Bible ky’atungunuka na kushintuula nshaleelo oobe su?
“Nwikale baluulwe pa kushintusheena kupya kwa [binangu] byenu.”—BEENA-LOOMA 12:2, Kilombeeno kipya 2014.
NGONO: 61, 52
1-3. (a) Myanda kinyi ilombeene kwitwelela bukopo bwa kushintuula kunyima kwa kubatshishibwa? (b) Su tubamono’shi tatushintuluka bukidi bu byatukumiina, nkonko kinyi yatudi balombeene kwiyela? (Tala kifwatulo ki kumbangilo.)
MUNDA mwa bipwa bibungi, Kevin baadi aasha maasha a nfwalanga, atomo nfwanka na maalwa bikishekishe na bingi bintu bya lulengo. [1] (Tala mayi e ku nfudiilo.) Kunyima balongyele bya kuuka Yehowa aye nkukumiina kwikala kuuku aaye. Bwa kwikala kuuku a Yehowa baadi na kya kushintuula myanda ibungi mu nshaleelo aaye. Baadi mupete ngobesha ya kushintuluka ku bukwashi bwa Yehowa na Eyi dyaaye Bible.—Beena-Ebelu 4:12.
2 Kunyima kwa’ye kubatshishibwa, Kevin baadi na ingi myanda ya kushintuula mu muwa waye bwa kunyiisha kulumbuula bwina Kidishitu bwaye. (Beena-Efeso 4:31, 32) Bu kileshesho, baadi ki’akwata nsungu bukidi. Baadi mukaanye pa kumona bibaabidi bukopo bwa kulonga bya kukambila uno mwikeelo waye. Byabya, Kevin bambile’shi kulonga bya kukambila ino nsungu kubaadi bukopo ngofu nka bu bibaabidi pa kuleka ingi myanda ibubi ibaadi akitshi kumpala kwa kutambula! Anka kuteka bukwashi bwa Yehowa na kwilongyela kwa Bible kubamukwashishe bwadya koobesha kushintuluka.
3 Kumpala kwa’twe kubatshishibwa, bebungi ba kwatudi babaadi na kya kushintuula myanda ikata mu muwa wabo bwa’shi bamone bya kwikala na nshaleelo mwipusheene na akyamba Bible. Byabya mpa na binobino, atusangana’shi kwi Beena-Efeso 5:1, 2; 1 Mpyeele 2:21) Kileshesho, twi kutundula’shi twi na twipu sunga’shi atwakulaa bangi myanda ibubi. Sunga’shi ingi nsaa atufitaa munda ngofu nsaa yabetulungula kilubilo kyeetu. Pangi tubapu kukita mafuku ebungi na kwitatshisha bwa’shi tushintulukye anka tatwabandile kukambila kwakwa kubofula nya. Byabya twi bya kwiyipusha’shi: ‘Bwikinyi abingyelela bukopo bwa kushintuula tuno tu myanda tupeela? Nkinyi akitungu’shi nkite bwa kutumikila akyamba Bible bwa’shi ntungunukye na kulongamisha mwikeelo wande?’
tu myanda tupeela atutungu’shi tushintuule bwa’shi tunyiishe kwifwana Efile Mukulu na Kidishitu. (WE MULOMBEENE KUSANKISHA YEHOWA
4. Bwakinyi tatwi balombeene kusankisha Yehowa mu myanda yooso?
4 Twi bafule Yehowa, na atukumiina kumusangasha n’eshimba dimune. Kadi pa mwanda wa kukutwa kwa kupwidika, tatwi balombeene kumusangasha nsaa yooso nya. Ingi nsaa atupushaa nka bu Mpoolo mutumiibwa, bambile’shi: “sunga ne na lukalo lwa kukita bibuwa, ntshi na kipaso kya kwibikita.”—Beena-Looma 7:18, EEM; Shake 3:2.
5. Mbikitshino kinyi bibaatudi balekye kumpala kwa kubatshishibwa, kadi nkubofula kinyi kwatudi balombeene kuyididiila na kulwa nako?
