MWISAMBO WA KULONGA 36
Armagedone nyi mukandu wibuwa!
‘Babeebabungile ku . . . Armagedone.’—KIBAF. 16:16.
LOONO 150 Kimbayi Yehowa bwashi nupashibwe
KYABAKWILA MWANKA *
1-2. (a) Bwakinyi Armagedone nyi mukandu wibuwa bwa bantu? (b) Nkonko kinyi y’atukatalula mu uno mwisambo?
TOBOPUSHISHE bantu abakula kishima “Armagedone” nsaa y’abesambila ngoshi ya nikleere sunga masaku aatukila ku bintu bipangibwe su? Anka, abyakula Bible pabitale Armagedone nyi mukandu wibuwa, aupa bantu muloo! (Kibaf. 1:3) Ngoshi ya Armagedone t’ayikabutula bantu anka ayikebapasha! Naminyi?
2 Bible amba’shi ngoshi ya Armagedone ayikapasha bantu na kufudiisha bukunkushi bwa bana ba bantu. Yaaya ngoshi ayikapasha bantu pa kukatusha bantu babi na kulama basha kululama. Ayikapasha dingi bantu pa kukalwila nsenga yetu ku kulwila. (Kibaf. 11:18) Bwashi tupushe ano malongyesha kalolo, tubandeyi kutaluula ino nkonko: Armagedone nkinyi? Myanda kinyi ayikakitshika kumpala kwa Armagedone? Mushindo kinyi watudi balombene kwikala munkatshi mwa bantu abakapanda ku Armagedone? Mushindo kinyi watudi balombene kushala na lulamato bu bikwete kwifubwila Armagedone peepi?
ARMAGEDONE NKINYI?
3. (a) Mwaku “Armagedone” aulesha kinyi? (b) Muyiile Kibafumbwilwe 16:14, 16, bwakinyi atwamba’shi Armagedone ta mbalo ayimweneka bino na meso?
3 Badika Kibafumbwilwe 16:14, 16. Mwaku “Armagedone” ausanganyibwa penda mususa umune mu Bible, na autukila mu mwaku wa mu kina Ebelu aupatuula “Mwengye wa Megido.” (Kibaf. 16:16) Megido kibaadi kibundji kya mu Isaleele a kala. (Yosh. 17:11) Kadi Armagedone t’esambila mbalo kampanda i pa nsenga nya. Mu kwakula kwa kalolo, alesha nsaa ayikala “ba nfumu ba pa nsenga na basalayi babo” abebungu pamune bwa kulwa na Yehowa. (Kibaf. 16:14) Byabya, mu uno mwisambo, atwisambila dingi mwaku “Armagedone” bwa kulesha ngoshi ayikafiki kunyima kwa kwibunga kwa ba nfumu ba pa nsenga. Atuuku naminyi’shi Armagedone alesha mbalo ya mu kifwanyi? Kya kumpala, t’akwikalaa mwengye wa Megido aumweneka bino nya. Kya kabidi mbalo i peepi na Megido ngipeela ngofu, na ta ngilombene kukumbana “ba nfumu ba pa nsenga” na basalayi babo, na bina ngoshi byabo nya. Kya kasatu anka bu byatukebimono mu uno mwisambo, ngoshi ya Armagedone ayikabanga nsaa i “ba nfumu” ba pa nsenga abalu na mwilo w’Efile Mukulu, upalakane pa nsenga ishima.
4. Bwakinyi Efile Mukulu badi mupwandikishe ngoshi yaaye ya nfudiilo na Armagedone?
4 Bwakinyi Yehowa badi mupwandikishe ngoshi ikata ya nfudiilo na Megido? Kala, ngoshi ibungi abadi abeyilwila mu Megido na peepi na Kipya kya Izreele. Ingi misusa, Yehowa badi mukwashe mwilo waye bwa kutshokola yaaya ngoshi. Kileshesho, ku “meema a Megido,” Efile Mukulu badi mukwashe Nsushi Barake bwadya kutshokola basalayi ba bena Kanana babadi ku bukunkushi bwa nfumu Sisera. Barake na mutemuki mukashi Debora babadi batumbule Yehowa bwa kyakya kilengyeleshi kya kutshokola. Babayimbile’shi: “Dya mwiyilu nyenyenyi ngilwe ngoshi . . . na Sisera. Mwela wa Kishone ngwibakombe.”—Bans. 5:19-21.
