Pangi ta mbyabya nya. Satana tabaadi mulungule Eeva’shi su adya kikuba kya mutshi wabadi bakandikye kwi Efile Mukulu, akitshi penda bu afu kadi kipindji kya mbidi (akyamba bantu lelo uno’shi anyima shafwiyaa) akitungunuka na kwikala na muwa mu ingi mbalo. Pabakwile ku bukwashi bwa nyoka, Satana bakwile’shi su Eeva adya kikuba kya ku wawa mutshi, ‘tafu’ye.’ Baadi muleshe’shi Eeva atungunuka’nka na kwikala na muwa, na nshalelo ebuwa pa nsenga, kushi ku bukunkushi bw’Efile Mukulu.​—Kib. 2:17; 3:3-5.

Su dilongyesha dya madimi di kwanka lelo uno dya’shi anyima tafwiyaa tanditukile mu Edene, paapa nditukye mafuku kinyi? Tatuuku mafuku adidi ditukye nya. Atuuku’shi ndangwilo yoso ya madimi abaadi beyibutule ku Mpeshi a kabutu a mu mafuku a Nowa. Takwi dilongyesha sunga ndimune dibaadi dipande ku Mpeshi a kabutu, nka penda Nowa na kifuko kyaye​—balangwidi ba binyibinyi—​nyi abaadi bapande.

Byabya, abimweka’shi, dilongyesha dya anyima shafwiya nditukye kunyima kwa Mpeshi a kabutu. Pabaadi Efile Mukulu mufutakashe ndimi ku Babele, bantu ‘bapalakana pa nsenga ishima,’ kushi mpaka abaadi bapalakane na dyadya dilonyesha dya anyima shafwiyaa. (Kib. 11:8, 9) Sunga twakutwa kuuka nsaa ibatukile dino dilongyesha dya madimi, tushinkamisheyi’shi Satana Diabulu “nshee madi,” nyi mutushishe dino dilongyesha na e na muloo wa kumona’shi ndipalakane mu nsenga ishima.​—Yo. 8:44.