MWISAMBO WA KULONGA 3
Kibumbu kikata kya ingi mikooko akitumbisha Efile Mukulu na Kidishitu
“Kipandjilo akifikâ kwi Efil’etu mushâle ku lupuna-nsulu, na kwi Mwana a mukôko!”—KIBAF. 7:10, EEM.
LOONO 14 Tumbishayi Nfumu mupya a nsenga
KY’ABAKWILA MWANKA *
1. Mwisambo ubabadi bele ku kikongeno mu kipwa kya 1935, ubadi na bukitshishi kinyi kwi ungi nsongwalume?
UNGI nsongwalume badi mubatshishibwe na bipwa 18 mu kipwa kya 1926. Baledi baye abadi balongi ba Bible, eshina dya ba Temwe ba Yehowa aa mafuku. Abadi na bana balume basatu na bana bakashi babidi, bababadi balambukishe bya kufubila Yehowa Efile Mukulu na kwambula Yesu Kidishitu. Nka bu balongi ba Bible boso mu aa mafuku, uno nsongwalume badi adi mukate na kutoma nfinyo ku Kidibwa kya Mwanana. Lukulupilo lwaye bwa mafuku aafiki lubashintulukile nsaa ibadi mupushe mwisambo wi na mutwe wa mwanda awamba’shi: “Kibumbu kikata.” Uno mwisambo abadi bewele kwi Joseph Rutherford mu kipwa kya 1935 ku kikongeno kibadi kikitshikye mu Washington, D.C. (District de Columbie), mu États-Unis. Kinyi kibadi kifumbulwe ku kyakya kikongeno?
2. Mbya binyibinyi kinyi bibadi mukwetu Rutherford mufumbule mu mwisambo waye?
2 Mu mwisambo waye, mukwetu Rutherford badi mutundule boso be mu “kibumbu kikata” kyabadi baleshe mu Kibafumbwilwe 7:9. Kubanga kala, balongi ba Bible abadi abapwandjikisha’shi, kino kibumbu kikata nyi kisaka kya bantu basha lukumiino lupela akikende mwiyilu. Mukwetu Rutherford badi mufubishe bifundwe bwa kupushisha’shi, kibumbu kikata ta nkisangulwe bwa kwenda mwiyilu nya, kadi nyi ingi mikooko * ya Kidishitu ayikapanda ku “mpombo ikata” na ayikashala pano pa nsenga bwa loso. (Kibaf. 7:14, Kilombeeno kipya 2014) Yesu balayile’shi: “Nee na ingi mikooko ishii ya mu kino kikùtu; dingi yaaya dimo, abitungu neeyikunkushe; aiteemesha eyi dyande, byabya akukeekala lombe lumunenka na mulami.” (Yo. 10:16) Bano babapwandjikisha bu ingi mikooko, nyi ba Temwe ba Yehowa basha lulamato, na be na lukulupilo lwa kushala bwa loso mu mpaladiso pa nsenga. (Mat. 25:31-33, 46) Tutaleyi mushindo ubadi uno mpushisho mupya a bya binyibinyi bya mu Bible mushintule nshalelo a mwilo wa Yehowa, mpa na a uno nsongwalume badi na bipwa 18.—Mis. 97:11; Nki. 4:18.
MPUSHISHO MUPYA BADI MUSHINTULE NSHALELO A BINUNU BYA BANTU
3-4. Ku kikongeno kibadi kikitshikye mu kipwa kya 1935, binunu bya bantu bibadi bitundule kinyi pabitale lukulupilo lwabo, na bwakinyi?
3 Nsaa ibadi sha mwisambo mutekye bantu’shi: “Baba boso be na lukulupilo lwa kwikala na muwa wa loso pa nsenga bemane!” Ibadi nsaa i buwa byabya. Ungi muntu badi ku kikongeno bambile’shi, kukila kya pankatshi kya bantu 20 000 abadi ku kyakya kikongeno, abebwele. Mukwetu Rutherford bambile’shi: “Talayi kibumbu kikata!” Kunyima kwa byabya, muntu oso belele nkasa na muloo oso. Baba boso abebwele, abatundwile’shi ta mbebasangule bwa kwikala na muwa mwiyilu. Na abaukile’shi ta babadi bedibwe mwimu ku bukwashi bwa kikudi ky’Efile Mukulu, ooo. Butokye, bantu 840 abadi babatshishibwe bu ba Temwe ba Yehowa, na be bungi ba kwabadi abadi ingi mikooko.
