BWA BA NSONGWA
10: Kukulupilwa
AKULESHA KINYI
Bantu ba kukulupilwa abebatudilaa eshimba kwi baledi babo, bena’bo, na bakata babo ba mudimo. Abanemekaa miiya, abakumbashaa milayilo yabo, na abesambaa bya binyibinyi.
BWAKINYI KWI NA MUULO
Mu byooso, bulungantu bwabakyebe nkupa mbutale mushindo odi mobeshe kukita munda mwa mafuku bwashi bakulupile moodi.
“Mushindo wibuwa wa kobesha kukulupilwa na baledi nyi nkulesha shi okitshi myanda bu muntu mukulu na wata bitshibilo bibuwa, kushi penda nsaa yoodi nabo, kadi mpa na nsaa yabashi pepi noobe.”—Sarahi.
EYI DYA KULONDA DYA MU BIBLE: “Etaluuleyi anwe banabene.”—2 Bena-Kodinda 13:5.
KYODY’A KUKITA
Su okyebe shi baledi bakukulupile sunga shi opete dingi lukulupilo lwabo lupwe kushimina, ano matabula ngalombeene nkukwasha.
Akula bya binyibinyi. Takwi kintu kilombeene kukutshisha bantu kukulupila moodi bu madimi nya. Bi mumune, nsaa yoodi wakula bya binyibinyi—bikishekishe pabitalebilema byoobe—bangi abekala abakulupila moodi.
“Mbibofule kwakula bya binyibinyi nsaa i myanda ayende kalolo. Kadi kwakula bya binyibinyi nsaa i myanda ayikutuusha bu muntu mubi nyi ayikukwasha bwashi bantu bakulupile mood.”—Caiman.
EYI DYA KULONDA DYA MU BIBLE: “Atukumina kwikala balulame mu myanda yoso.”—Bena-Ebelu 13:18, NWT.
Kobesha kwitumikila. Kunyima kwa kwela bantu nkonko mu Etats-Unis, bakata 78 pa lukama abatala myanda ya beena midimo abambile kobesha kwa kwitumikila “nyi ngumune a ku ngobesha isatu i na muulo ukata bwa bano ababanga mudimo.” Kulonga bya kobesha kwikitshina midimo binobino akukyebe kwibakwasha pabakulu.
“Baledi bande abamono nsaa yandesha shi naata mashito ande na kukita midimo yande ya mu nshibo kushi’bo kuntuma. Nsaa yooso yanekitshina myanda mu wawa mushindo, abatungunuka na kutuula lukulupilo mwandi.”—Sarah.
EYI DYA KULONDA DYA MU BIBLE: “Pankukulupila: naawuku’shi okitshi dimo bikile pa byangamba.”—Filemone 21.
Ikala na lwishinko. Kushi bu kukula kwa mbidi akumweneka patooka kwi bantu, abitungu nsaa ibungi bwashi bantu bamone shi bokulu mu binangu na mu byopusha.
“Ta nkintu penda kimune kilombeene kutuma baledi boobe na bangi bantu bakulupile moodi nya. Kadi we kupeta lukulupilo lwa bantu muyile byokitshi munda mwa mafuku ebungi.”—Brandon.
EYI DYA KULONDA DYA MU BIBLE: “Ikalayi na . . . lwishinko.”—Bena-Kolose 3:12.
Tala dingi
MUNTU AFUNDU KWIBAYA
Ne kwisamba na baledi bande naminyi?
Mushindo kinyi odya kwisamba na baledi bobe su opusha shi twe na mushindo wa kwisamba nabo?
