Muntu bayipayishena ku masaku bafiki mulupata lwa kufwamina
“Yehowa akuulaa muuwa wa bafubi baaye; takwi dinyooka bwa booso bamusangule buu kifwamino kyaabo.”—MISAMBO 34:22.
NGONO: 8, 54
1. Pa mwanda wa mulwisho, bafubi b’Efile Mukulu bashaa lulamato bebungi abapusha naminyi?
MPOOLO mutumibwa bafundile’shi: “Ami [ne] muntu a malwa.” (Beena-Looma 7:24, Kilombeeno kipya 2014) Lelo uno, bafubi b’Efile Mukulu basha lulamato bebungi bakwete kupusha kutshoboloka na twinyongoshi twi bungi nka bu bibadi Mpoolo. Bwakinyi? Mwanda sunga mbyatukwete kukita bukopo bwa kusankisha Yehowa, boso bwetu twi bapyane mulwisho na twi bakutwe kupwidika. Ngi bwakinyi twi kubofula nsaa yatukutwa kumusangasha. Bamo bena Kidishitu abakitshine mulwisho ukata abapusha’shi Yehowa ta mulombene kwibafwila lusa.
2. (a) Mukanda wa Misambo 34:22 aulesha naminyi’shi tabitungu bafubi b’Efile Mukulu bekale bakambilwe na binangu bya kwitopeka? (b) Mu uno mwisambo atukalongo kinyi? (Tala kashibo akamba’shi: “ Mmalongyesha su, ayipushisha myanda ya matemuki?”)
2 Bifundwe abitushinkamisha’shi su tubatuulu kifwamino kyetu mwi Yehowa, tabitungu twikale bakambilwe na binangu bya kwitopeka nya. (Badika Misambo 34:22.) Byabya, kutuula kifwamino mwi Yehowa akupushisha kinyi? Abitungu tukite kinyi su atukumina’shi, Yehowa etufwile lusa na kulekyela bilubilo byetu? Twi kupeta ngaluulo ku ino nkonko su tubalongo pabitale mpàngo ya mpata ya kufwamina ibadi mu Isaleele a kala. Ino mpàngo ibadi kwanka mu Miiya, ibayimene mu Pentekoote a mu kipwa kya 33. Anka ino miiya ibadi ayifiki kwi Yehowa. Byabya, kukiila ku mpàngo ya mpata ya kufwamina, twi balombene kulonga bi mweneno a Yehowa pabitale mulwisho, bantu abakitshi milwisho, na bantu abelanga ku mashimba. Kya kumpala, tubandeyi kutala bwakinyi mu Isaleele mubadi mpata ya kufwamina na mushindo ubabadi abeyifubisha.
“SANGULAYI MPATA YA KUFWAMINA”
3. Bibadi abitungu’shi bena Isaleele bakite naminyi na muntu bayipayishena?
3 Yehowa badi enyongola ngofu nsaa ibabadi abayipaa muntu. Su mwina Isaleele bayipaa muntu, mukwabo mulume e peepi na muntu ababayipaa, ababadi abetanyina bu “mwobodi” badi na matalwa a kwipaa muntu bayipayishena. (Mbadiko 35:19) Mu wawa mushindo, muntu bayipayishena badi na kya kufuta muwa waye ku muwa wa muntu ekalanga mwipee. Su muntu bayipayishena ta mbamwipee bukidi, Nsenga ya mulayilo ibadi ilombene kufika butete, kushi kwikala dingi bu i selele. Yehowa badi mwele mwiya’shi: “Tanulwishanga eumbo dyanudi bashaleele” pa kuponesha mase a muntu, kwamba’shi, kuyipaa muntu.—Mbadiko 35:33, 34.
4. Bibadi abikitshika naminyi su mwina Isaleele bayipaa muntu ku masaku?
4 Bibadi abikitshika naminyi su mwina Isaleele bayipaa muntu ku masaku? Sunga byekala’shi bayipaa muntu ku masaku, badi nka na dibaasa dya mase dya kwipaa muntu shii musoole. (Kibangilo 9:5) Anka mu wawa mwanda, Yehowa bambile’shi uno muntu mbalombene kumufwila lusa. Muntu bayipayishena ku masaku badi na kya kusuuka mwobodi na kwenda mu lumune lwa ku mpata ya kufwamina. Su abamupa matalwa a kushala mu kino kibundji, mwamwa badi mulamibwe kalolo. Anka bibadi abitungu’shi ashale mu luno lupata lwa kufwamina mpa na apafu tshite mwakwidi mukata e panundu.—Mbadiko 35:15, 28.