5 Kumpala kwa’twe kutwela mu kakongye, tubaadi balekye kukita myanda ipele Yehowa. (1 Beena-Kodinda 6:9, 10) Kadi booso bweetu twi bakutwe kupwidika. (Beena-Kolose 3:9, 10) Nyi bwakinyi atutungunuka na kukita bilubilo sunga takudi bipwa bibungi n’atwe kubatshishibwa. Ku nsaa na nsaa, twi kupeta binangu bibubi, sunga kupusha bukopo bwa kukambila kubofula kampanda atwe banabeene. Byabya, twi balombeene kulwa bwa kukambila kwakwa kubofula munda mwa bipwa bibungi.
6, 7. (a) Nkinyi akitukwasha bwa kwikala bakuuku ba Yehowa sunga twekala bakutwe kupwidika? (b) Bwakinyi ta twi bya kupela kuteka Yehowa lusa?
6 Sunga mbyatushi bapwidikye, twi bakumbeene kwikala nka mu kipwano na Yehowa na kumufubila. Nsaa yooso ikala otentekyesha bibabangile bukuuku bwenu na Yehowa. Aye ngi baadi mukulambulakishe myanda ibuwa bwa mususa wa kumpala na bakuminyine’shi omwiukye kalolo. (Yowano 6:44) Badi muukye bilubilo kyobe na kubofula koobe mpa na bilema byobe bibodi okitshi. Anka Yehowa bakuminyine’shi wekale kuuku aye.
7 Yehowa balesheshe kifulo kikata kwatudi p’aye kutusha kya buntu ki na muulo ukata kwatudi. Batumine Mwan’aye pa nsenga bwa’shi atuushe muwa waye bu mulambu bwa milwisho yetu. (Yowano 3:16) Patukitshi kilubilo, twibalombeene kuteka Yehowa bwa’shi etufwile lusa. Na kumwanda wa nkuulo, twi bashinkamishe’shi aketufwila lusa na dingi atukekala ba kuuku baaye. (Beena-Loma 7:24, 25; 1 Yowano 2:1, 2) Tentekyesha’shi, Yesu bafwidile baaba abelanga ku milwisho yaabo. Byabya, patumono’shi tubakitshi mwanda wibubi, abitungu tukite luteko kwi Yehowa bwa’shi etufwile lusa. Su tatwi bamutekye bwa’shi etufwila lusa, aketumono nkabu bantu abapele kwiyosha mema ku maasa e butshiafu. Bikale’shi Yehowa mwitupe mushindo ubofule wa kwikala bu ba kuuku baye atwe bantu bashii bapwidikye, abitungu tumutumbule ngofu!—Badika 1 Timote 1:15.
Su atukumina kwifubwila peepi na Yehowa, abitungu tumwambule na kwambula mwan’ aye
8. Bwakinyi tabitungu’shi twilwankane kubofula kweetu?
8 Byabya, tatwi balombeene kwilwankana kuteka lusa bwa kubofula kweetu nya. Yehowa mmwitulungule byatekye kwi bantu abakumiina kwikala bakuuku baaye. (Misambo 15:1-5) Nyi bwakinyi su atukyebe kwifubwila peepi naaye, abitungu twitatshishe bwa kumwambula na kwambula Mwan’aye. Na dingi abitungu twitatshishe bwa kukatusha lwabi lwa kukita myanda ibubi, na kwibikambila. Sunga twekala bapwe kubatshishiibwa takudi mafuku ebungi, abitungu tuyididiile na kulongamisha mwikeelo weetu.—2 Beena-Kodinda 13:11.
