Bua kusankisha Yehowa, abitungu kuikala na lukumiino. Anka Bible amba’shi: “Ta mbantu boso be na lukumiino nya.” (2 Te. 3:2) Mpoolo mutumibua bakuile pabitale bantu babaadi abamubingabinga’shi: “Bantu bebubi na bantomboshi.” Ngi buakinyi baadi na lukalo na muntu a kumukaluila. Anka bi baadi muakule pabitale lumiino, mbia binyibinyi kui bangi bantu. Bangi bantu abapelaa bishinkamiisho abileesha kalolo’shi kui mupangi, kuamba’shi Efile Mukulu. (Lom. 1:20) Bangi be kuakula’shi mbakumiine kintu sunga muntu kampanda e na bukome bui bungi. Anka, kukumiina penda ino mianda ta nkulombene kusankisha Yehowa nya.

Abitungu tuikale bashinkamishe’shi Yehowa e kuanka na’shi akafutu baaba booso be na lukumiino lui bukopo muadi. (Eb. 11:6) Lukumiino nkipindi kia kikuba kia kikudi kiselele. Kuela nteko kui Yehowa, kui kukuasha muntu buadia kupeta kikudi kiselele. (Luk. 11:​9, 10, 13) Mushindo wi buwa wa kupeta kikudi kiselele, nyi mpa kubadika Eyi di’Efile Mukulu diyokielue. Na dingi tui kunangushena ku bi’atubadika na kuikitshisha bua kutumikila biabia bi batulongo. Kikudi kia Yehowa ki kuikala na bukitshishi mu nshalelo eetu, na ki’etukuasha buatudia kuikala na lukumiino alusankisha Yehowa.