5. Bwakinyi mpàngo ya mpata ya kufwamina ayitukwasha bwa kupusha kalolo bi lusa lwa Yehowa?
5 Mpàngo ya mpata ya kufwamina tayibadi ayitukila kwi muntu nya. Ibadi ayifiki kwi Yehowa. Balungwile Yooshwa’shi: “Lungula bana ba Isaleele bino: ‘Sangulaayi mpata ya kufwamina.’” Ino mpata ibadi ‘ishidilwe.’ (Yooshwa 20:1, 2, 7, 8) Yehowa badi mwate kitshibilo kyashi yaya mpata itudibwe pa bwayo. Byabya ku ino mpàngo, atulongo bibungi pabitale Yehowa. Kileshesho, ayitukwasha bwatudya kupusha kalolo bi lusa lwa Yehowa. Na ayitulongyesha mushindo watudi balombene kutuula kifwamino kyetu mwi Yehowa lelo uno.
ABITUNGU “AWUKISHE BAKULU . . . BII MWANDA WAYE”
6, 7. (a) Lesha mudimo ubadi na bakulu pababadi abasambisha muntu mwipayishene ku masaku. (Tala kifwatulo ki ku mbangilo.) (b) Bwakinyi bibadi abitungu’shi muntu mwipayishene esambe na bakulu?
6 Su mwina Isaleele bayipaa muntu ku masaku, bibadi abitungu’shi ende lubilo mu lupata lwa kufwamina na “awukishe . . . mwanda waye” kwi bakulu pa kibelo kya lwalwa lupata. Bakulu babadi na kya kutambula yawa muntu. (Yooshwa 20:4) Kunyima kwa mafuku apeela, babadi na kya kumwalusha bwabadya kumusambisha mu kibundji kibadi mwipayile muntu. (Badika Mbadiko 35:24, 25.) Su bakulu ba mu lwalwa lupata abasangana’shi ekalanga mwipee muntu ku masaku binyibinyi, abadi abamwalusha bwadya nkashala bu muntu musuukile mu lupata lwa kufwamina.
7 Bwakinyi bibadi abitungu’shi muntu musuukye esambe na bakulu? Bibadi abitungu’shi bakulu bashinkamishe’shi kakongye ka bena Isaleele koso kashima nkatookane na babadi abakwasha muntu mwipayishene ku masaku bwabadya kumufwila lusa kwi Yehowa. Ungi muntu mulongye myanda ya mu Bible bafundile’shi, su muntu mwipayishene bapele kwenda kwi bakulu, babadi na kya kumwipa. Amba dingi shi, badi mulombene kusemuna mase aaye’ye nabene mwanda bapele kukita myanda ibabadi bebalungule kwi Efile Mukulu. Bwa’shi muntu mwipayishene ku masaku ashale na muwa, bibadi abitungu’shi atekye bukwashi na kwibukumina. Su bapele kwenda mu lumune lwa ku mpata ya kufwamina, mukwabo na muntu aadi mwipee e pepi badi na bulungantu bwa kumwipa.
8, 9. Bwakinyi abitungu’shi mwina Kidishitu bakitshi mulwisho ukata akesambe na bakulu?
Shake 5:14-16) Kya kabidi, bakulu be kwanka bwa kukwasha muntu mukite mulwisho na elanga kwishimba bwadya kukuminyibwa dingi n’Efile Mukulu na kupela tala akita dingi uno mulwisho. (Beena-Ngalatea 6:1; Beena-Ebelu 12:11) Kya kasatu, bakulu ngi babadi bape matalwa na mbabadi balongyeshe mushindo wabadya kukankamika muntu mukite mulwisho na kwete kwilanga kwishimba bwa kumukwasha bwadya kukatusha kinyongwa kya kwipusha bu e na dibaasa. Yehowa ayitanyina bano bakulu bu “kisuukilo ku kipapi kya mpeshi.” (Yeeshaya 32:1, 2) Ino mpàngo nyi ngumune wa ku mishindo yabetulesha lusa kwi Efile Mukulu.