5. Mmu mushindo kinyi wi na muulo wikale ngoshi ya Armagedone ngilekene na ibalwile Barake?
5 Barake na Debora abadi bafudiishe loono lwabo na ano mayi: “Balwishi bobe booso Yehowa, beetute, byabya dingi bakuuku boobe bekale bu nguba p’atunduka na mbàdibàdi yaaye.” (Bans. 5:31) Mu nsaa ya Armagedone, beshikwanyi b’Efile Mukulu abakabutudibwa, nsaa i boso bafule Efile Mukulu abapashibwa. Anka kwi kwilekena kukata pabitale ino ngoshi ibidi. Mu nsaa ya Armagedone, mwilo w’Efile Mukulu taukalu ngoshi nya. T’abekala sunga na ma mputu nya! “Bukome [bwabo] bwi mu kunyinga kw’eshimba na mu lukulupilo” mwi Yehowa na bilwilo byaye bya mwiyilu.—Yesh. 30:15; Kibaf. 19:11-15.
6. Yehowa mukumbene kufuba na kinyi bwa kubutula beshikwanyi baye mu ngoshi ya Armagedone?
6 Mushindo kinyi aukatshokola Efile Mukulu beshikwanyi baye mu ngoshi ya Armagedone? Mu mishindo ibungi ilekene. Kileshesho, mukumbene kufuba na kutshinkatshinka kwa nsenga, kasangu, na mikyenyi ya mpeshi. (Yob. 38:22, 23; Es. 38:19-22) Mmukumbene kutakula beshikwanyi baye bwabadya kulwa abo banabene. (2 Mya. 20:17, 22, 23) Mmulombene kufuba na mikeyilu yaaye bwa kwipaa ba ntomboshi. (Yesh. 37:36) Sunga Efile Mukulu afuba na kinyi, akatshokola. Beshikwanyi baye boso abebabutula. Na balulame booso abakapanda.—Nki. 3:25, 26.
MYANDA KINYI AYIKAKITSHIKA KUMPALA KWA ARMAGEDONE?
7-8. (a) Bu byabidi mu 1 Beena-Tesalonika 5:1-6, mmusaase kinyi wilekene na ingi misaase yooso wabakele kwi bakata ba pa nsenga? (b) Bwakinyi ano aekala bu madimi e masaku?
7 Musaase wa “kufukama na kwiyikeela” awikala kumpala kwa ngoshi ‘y’efuku dya Yehowa.’ (Badika 1 Beena-Tesalonika 5:1-6.) Mu 1 Beena-Tesalonika 5:2, “Efuku dya Yehowa” adilesha “mpombo ikata.” (Kibaf. 7:14) Mushindo kinyi watukauku’shi yaya mpombo ikata tayidi pa kubanga? Bible alesha’shi, akukekala musaase wilekene na misaase yooso. Awikala bu kitundwilo kya’shi mpombo ikata tayidi pa kubanga.
8 Bible amba’shi akukekala musaase wa “kufukama na kwiyikeela.” Bakata ba mbulamatadi
abakebyamba naminyi? Bakata ba bipwilo abakekala nabo su? Olo. Anka, atuuku’shi musaase wa “kufukama na kwiyikeela,” wabakele kwi bakata ba mbulamatadi nyi madimi aatukila kwi ba demo. Kadi, ano madimi e masaku mwanda bantu abanangushena’shi be mu kufukama, kumpala kwa’shi mpombo ikata ibangye. Eyendo, “yawa ngi nguba ebapulukila kabutu, musuusa umune, anka bu abifikaa busuungu kwi mukashi ee n’eyimi.” Nkinyi akikafikila bafubi ba Yehowa basha lulamato? Abakakanya mwanda tabauku nsaa ayibanga efuku dya Yehowa, anka abekala bapwe kwilumbuula.9. Mmushindo kinyi wabakabutula ndumbulwilo a Satana kwi Efile Mukulu?