4 Kunyima kwa wawa mwisambo, nsongwalume atutemunanga ku mbangilo, na bingi binunu bya bantu abalekyele kudya mukate na kutoma nfinyo ku Kitentekyesho kya lufu lwa Yesu. Be bungi abepushishe nka bu uno mukwetu mulume sha kwiyisha bambile’shi: “Kitentekyesho kya mu kipwa kya 1935 kibadi kyande kya nfudilo kya kudya mukate na kutoma nfinyo. Natundwile’shi ku bukwashi bwa kikudi kyaye, Yehowa ta munsangule bwa kwikala na lukulupilo lwa kwenda mwiyilu, anka nadi na lukulupilo lwa kwikala na muwa pa nsenga na kukwasha bwa kwiyikasha mpaladiso.” (Lom. 8:16, 17; 2 Kod. 1:21, 22) Kubanga nka paapa, kibumbu kikata nkitame ngofu na kikwete kufuba pamune na bedibwe mwimu baki pa nsenga.
5. Yehowa amonaa naminyi baba balekye kudya mukate na kutoma nfinyo ku Kitentekyesho?
5 Yehowa badi mumone naminyi baba abadi balekye kudya mukate na kutoma nfinyo ku Kitentekyesho kunyima kwa kipwa kya 1935? Na kwete kumona naminyi ba Temwe babatshishibwe lelo uno, bakwete kudya mukate na kutoma nfinyo ku Kitentekyesho, kunyima abatundula’shi ta mbedibwe mwimu ku bukwashi bwa kikudi? (1 Kod. 11:28) Bangi bakwete kudya mukate na kutoma nfinyo ku Kitentekyesho mwanda ta mbapushe kalolo bi lukulupilo lwabo. Anka, p’abatundula’shi mbakite kilubilo, abalekye kudya mukate na kutoma nfinyo na abatungunuka na kufubila Yehowa na lulamato, aye namu ebakumiina bu ingi mikooko. Sunga byabash’abadi dingi mukate na kutoma nfinyo, bakwet’abatungunuka na kutwela mu Kitentekyesho, mwanda be na lutumbu bwa byabya bibakitshine Yehowa na Yesu.
LUKULUPILO LWI BUWA BUKILE
6. Yesu badi mulungule ba mikeyilu bwa kukita kinyi?
6 Bu bi mpombo ikata ikwete kwenda na kwifubwila peepi, bi buwa tutaluule akyakula Kibafumbwilwe shapitre 7 pabitale bena Kidishitu bedibwe mwimu na kibumbu kikata kya ingi mikooko. Yesu atumina ba mikeyilu eyi bwabadya kutungunuka na kukwata bipapi binanka bya kabutu. T’abafungula bino bipapi pa nsenga mpa na apakedibwa bena Kidishitu bedibwe mwimu kitampi, kwamba’shi mbakumiinyibwe na Yehowa. (Kibaf. 7:1-4) Pa mwanda wa lulamato lwabo, bakwabo na Kidishitu bedibwe mwimu abakekala ba mfumu na ba tshite-mwakwidi mwiyilu. (Kibaf. 20:6) Yehowa, Yesu na ba mikeyilu, abakekala na muloo pakumona bena Kidishitu bedibwe mwimu 144 000 abapete efuto dyabo dya kwenda mwiyilu.
Kibumbu kikata nkifwale nkandjo itooka na nkikwate malala mu masa. Nkimane kumpala kwa lupuna nsulu alubadima lw’Efile Mukulu na kumpala kwa Mwana a mukooko (Tala kikoso 7)
7. Muyile Kibafumbwile 7:9, 10, mba nanyi babadi Yowano mumone mu kimonwa, na bakwete kukita kinyi? (Tala kifwatulo kya ku kipusu.)
7 Kunyima kwaye kwakwila bantu 144 000 bekale ba mfumu na ba tshite-mwakwidi, Yowano bamwene kingi kintu akikanyisha: “Kibumbu kikata” kya bantu kipande ku Armagedone. Mu kwilekena na kisaka kya kumpala, kino kisaka kya kabidi ki na bantu bakile bungi bashi bya kubadika. (Badika Kibafumbwilwe 7:9, 10.) “Bafwale nkandjo itooka” bwa kulesha’shi mbelame ‘kushi kato’ mu uno ndumbulwilo a Satana na’shi mbashale na lulamato kwi Efile Mukulu na kwi Kidishitu. (Shak. 1:27) Abele musaase n’eyi dibukopo’shi, mbapashibwe mwanda wabikite Yehowa na Yesu, Mukooko w’Efile Mukulu. Dingi be na malala mu masa abo, bwa kukumiina’shi Yesu nyi Mfumu mutudiibwe na Yehowa.—Pwandjikisha na Yowano 12:12, 13.