8 Lelo uno, bwa kupetuula kipwano kyaye na Yehowa, abitungu mwina Kidishitu mukite mulwisho ukata ende kwi bakulu bwa’shi bamukwashe. Bwakinyi kukita bino kwi na muulo? Kya kumpala, Yehowa ngi mwate ino mpàngo bwa’shi bakulu bekale abasambisha bantu bakite milwisho ikata. (9 Bafubi b’Efile Mukulu bebungi mbafukamishe mashimba abo p’abo kwisamba na bakulu na kupeta bukwashi bwa kwabadi. Bu kileshesho, ungi mukwetu abetanyinaa bu Daniel bakitshine mulwisho ukata, anka bakutshilwe kwenda mu kumona bakulu munda mwa myeshi ibungi. Akula’shi: “Munda mwa ano mafuku ooso, nadi napwandikisha’shi ta kwi kingi kintu kyabadi balombene kunkitshina kwi bakulu nya.” Badi nka apusha moo wa’shi mungi muntu mulombene kufumbula mulwisho waye, na badi apusha’shi abitungu abangye luteko looso na mayi a kuteka lusa kwi Yehowa. Kunyima kwa mafuku, batekyele bukwashi kwi bakulu. P’atentekyesha, akula’shi: “Kushi mpaka, nadi napusha moo wa kwisamba nabo. Anka kunyima kwa’mi kwisamba nabo, napushishe nka bu muntu bankatusha kiita ki bushito akikalanga ku mapampa.” Kunyima, Daniel badi mupete mushindo wa kubanga dingi kwisamba na Yehowa kushii lukalakashi. Binobino e na kondo k’eshimba katookane, na mu mafuku ashale, ekeele mubangye kufuba bu mufubi a midimo mu kakongye.
ABITUNGU “ASUUKILE MU LUMUNE LWA KU INO MPATA”
10. Bwabadya kumufwila lusa, bibadi abitungu’shi muntu mwipayishene ku masaku akite kinyi?
10 Bwabadya kufwila muntu bayipayishena ku masaku lusa, bibadi abitungu’shi asuukile bukidi mu lupata lwa kufwamina lwi pepi naye. (Badika Yooshwa 20:4.) Bwadya kushala na muwa bibadi abitungu’shi, atwele mu luno lupata na ashale mwanka mpa na apakafu tshite-mwakwidi mukata e panundu. Bino bibadi abitungu’shi muntu mwipayishene esumine myanda ibungi. Badi na kya kuleka midimo yaye, nshibo yaye ibuwa, na tabadi na matalwa a kwenda mu lwendo. * (Mbadiko 35:25) Anka badi na kya kukita byabya. Su muntu mwipayishene ku masaku badya kutuka mu luno lupata musango su ngumune, badi alesha’shi te na lubasu bwa mwanda wa muntu aadi mwipee, na tabadi akwalwila muwa waye nya.
11. Mwina Kidishitu b’elanga kwishimba e kulesha naminyi’shi e na lutumbu bwa lusa lw’Efile Mukulu?
11 Lelo uno, muntu mukite mulwisho na belanga kwishimba abitungu akite myanda kampanda bwabadya kumufwila lusa kwi Efile Mukulu. Abitungu alekye kukita milwisho. Bwa kukita bino abitungu asuukye myanda yooso ilombene kumufikisha mu kukita mulwisho ukata. Mpoolo mutumibwa badi mupatuule myanda ibakitshine bena Kidishitu ba mu Kodinda abadi bakite milwisho na kwilanga kwishimba. Bafundile’shi: “Bandaayi kutala binukitshiine kyaakya kinyongwa kii mwishinda dy’Efile Mukulu: tanudi na kusaasakata, kwitekeena lusa, kwinyongola ku bubi, moo, ngandji ya kwimoneena naami, katshintshi na kunyooka kwa bubi!” (2 Beena-Kodinda 7:10, 11) Byabya su tubekitshisha mwetu moso bwa kupela kukita milwisho, atukalesha Yehowa’shi twi benyongole ngofu bwa mwanda wetu na’shi tatunangushena’shi e mu kitungo kya kwitufwila lusa nya.