9 Yehowa t’akabutula ndumbulwilo a Satana oso mususa umune bu bibadi mwibikite mu mafuku a Nowa nya. Anka akabutula kipindji kimune kya ndumbulwilo a Satana kumpala, na kingi ekibutule kumongo. Kumpala akabutula Babilone Mukata, nsangilo a bipwilo bya madimi. Akupu mu ngoshi ya Armagedone, akabutula kipindji kya ndumbulwilo a Satana akishaala, na myanda yakyo ya politike, ya basalayi, na ndumbulwilo ya busunga. Tubande kutalula binobino ino ndumbulwilo ibidi.
10. Muyiile Kibafumbwilwe 17:1, 6 na 18:24, bwakinyi Yehowa akabutula Babilone Mukata?
10 “Kiimu kya ndumba mukata.” (Badika Kibafumbwilwe 17:1, 6; 18:24.) Babilone Mukata mmusabulushe eshina dy’Efile Mukulu ngofu. Mmulongyeshe madimi pabitale Efile Mukulu. Anka abikalaa ndumba mukashi, kipwilo kya madimi nkikutwe lulamato kwi Yehowa pa kukwatshishena mbulamatadi ya bana ba bantu. Kipwilo kya madimi nkikengyeshe bantu bakyo na kwibanyenga makuta. Na dingi kipwilo kya madimi nkiipee bantu bebungi mpa na bafubi b’Efile Mukulu. (Kibaf. 19:2) Yehowa akabutula Babilone Mukata naminyi?
11. “Nyema monga” alesha kinyi na mushindo kinyi wabakafubu naye bwa kubutula Babilone Mukata?
11 Yehowa akabutula “ndumba mukata” kubukwashi bwa “nsengwa ekumi” ya “nyema monga.” Yawa nyema a mu kifwanyi alesha Kibaf. 17:3, 16, EEM) Kwakwa kulwishibwa kwa bukidibukidi—mwifuku dimune—akukakalakasha boso abaadi abamukwatshishena, mwanda baadi etatula na kwamba’shi: “Nee pa lupuna nsulu bu ndalamumba, ntshi mukashi kilele’mi nya, ntammono maalo nya.”—Kibaf. 18:7, 8.
ndumbulwilo a Nations unis. Nsengwa ekumi ayilesha mbulamatadi ikwete kukwatshishena uno ndumbulwilo. Apakakumbana nsaa y’Efile Mukulu, ano makome ooso a politike aakalu na Babylone mukata. “Abikapaula kyoso kyadi n’akyo, bimulekye muswa” pakumwata mapeta aye na kulesha bantu milwisho yaye. (12. Yehowa t’akatadiila bena nsenga bwashi bakite kinyi, na bwakinyi t’ebatadiila?
12 Efile Mukulu takatadiila bwashi bena nsenga babutule mwilo waye nya. Mwilo waye wi na muloo wa kutwala eshina dyaye, na mbakokyele ku mwiya waye wa kutuka mu Babilone Mukata. (Bik. 15:16, 17; Kibaf. 18:4) Mbafube ngofu bwa kukwasha bangi bwabadya kukatuka mu Babilone Mukata. Byabya, sunga’shi abakakalwila bafubi ba Yehowa nsaa yakabutudibwa, abekala nka na lukalo lwa lukumino lwi bukopo bwa byoso abikakitshika kunyima.
Sunga mwilo wa Yehowa wekala mbalo kinyi, aukakulupila nka mwadi apakabanga ngoshi (Tala kikoso 13) *
13. (a) Goge nnanyi? (b) Muyiile Esekyele 38:2, 8, 9, nkinyi akikafwisha Goge ku mbalo ya mu kifwanyi yabetamina bu Armagedone?
