo yabio.
15 Biabia, ba nfumu ba pa nsenga, bakata, bakata ba basalayi, ba mpeta, ba sha bukome na ba mpika boso, na bantu boso be bulungantu babafuamine mu mbuebue na mu mabue akata a ku miengie.
16 Babaadi abatungunuka na kulungula miengie na mbuebue’shi: “Etuponeneyi na nuitufuamishe ku meso kua Yawa mushale mu nkuasa a bufumu na ku nsungu ya Muana a mukooko,
17 muanda efuku dikata dia nsungu yabo dibafiki, nnanyi mulombene kupanda?”
Mayi e mushi mwesaki
^ Sunga “Hadese,” kuamba’shi mashama a bantu boso. Tala Kipatuluilo kia bishima.
^ Bino abilesha pangi “mase aabo abaabadi bapongoole pa kilambuilo.”
^ Sunga pangi “abadi bakite na buaa bua mbushi.”