8. Kibafumbwilwe 7:11, 12, akula kinyi pabitale kifuko kya Yehowa ki mwiyilu?
8 Badika Kibafumbwilwe 7:11, 12. Nkinyi kibadi kikitshikye mwiyilu? Yowano bamwene kifuko kyoso kya Yehowa ki mwiyilu akisanka na kumutumbisha pa kibamwene kibumbu kikata. Kifuko kya Yehowa ki mwiyilu, akikekala na muloo pa kumona kukumbana kwa kino kimonwa na nsaa yakikamono kino kibumbu kikata akipanda ku mpombo ikata.
9. Muyile Kibafumbwilwe 7:13-15, baba be mu kibumbu kikata bakwete kukita kinyi lelo uno?
9 Badika Kibafumbwilwe 7:13-15. Yowano bafundjile’shi kibumbu kikata ‘nkitumpe nkandjo yakyo, kyeyitosha mu mase a Mwana a mukooko.’ Bino abipushisha’shi be na kondo k’eshimba katokane na abasankisha eshimba dya Yehowa. (Yesh. 1:18) Nyi bena Kidishitu belambule na babatshishibwe, be na lukumiino lwi bukopo mu mulambu wa Yesu na be mu kipwano ki buwa na Yehowa. (Yo. 3:36; 1 Mp. 3:21) Mbekileshe kimane kumpala kwa lupuna nsulu lw’Efile Mukulu “akimulangwila kaanya na bufuku” pano pa nsenga. Sunga mbinobino, bakwete abakitshi mudimo ukata wa kulungula mukandu wa Bufumu na kwikasha bantu bu balongi, pa kutula myanda ya Bufumu bw’Efile Mukulu kumpala kwa yabo.—Mat. 6:33; 24:14; 28:19, 20.
Bantu ba mu kibumbu kikata kya mu ingi mikooko abapanda ku mpombo ikata be na muloo (Tala kikoso 10)
10. Kibumbu kikata kishinkamishe kinyi, na akikamono kukumbana kwa mulayilo kinyi?
10 Kibumbu kikata kipande ku mpombo ikata, akishinkamisha’shi Efile Mukulu atungunuka na kwikilama mwanda yawa ‘mushale pa lupuna nsulu ebalama mwipema dyaye.’ Mulayilo autengyelanga ingi mikooko wa’shi: “[Efile Mukulu] akumuna mpolo yooso ku meeso aabo, lufu taalwikala kwanka dimo, taakwila dimo sunga maalo sunga kwidila sunga mukumbo,” aukakumbana kushi mpaka.—Kibaf. 21:3, 4.
11-12. (a) Muyile Kibafumbwilwe 7:16, 17, myabi kinyi ayikapete kibumbu kikata? (b) Ingi mikooko ngilombene kukita kinyi ku Kitentekyesho, na bwakinyi?
Kibafumbwilwe 7:16, 17. Lelo uno, bangi bafubi ba Yehowa bakwete kukyenga na nsala pa mwanda wa bulanda sunga mwanda wa ingi nkalakashi ayitukila ku ngoshi. Bangi mbedibwe mu lukano mwanda wa lukumiino lwabo. Sunga mbyabya, baba be mu kibumbu kikata be na muloo wa kuuka’shi kunyima kwa kupashibwa ku kabutu ka uno ndumbulwilo e bubi, abakekala na bidibwa bi bungi bya ku mbidi na bya mu kikudi bwa loso. Nsaa ayikabutula Yehowa ndumbulwilo a Satana e bubi, akakalwila kibumbu kikata ku nsungu yaye ikata i bu “kibobo [kia kaalo].” Kunyima kwa mpombo ikata, Yesu akakunkusha bano abakapanda ku “meema a muwa wa ikalayika.” Banda kwela binangu: Kibumbu kikata akikapete lukulupilo lukile buwa. Na ino midiyala yoso ya bantu t’ayikafu dingi nya!—Yo. 11:26.
11 Badika12 Ingi mikooko i na lutumbu lukata kwi Yehowa na Yesu bwa lukulupilo lukile buwa lwabadi bebape. Sunga byekala’shi Yehowa ta mwibasangule bwa kwenda mwiyilu, mmwibafule bikata nka bu byadi mufule bena Kidishitu bedibwe mwimu. Bino byoso bisaka bibidi, mbilombene kutumbisha Efile Mukulu na Kidishitu. Kipaso kimune kyabidi bilombene kwibikita, nyi pakutwela mu Kidibwa kya Mwanana.