13 Ngoshi ya Goge. (Badika Esekyele 38:2, 8, 9.) Kunyima kwa kabutu ka ndumbulwilo a bipwilo bya madimi, mwilo w’Efile Mukulu aukashala bupenka nka abikalaa mutshi ubapanda ku kipapi kikata. Eyendo, Satana ekala na nsungu. Akalesha yaaya nsungu ku bukwashi bwa “bikudi bi butete,” abyo nyi mmyanda ya madimi ayitukila kwi ba demo abikatakula kisaka kya miilo bwa kulwa na bafubi ba Yehowa. (Kibaf. 16:13, 14) Byabya bisaka bya miilo abebitamina bu “Goge a kwiumbo dyaa Magoge.” Miilo p’ayikabanga ngoshi, ayikafiki ku mbalo ya mu kifwanyi yabetamina bu Armagedone.—Kibaf. 16:16.
14. Goge akatundula kinyi?
14 Goge akakulupila mu “bukome bwa bantu”—nyi nkwamba’shi bisaka byaye bya basalayi. (2 Mya. 32:8) Atukakulupila mwi Yehowa Efile Mukulu etu—miilo ayikamono byanka bu kukutwa kwa binangu. Mwanda efile abo Babilone Mukata ayikalanga na bukome, kadi tamwibapashe ku “nyema” na “nsengwa ekumi” nya. (Kibaf. 17:16) Paapa Goge akapwandikisha’shi mbibofule bwadya kwitutshokola. “Bwikumbi dibwikile [nsenga],” akalu na mwilo wa Yehowa. (Es. 38:16) Anka paapa, Goge akamono’shi bakwatshika ku muteo. Mumune na Faraone mu Kalunga Kamonga, Goge akatundula’shi kwete kulwa na Yehowa.—Efi. 14:1-4; Es. 38:3, 4, 18, 21-23.
15. Mmu mishindo kinyi amukatshokola Kidishitu bwa looso?
15 Kidishitu na bilwilo byaye bya mwiyilu abakakalwila mwilo w’Efile Mukulu na kubutula Goge na basalayi baye. (Kibaf. 19:11, 14, 15) Nkinyi akikafikila Satana mwishikwanyi mukata a Yehowa, kwete kudimba miilo na kwiyitakula mu kulwa na mwilo w’Efile Mukulu? Yesu akamusumbula na ba demo baye mu bwina, mwamwa abakamushikila mwanka munda mwa bipwa kinunu.—Kibaf. 20:1-3.
MBIKUNYI BYODYA NKAPANDA KU ARMAGEDONE?
16. (a) Mushindo kinyi watulesha’shi ‘atuuku Efile Mukulu’? (b) Bwakinyi kuuka kwetu kwa Yehowa akwikala bu mwabi mu nsaa ya Armagedone?
16 Bya twikala bapya mu bya binyibinyi sunga bapwe kwisha, bwa kupanda ku Armagedone, abitungu tuleshe’shi ‘atuuku Efile Mukulu’ na ‘atukokyela mukandu wibuwa wa Nfumwetu Yesu.’ (2 Tes. 1:7-9) ‘Atuuku Efile Mukulu’ nsaa yatuuku byakuminaa na byapelaa, mpa na miiya yaaye. Atulesha dingi’shi twi bamufule na atumukokyela na kumulangwila nka penda aye. (1 Yo. 2:3-5; 5:3) Nsaa yatulesha’shi atuuku Efile Mukulu, twi na kineemo kya ‘kuukibwa naaye,’ na byabya abiketupasha ku Armagedone! (1 Kod. 8:3, EEM) Mushindo kinyi? Mwanda ‘kuukibwa naaye’ akulesha kukuminyibwa n’Efile Mukulu.
17. ‘Kukookyela mukandu wibuwa wa Nfumwetu Yesu’ akupatuula kinyi?