12. Abitungu mwina Kidishitu esumine myanda kinyi bwabadya kutungunuka na kumufwila lusa kwi Yehowa?
12 Mmyanda kinyi yabadi balombene kwisumina kwi mwina Kidishitu bwabadya kumufwila lusa kwi Yehowa? Abitungu akumine kuleka kukita myanda ayimusankisha su ino myanda ngilombene kumutakula mu kukita mulwisho. (Mateo 18:8, 9) Bu kileshesho, su bakuuku bobe abakutakula mu kukita myanda ishi’ayisangasha Yehowa, okumina kutshiba kipwano nabo su? Su tomonaa bya kutshiba bungi bwa maalwa odya kutoma kushi kukwatshika, okakumina kusuuka myanda ilombene nkutakula mu kutoma maalwa akile bungi su? Su tomonaa bya kukambila lwabi lwa kutambuka lusandji, okapele kubandjila ma video, ma site a Internete, sunga myanda ilombene nkutakula mu kwikala na binangu bibutete su? Tentekyesha’shi, myanda yooso ywesumina bwa kumona bya kukookyela miiya ya Yehowa, ta nkukisha kwa nsaa nya. Ta kwi kintu kibubi kukila kupedibwa na Yehowa nya. Na dingi ta kwi kintu ki buwa kukila kwikala mu “kifulo kya [Yehowa] kishi mpwilo.”—Yeeshaya 54:7, 8.
“KWAKWA NGI AKWIKEELA KISUUKILO”
13. Patuula bwakinyi muntu badi mwipayishene ku masaku badi epusha mu bulungantu na muloo nsaa ibadi munda mwa lupata lwa kufwamina.
13 Su batwele munda mwa lupata lwa kufwamina, yaya nsaa muntu mwipayishene ku masaku badi mu bulungantu. Yehowa bakwile bino pabitale ino mpata: “Kwakwa ngi akwikeela kisuukilo.” (Yooshwa 20:2, 3) Yehowa tabadi mwambe’shi abitungu kusambisha muntu mwipayishene ku masaku misango ibidi bwa uno mwanda umune nya. Na dingi, mwobodi tabadi na matalwa a kutwela munda mwa lupata bwa kumwipa nya. Pabadi muntu mwipayishene ku masaku e mu lupata, badi mu bulungantu na mu bulami bwa Yehowa. Tabadi mu lukano nya. Badi mulombene kufuba mifubo, kukwasha bangi bantu, na kufubila Yehowa mu butaale. Eyendo, badi mulombene kwikala na nshalelo a muloo na ebuwa!
Ikala mukulupile’shi Yehowa akufwila lusa (Tala kikoso kya 14-16)
14. Mwina Kidishitu mwilangye kwishimba bwa mulwisho waye mulombene kushikamisha kinyi?
14 Bamo bafubi b’Efile Mukulu abadi bakite milwisho ikata mbatungunukye na kwitopeka mpa na mafuku ebungi kunyima kwa’bo kwilanga kwishimba. Bangi abapusha mpa na’shi Yehowa ta mulombene kwibafwila lusa bwa bilubilo byabadi bakite. Su opusha bino, ikala mushinkamishe’shi nsaa yabakufwila lusa kwi Yehowa, ayilwankanaa wawa mwanda bwa looso. Tabitungu otungunukye na kwitopeka nya. Uno mwanda ubadi ufikile Daniel, atudi bateemune kunundu. Kunyima kwa’bo kumuludika kwi bakulu na kumukwasha bwadya kupetuula kondo k’eshimba katookane, eshimba dyaye nkufukama ngofu. Akula’shi: “Ntshinadi Misambo 103:8-12.
n’epusha bu’mi e na dibasa dingi nya. Kunyima kwa kuleka mulwisho, ubashimina mususa umune. Nka bu bibakwile Yehowa, akatushaa bushito boobe na kwibusumbula kula nobe. Twe mulombene kwibumona dingi nya.” Kunyima kwa muntu mwipayishene ku masaku kutwela mu lupata lwa kufwamina, tabadi mulombene kupusha moo wa’shi mwobodi mulombene kufika bwa kumwipaa nya. Mu mushindo umune, kunyima kwa Yehowa kwitufwila lusa ku mulwisho wetu, tabitungu twikale na moo wa’shi mulombene kwitutentekyesha wanka dingi sunga kwitunyooka bwa wanka nya.—Badika15, 16. Kuuka’shi Yesu batushishe mulambu wa nkuulo na’shi mmwikale Tshite-mwakwidi mukata e panundu akunyingisha lukulupilo lobe naminyi?
