Ki buwa na ki bubi: Kitshibilo akitungu’shi waate
Mayi a kulonda atusangula aekalaa na bukitshishi bukata mu nshalelo eetu bua kuikala na muloo sunga kukutua kuikala nao. Yehowa Efile Mukulu auku biabia. Ngi buakinyi akumiina’shi tuikale na nshalelo muipushene a mayi aaye a kulonda.
Yehowa akumiina’shi tuikale mu butaale na nshalelo a muloo.
“Nnaami Yehowa Efile Mukulu oobe, akupa bulambukishi abukukwasha, akukunkusha mwishinda dyodya kutambukila. Su bodya kwikala muteemeshe mayi ande, mwabi ubadya nkufwila buu mwela, na kalolo buu mbunda mbunda ya kalunga.”—Yeeshaya 48:17, 18.
Bu biadi Mupangi eetu, Efile Mukulu auku mushindo wi buwa watudia kuikala na nshalelo e buwa. Akumiina’shi tulonde bukunkushi buaye, muanda bui kuanka bua buwa buetu. Su tubalondo miiya y’Efile Mukulu, t’atuiyele nkonko ya mushindo watudi balombene kuikala na nshalelo e buwa. Atukeekala misuusa yooso atuata bitshibilo bi buwa, abitutuadila butaale na muloo.
Yehowa t’etutekaa bua’shi tukite mianda ikile bukome buetu nya.
“Oolo, dino eyi dyankupa leelo, tandikile bukome bwobe nya, tadii pooshyo kukuma nya.”—Miiya Ikituulwe 30:11.
Bua kuikala na nshalelo muipushene na mayi a kulonda a Efile Mukulu, abitungu kushintuula 1 Yowano 5:3.
mushindo wetu wa kunangushena na bikitshino bietu. Biabia, Yehowa t’etutekie mianda i bungi nya. Na bu biadi Mupangi eetu, auku kiakia kiatudi na ngobesha ya kukita. Na dingi p’atunyiisha kuwuka Yehowa, atukasangana’shi “miiya yaye, tayi bushito.”—Yehowa mmulee bua kukuasha baaba abasangula kuikala na nshalelo muipushene na mayi aaye a kulonda.
“Nnami Yehowa Efile Mukulu oobe, nee mukukwate kw’eyaasa dyoobe dilume, naakulungula’shi: ‘Totshiinanga, nnami akukwasha.’”—Yeeshaya 41:13.
Atukumiina kuikala na nshalelo akumiina Efile Mukulu’shi tuikale naye, muanda akumiina kuitukuasha. Etukuashaa kukiila ku Eyi diye Bible, etukankamika na lukulupilo.
Midiyo ya bantu bashaale mu nsenga mbasangane’shi, kuikala na nshalelo muipushene na mayi a kulonda a mu Bible, nkulumbuule nshalelo aabo. Buakinyi to kulonga bi bungi pabitale elango di buwa di’abatuusha kui Bible? We kubanga kulonga broshire atulongaa naye na bantu Bible, broshire a We kuikala na muloo bua loso! We kumuata buntu mu jw.org. E na ano malongiesha aalondo:
-
Bible e nkukuasha naminyi?
-
Bible etupa lukulupilo
-
We kukulupila abiamba Bible?
Bu bi’onyiisha kuuka bi bungi pabitale Eyi di’Efile Mukulu, Bible, okamono’shi ta mmukanda wa kala bisumanga nya; anka mmukanda wi “kwanka mafuku oso mpâ na kwikalaika.” (Misambo 111:8, EEM) Kukookiela mayi a kulonda a mu Bible, ngi mushindo watudia kuikala na nshalelo e buwa. Anka Efile Mukulu t’etukitshishaa pa bukopo bua kumukookiela nya. (Miiya Ikituulwe 30:19, 20; Yoshwa 24:15) Nkitshibilo akitungu’shi ooso a kuatudi aate.