EBATUMBISHE N’ESHIMBA DYOBE DYOSO KU KITENTEKYESHO
Mukate na nfinyo abikilaa mu Kitentekyesho kya lufu lwa Yesu, abitutentekyesha’shi Yesu badi mwitufwile bwa’shi twikale na muwa (Tala kikoso 13-15)
13-14. Bwakinyi abitungu muntu oso atwele mu Kitentekyesho kya lufu lwa Kidishitu?
13 Mu bipwa bishale’mu, pangi muntu umune mu bantu 1 000 abatwelaa mu Kitentekyesho adiya mukate na kutoma nfinyo. Tukongye twi bungi ta twi na muntu su ngumune adiya mukate na kutoma nfinyo ku Kitentekyesho. Bantu be bungi abatwelaa mu Kitentenkyesho be na lukulupilo lwa kwikala na muwa pa nsenga. Kadi, bwakinyi bakwete kutwela mu Kidibwa kya Mwanana? Abatwelaa bwa kabingilo kamune akatakulaa bantu bwa kwenda kw’eyibakishi dya kuuku abo. Bantu abenda ku eyibakishi bwa kulesha kifulo kyabo na kukwatshishena bano abeyibakishena. Mu mushindo umune, bano be mu ingi mikooko abatwelaa mu Kitentekyesho mwanda abakumiina kulesha’shi mbafule na abakwatshishena Kidishitu na bedibwe mwimu. Ingi
mikooko ayitwelaa dingi mu Kitentekyesho bwa kulesha’shi i na lutumbu bwa mulambu wa Yesu, awo awibakwasha bwa kwikala na muwa wa loso pa nsenga.14 Kangi kabingilo ke na muulo akatakulaa ingi mikooko bwa kutwela mu Kitentekyesho, nyi kukokyela eyi dya Yesu. Nsaa ibadi Yesu mukite Kidibwa kya Mwanana bwa musango wa kumpala na batumiibwa baye basha lulamato, bebalungwile’shi: “Ikalai anukitshi bino mwanda wa kuntentekyeshanga.” (1 Kod. 11:23-26, EEM) Byabya ingi mikooko ayitungunuka na kukita Kitentekyesho kya lufu lwa Yesu paki bena Kidishitu bedibwe mwimu pa nsenga. Na dingi, abetaminaa muntu oso bwa kwibunga nabo ku kyakya Kitentekyesho.
15. Muntu oso e kukita kinyi bwa kutumbisha Efile Mukulu na Kidishitu ku Kitentekyesho?
15 Ku Kitentekyesho, twi na mushindo wa kutumbisha Efile Mukulu na Kidishitu nsaa y’atuyimbi na y’atutekye. Mutwe wa mwanda wa mwisambo w’abele kino kipwa awamba’shi: “Lesha lutumbu bwa byabadi bakukitshine kwi Efile Mukulu na Kidishitu!” Aukatamisha lutumbu lwetu bwa Yehowa na bwa Kidishitu. Nsaa ayikidi mukate na nfinyo, atukanangushena kya bilesha—kwamba’shi mbidi na mase bya Yesu. Atukanangushena’shi Yehowa badi mutadiile Mwan’aye bwa’shi etufwile, tupete muwa. (Mat. 20:28) Muntu oso mufule Nshetu e mwiyilu na Mwan’aye akumiina kutwela mu Kitentekyesho.
TUMBULA YEHOWA BWA LUKULUPILO LWADI MUKUPE
16. Bena Kidishitu bedibwe mwimu na ingi mikooko, be mumune mu mishindo kinyi?
16 Mu myanda i bungi, bena Kidishitu bedibwe mwimu na ingi mikooko, be mumune. Yehowa ta mufule kisaka kimune kukila kingi nya, boso be na muulo ku meso aaye. Mwanda wi na muulo, badi mwibaule boso ku muulo umune, kwamba’shi muwa wa Mwan’aye. Kwilekena kwi pankatshi pa bino bisaka bibidi nkwa’shi, be na lukulupilo lwilekene. Abitungu bino byoso bisaka bibidi, bishale na lulamato kwi Efile Mukulu na kwi Kidishitu. (Mis. 31:23) Na, tentekyesha’shi Efile Mukulu t’apeya bangi kikudi ki bungi, aba namu kipeela; etupeyaa boso ki mumune. Bino abipushisha’shi Yehowa apeyaa muntu oso kikudi kyaye kiselele mupunda lukalo lwaye; byekala mwedibwe mwimu sunga ungi mukooko.