15 Byabya, atwe twi na tubingilo twibungi twa kukulupila’shi Yehowa etufwila lusa kukila twa bena Isaleele. Kunyima kwa Mpoolo kwakula’shi “ami [ne] muntu a malwa” pa mwanda wa’shi ta mulombene kukookyela Yehowa mu kipaso kipwidikye, bakwile na muloo’shi: “Lutumbu kwi Efile Mukulu pa kukiila kwi Yesu Kidishitu Mfumwetu.” (Beena-Looma 7:25) Badi akyebe kwamba naminyi? Sunga mbibadi Mpoolo alu ngoshi bwa kukambila malaka a kukita milwisho na bibadi mukite milwisho mu mafuku ashaale, badi mwilangye kwishimba. Ngi bwakinyi badi mukulupile’shi Yehowa mmupwe kumufwila lusa kukiila ku mulambu wa nkuulo wa Yesu. Bu bibabadi bafute mulambu wa nkuulo kwi Yesu, n’atwe namu twi balombene kwikala na kondo k’eshimba katookane na kwikala na butaale bwa mwishimba. (Beena-Ebelu 9:13, 14) Bu byadi Tshite-mwakwidi mukata e panundu, Yesu bambile’shi: “Mmulombeene kupaasha musuusa umune abeefubwila kwi Efile Mukulu pa kukiila kwadi, mwanda ee panka bwa looso na muuwa bwa kwibaakwila.” (Beena-Ebelu 7:24, 25) Mu mafuku a kala, tshite-mwakwidi mukata e panundu badi akwasha bena Isaleele bwabadya kushinkamisha’shi Yehowa bebafwila lusa ku milwisho yabo. Bu byatudi na Yesu bu Tshite-mwakwidi mukata e panundu, twi na tubingilo tukile mpa na twa bena Isaleele twa kwikala bashinkamishe’shi: Twi balombene “kupeta lusa na kalolo, na kukwashibwa apakumbana kipungo.”—Beena-Ebelu 4:15, 16.
16 Bwa kutuula kifwamino kyetu mwi Yehowa, abitungu twikale na lukumino mu mulambu wa nkuulo wa Yesu. Topwandikishanga’shi mulambu wa nkuulo aukwasha nka penda bantu mu kibungi. Ikala na lukumino’shi n’obe namu we mupete myabi ayitukila ku uno mulambu wa nkuulo. (Beena-Ngalatea 2:20, 21) Ikala na lukumino’shi pa mwanda wa mulambu wa nkuulo, Yehowa mmukufwile lusa ku milwisho yoobe. Ikala na lukumino’shi mulambu wa nkuulo aukupa lukulupilo lwa muwa wa ikalaika. Mulambu wa nkuulo wa Yesu nyi nkya buntu kyabadi bakupe kwi Yehowa!
17. Bwakinyi okumina kutuula kifwamino kyobe mwi Yehowa?
17 Mpata ya kufwamina ayitukwasha bwatudya kupusha bi lusa lwa Yehowa. Ino mpàngo y’Efile Mukulu ayitulongyesha’shi muwa nkintu kya kishila. Ayitulesha dingi’shi bakulu mbalombene kwitukwasha, na ayitulesha akipushisha kwilanga kwishimba binyibinyi, na bwakinyi twi balombene kushinkamisha binyibinyi shi abetufwilaa lusa kwi Yehowa. We mutuule kifwamino kyobe mwi Yehowa su? Ta kwi ingi mbalo yodi mulombene kwipusha mu bulungantu bu ino nya! (Misambo 91:1, 2) Mu mwisambo aulondo, atukamono kipaso kilombene kwitukwasha mpata ya kufwamina bwatudya kwambula Yehowa, mwikale kileshesho kikata kya kululama na lusa.
^ par. 10 Muyile abyakula bantu ba mu Yuuda balongye myanda ya mu Bible, bena kifuko kya muntu mwipayishene abadi abafiki mu kushala naye mu lupata lwa kufwamina.