Otentekyesha su?

We mubadikye kalolo Bitenta bya Mulami bituukye binobino su? Banda kutala su we kwalula ino nkonko ayilondo:

Mmyanda kinyi inanka yatudi balombene kukita bwatudya kwikala atuyimbi kalolo?

Twi balombene kwikala atwimana kalolo na kwibwesha mukanda wa ngono kwiyilu. Abitungu tukakye muwa wibungi. Nsaa yatubuula mukanwa ngofu pa kuyimba, atupete mushindo wa kuyimba n’eyi di bukopo.​—w17.11, esk. 5.

Nkinyi akitukaanyisha pabitale ma mbalo na mashinda a mpata ya kufwamina ya mu Isaleele?

Kubadi mpata ya kufwamina isamombo ibabadi batule mu ma mbalo elekene mu eumbo dishima, ibadi na mashinda e buwa. Bino bibadi abikwasha bwa’shi muntu ende bukidi bwadya nkafwamina mwanka bipelepele.​—w17.11, esk. 14.

Bwakinyi kya buntu ky’Efile Mukulu kya nkuulo ya Yesu ngi kya buntu kikile bingi bya buntu byoso?

Akitulombesha lukalo lwetu lwa kutungunuka na kwikala na muwa, na akitulombesha lukalo lwetu lwa kupososhibwa ku bupika bwa mulwisho na lufu. Bu bibadi na binangu bibuwa bwa bana ba Adame, Efile Mukulu badi mulambule Mwan’aye Yesu sunga mbyatudi bantu abakitaa milwisho.​—wp17.6, esk. 6-7.

Mukanda wa Misambo 118:22 aulesha lusangukilo lwa Yesu mushindo kinyi?

Bantu abadi basumbushene Yesu aye Mesiya na kumwipaa. Bwadya kufika “ebwe dya mwitungi,” bibadi abitungu’shi asangukye.​—w17.12, esk. 9-10.

Ba nkambwa ba Mesiya abadi nka na matalwa a bu mwana mbedi su?

Ingi nsaa ba nkambwa ba Yesu babadi na matalwa a bu mwana mbedi, anka ta mboso babadi na ano matalwa nya. Daavide tabadi mwana a kumpala a Yese nya; kadi, Mesiya nyi mwikulu a Daavide.​—w17.12, esk. 14-15.

Mmayi a kulonda kinyi atale myanda ya ba munganga atusangana mu Bible?

Mu miiya ya Moyiise, baba boso babadi na maladi a lwambu babadi abebatuulu ku lupese. Bantu babadi abeyosha meema ku maboko kunyima kwa kukuma kitanda. Miiya ya Moyiise ibadi ayilesha bantu mushindo wabadi balombene kusumbula butshafu. Babadi abasala bana mu efuku dya mwanda kunyima kwa kutandjikwa kwaye, mwanda mase aaye aapetaa mushindo wa kwikwateena kalolo kunyima kwa lubingo.​—wp18.1, esk. 7.

Bwakinyi tabitungu mwina Kidishitu ekale mwifule’nka aye nabene?

Abitungu tufule muntu netu bu’twe banabene. (Maako 12:31) Mulume namu e na “kya kufula mukashi aaye, bu mbidi yaaye aye nabeene.” (Beena-Efeso 5:28) Kushi mpaka, kwifula nk’obe nabene nkulombene kutshiba kipwano na bangi.​—w18.01, esk. 23.

Twi balombene kwela matabula kinyi bwatudya kwenda kumpala mu kikudi?

Abitungu tulongye Eyi dy’Efile Mukulu na kunangushena ku dyanka kubapu tutumikile myanda yoso yatulongo. Twi balombene dingi kufungula binangu na mashimba etu bwa’shi apete bukitshishi bwa kikudi ki selele na kukumina bukwashi bwa bangi na kwibatumbula.​—w18.02, esk. 26.

Bwakinyi lubuko lwa nyenyenyi na lwa kuuka myanda ifwame ta bi bya kwitukwasha bwa kuuka myanda i kumpala?

Kwi tubingilo twibungi, anka kangi kabingilo ke na muulo ukata nka’shi Bible atopeka bino bikitshino byoso.​—wp18.2, esk. 4-5.

Twi balombene kumona kukumina lwitanyino lwa kidibwa naminyi?

Su twi bakumine lwitanyino, abitungu kulombasha mayi etu. (Misambo 15:4) Ta twi balombene kukutwa kwenda su ta kwi kabingilo kakata. Mwanda mukwetu mulombene kwikala mupwe kufuba ngofu bwa kulumbula bya kudya.​—w18.03, esk. 18.

Bakwetu balume be na mashito mbalombene kupeta malongyesha kinyi ku kileshesho kya Timote?

Timote badi apasukila bantu binyibinyi na kutula myanda ya mu kikudi pa mbalo ya kumpala. Badi akitshi mufubo wa kishila na katshintshi na badi atumikila myanda ibadi alongo. Badi atungunuka na kwilongyela na kukulupila kikudi kya Yehowa. Bakulu mpa na bangi bakwetu be na mashito mbalombene kwambula kileshesho kyaye.​—w18.04, esk. 13-14.