17. Bena Kidishitu bedibwe mwimu baki pa nsenga abatengyela kinyi?
17 Bena Kidishitu bedibwe mwimu t’abatandikwaa na lukulupilo lwa kwenda mwiyilu nya. Efile Mukulu nyi ebapeyaa lwanka. Bakwete kunangushena bwa lukulupilo lwabo, kuteka na abatengyela na muloo efuto dyabo dya kwenda mwiyilu. T’abauku abikekala Fid. 3:20, 21; 1 Yo. 3:2) Sunga mbyabya, abatengyela bwa nkemonena na Yehowa, Yesu, mikeyilu na bangi bena Kidishitu bedibwe mwimu. Abakekala nabo mu Bufumu bwa mwiyilu.
mbidi yabo nya. (18. Nkinyi akitengyela ingi mikooko?
18 Ingi mikooko ayitengyela bwa kwikala na muwa wa loso pa nsenga, nyi ndukalo alutandikwaa nalo muntu oso. (Mul. 3:11) Bakwete kutengyela efuku dy’abakakwasha bwa’shi baluule nsenga ishima ikale mpaladiso. Abatengyela na muloo oso efuku dy’abakebaka mashibo aabo, kukuna mitshi na kukusha bana be na mbidi ipwidjikiye. (Yesh. 65:21-23) Abatengyela bwa nkenda ma mbalo elekenelekene pa nsenga, nkabadila myengye, mitamba, myela ikata na kulonga bintu byoso bipangye Yehowa. Nfudilo a byoso, abakekala na muloo wa kuuka’shi, bu kuuku bwabo na Yehowa abukayididila na kutama.
19. Kitentekyesho kya lufu lwa Yesu akipaa oso akwatudi mushindo wa kukita kinyi, na akikitshika efuku kinyi kino kipwa?
19 Yehowa mupe oso a ku bafubi baye belambule kwadi lukulupilo lwi buwa bwa mafuku aafiki. (Yel. 29:11) Kitentekyesho kya lufu lwa Kidishitu nyi kisangilo ki pabwakyo akipa muntu oso a kwatudi mushindo wa kutumbisha Efile Mukulu na Kidishitu, bwa byoso byabadi betukitshine bwa’shi twikale na muwa ushi na mpwilo. Kitentekyesho kya lufu lwa Yesu nyi nkisangilo ki na muulo akikitaa bena Kidishitu ba binyibinyi kipwa kyoso. Akikitshika mu dya Mpooso 27/3/2021 kunyima kwa nguba kupona. Kino kipwa, be bungi abakatwele mu kino kisangilo ki na muulo mu bulungantu. Bangi abemutwele sunga byabadi mu kubingwabingwa. Bangi namu abekikitshina mu lukano. Yehowa, Yesu na kifuko ky’Efile Mukulu ki mwiyilu, abekala na muulo wa kumona kakongye koso, kasaka koso na muntu oso akitshi Kitentekyesho kya lufu lwa Yesu.
LOONO 150 Kimbayi Yehowa bwashi nupashibwe
^ par. 5 Mwifuku dya 27/3/2021, nyi efuku dipabwadyo bwa ba Temwe ba Yehowa. Kyakya kyolwa, atukakitshi Kitentekyesho kya lufu lwa Kidishitu. Bantu be bungi abakatwele mwanka, nyi kisaka ky’abetamina kwi Yesu’shi “ingi mikooko.” Mbya binyibinyi kinyi bibadi bifumbulwe pabitale kino kisaka mu 1935? Myabi kinyi ayitengyela ingi mikooko kunyima kwa mpombo ikata? Na mushindo kinyi ulombene ingi mikooko kutumbisha Efile Mukulu na Kidishitu nsaa y’abatwele mu Kitentekyesho?
^ par. 2 BISHIMA BYABADI BAPATUULE: Ingi mikooko, nyi mbantu bakwete kulonda Kidishitu na be na lukulupilo lwa kushala na muwa wa loso pa nsenga. Bangi bakwabadi mbabangye kulangwila Yehowa mu ano mafuku a ku nfudilo. Kibumbu kikata nyi mbantu abakapanda ku mpombo ikata nsaa y’abakatshibila bantu kiimu kwi Yesu mu mpombo ikata.