17 “Mukandu wibuwa wa Nfumwetu Yesu” ngutale bya binyibinyi byoso bibalongyeshe Yesu, bu byabidi mu Eyi dy’Efile Mukulu. Atukookyela Mat. 6:33; 24:14) Abitungu dingi tukwatshishene bakwabo na Kidishitu bedibwe mwimu pabakwete kulombasha mudimo wabo ukata.—Mat. 25:31-40.
mukandu wibuwa nsaa y’atutumikila wanka mu nshalelo etu. Kuno kukookyela nkutale kutula myanda ya Bufumu pa mbalo ya kumpala, kwikala na nshalelo mwipushene na miiya y’Efile Mukulu, na kulungula Bufumu bw’Efile Mukulu. (18. Mushindo kinyi aukalusha bena Kidishitu bedibwe mwimu kalolo kababadi bebaleshe?
18 Bafubi b’Efile Mukulu bedibwe mwimu binobino abekala na mushindo wa kwalusha kalolo kabadi bebaleshe kwi bano be mu “ingi mikooko.” (Yo. 10:16) Mushindo kinyi? Kumpala kwa ngoshi ya Armagedone, boso bantu 144 000 abakebata bwa kwenda mwiyilu bu bantu bashakufwa. Abekala munkatshi mwa bilwilo bya mwiyilu abikabutula Goge na kukalwila “kibumbu kikata” kya mwilo wa Yehowa. (Kibaf. 2:26, 27; 7:9, 10) Eyendo, kibumbu kikata akikala na muloo wa kumona’shi akikwatshishena bafubi ba Yehowa bedibwe mwimu pababaadi pa nsenga!
MBIKUNYI BYATUDYA KUSHALA NA LULAMATO BU BIKWETE KWIFUBWILA NFUDIILO PEEPI?
19-20. Sunga twekala na myanda kinyi, mbikunyi byatudi balombene kushala na lulamato bu bibikwete kwifubwila ngoshi ya Armagedone?
19 Mu ano mafuku ebukopo a ku nfudjilo, mwilo wa Yehowa ukwete kunyingiila nkalakashi. Sunga byabya, twi balombene kunyingiila na muloo. (Shak. 1:2-4) Luteko nyi nkitu ki na muulo akitukwasha. (Luk. 21:36) Tabitungu twikale nka penda atutekye nya, abitungu tulongye Eyi dy’Efile Mukulu efuku dyoso na kwidinangushena, mpa na matemuki pabitale akikyebe kukitshika binobino. (Mis. 77:13) Su atukitshi ino myanda na kukita mwetu mooso bwa kulungula mukandu wibuwa, atulama lukumiino na lukulupilo lwetu lunyingye!
20 Banda ku nangushena muloo okekala nao nsaa ayikabutudibwa Babilone Mukata, na apakapu ngoshi ya Armagedone! Bikishekishe, nangushena muloo okekala nao nsaa ayikekala bantu booso abanemeka eshina dy’Efile Mukulu na miiya yaye ya kululama! (Es. 38:23) Kushi mpaka, Armagedone nyi mukadu wibuwa kwi booso abeuku Efile Mukulu, abakokyela Mwana aye, na abanyingiila mpa na ku nfudilo.—Mat. 24:13.
LOONO 143 Tengyela efuku dya Yehowa kushii kukooka
^ par. 5 Takudi makufu ebungi bafubi ba Yehowa bakwete kutengyela Armagedone. Mu uno mwisambo, atwisambila akilesha Armagedone, myanda ayikafisha ku Armagedone, na byatudi balombene kushala na lulamato bu bikwete kwifubwila nfudiilo peepi.
^ par. 71 BI MU BIFWATULO: Akukakitshika myanda ikata. (1) Atukalungula mukandu wibuwa pakudi mushindo (2) atukalama programe akwikulongyela, na (3) atukatungunuka na kukulupila mwi Yehowa bwa kwitukalwila.
^ par. 85 BI MU BIFWATULO: Ba mpulushi abende mu kutwela pa bukopo mu mashibo a bena Kidishitu, anka bakwetu abakulupila’shi Yesu na bamikeyilu baye bakwete kutala kyoso akikyebe kukitshika.