Ufundibue kui Maako 16:1-8
-
Kusanguka kua Yesu (1-8)
16 Pabapuile Sabato, Mariya a ku Magadala, Mariya nyinaye na Yakobo na Salome babaudile bintu bia mapembue bua’shi bende bakebishingie kitanda kia Yesu.
2 Na ku namashika ngofu, muifuku dia kumpala dia lubingo, nguba bapu kutunduka, babayile ku mashama.*
3 Abaadi abelungushena’shi: “Nanyi aketubunguluila ebue di ku kibelo kia mashama?”
4 Kadi pabababushile meso, babamuene’shi ebue ndipue kubungulushua, sunga biadibaadi bukata ngofu.
5 Pababatuelele mu mashama, babamuene nsongualume mmushale ku lupese lua mboko i balume, mufuale nkandio tooka, na abo nkukaanya ngofu.
6 Aye nkuibalungula’shi: “Lekayi kukaanya, nukuete kukimba Yesu muina Nazarete abaabadi bayipee mukookolue ku mutshi. Babuushibua ku lufu. Tepano. Talayi mbalo y’abekalanga bamutuule biayidi’bi.
7 Kadi ndayi, nukalungule balongi baye na Mpiele’shi: ‘Enubadidiila ku Ngalileya. Kuakua nyi ku’anukamumono, nka bu bibaadi muinulungule.’”
8 Biabia, pababatukile, babasuukile ku mashama, bafu’abasusanga na bakaanyanga. Ta babaadi balungule muntu su ngumune muanda, muanda babaadi na moo.*
Mayi e mushi mwesaki
^ Sunga “mashama a kitentekiesho.”
^ Muyile maniskri a kala a kukulupila, Evanjile a Maako afudiila na bishima biatupete mu verse a 8.