9. Atuuku naminyi’shi kufwala bu muntu bupya ta kwi na nfudiilo?
9 Mpoolo mutumiibwa balungwile beena Kidishitu’shi: “Abikyebe’shi, nulekye nshaleelo eenu a kala, nufuule muntu mununu kwet’alwila bwa ndakalaka ya madimi; abikyebe shi [nutungunukye na] kwikala bapya mu kwaluluka kwa mpàngo ya mu binangu byeenu; nufwaale muntu mupya mupangiibwe ku kifwatulo ky’Efile Mukulu, mu bululame na mu bwiselele bya mu binyibinyi.” (Beena-Efeso 4:22-24) Bino abipushisha’shi abitungu tutungunukye na kwitatshisha bwa kushintuluka na ‘kufwaala muntu mupya.’ Byabya sunga twekala bapwe kufubila Yehowa munda mwa bipwa bibungi, twi balombeene kwikala nka atulongo myanda ibungi pabitale ngikashi yaaye. Na Bible e kwitukwasha bwa kushintuula bumuntu bweetu bwa’shi bwikale bwifwaneene na bwaaye.
BWAKINYI BI BUKOPO KWIBIKITA?
10. Nkinyi akitungu’shi tukite bwa kutungunuka na kushintuluka ku bukwashi bwa Bible, na nkonko kinyi yatudi balombeene kwipusha?
10 Booso bweetu twi na lukalo lwa kulonda abyakula Bible. Kadi abitungu tukite bukopo bweetu booso bwa kutungunuka na kushintuluka. Bwakinyi abitungu’shi twitatshishe bino? Yehowa ta mulombeene kwitubofwisha bwa’shi twikale atukitshi myanda ibuwa su?
11-13. Bwakinyi Yehowa etutekye bwa’shi twikitshishe bwa kukambila kubofula kwetu?
11 Patutala eyilu na nsenga na bintu byooso bi mwanka, atumono kalolo’shi Yehowa e na bukome bwa kukita kyooso kyakumiina. Kileshesho, Misambo 74:16; Yeeshaya 40:26) Yehowa apeyaa bafubi baaye be pa nsenga bukome nsaa yabadi nabo lukalo. (Yeeshaya 40:29) Abimweneka kalolo’shi su Yehowa akumiina, mmulombeene kwitubofwisha bwa’shi tukambile kubofula kweetu na kwimika nkalo ibubi i mwantudi. Bwakinyi takitaa byabya?
bapangile nguba, e na bukome bushii bya kupwandikisha. Ku sekonde ooso, nguba atushaa etaata dibungi na kaalo kebukopo. Kadi atwe bwa’shi twikale na muwa pano pa nsenga twi na lukalo na penda ndambo ipeela ya kibobo. (12 Yehowa mmwitupe bulungantu bwa kwisangwila. Mmwitutadiile bwatudya kusangula bwa kumukookyela sunga kupela kumukookyela. Patusangula bwa kumukookyela na kwitatshisha bwa kukita kikyebe ky’eshimba dyaaye, atumuleesha’shi twi bamufule na atukumiina kumusangasha. Satana bambile’shi Yehowa te na matalwa a kwitukunkusha nya. Kadi nsaa yatukookyela Yehowa, atumuleesha’shi atukumiina ekale Mukunkushi eetu. Na tuukyeyi’shi Nsheetu a kifulo ataa kwitatshisha kweetu na muulo pa tumukookyela. (Yoobo 2:3-5; Nkindji 27:11) Patukitshi mweetu mooso bwa kukambila kubofula kweetu sunga ta mbibofule, atuleesha’shi twi na lulamato kwi Yehowa na atuleesha’shi atumukumiina ekale Mukunkushi eetu.
13 Yehowa etulungula’shi abitungu twitatshishe bwa kwambula ngikashi yaaye. (Beena-Kolose 3:12; badika 2 Mpyeele 1:5-7.) Etutekye dingi bwatudya kwikala atutaluula myanda yatunangusheena na nkalo ya mbidi yeetu. (Beena-Looma 8:5; 12:9) Nsaa yatukitshi bukopo bweetu na kukambila kubofula kampanda, atupushaa muloo.
LEKA EYI DY’EFILE MUKULU DITUNGUNUKYE NA NKUSHINTUULA
14, 15. Twi balombeene kukita naminyi bwa kwikala na ngikashi ayisankisha Yehowa? (Tala kashibo akamba’shi “ Bible na luteko bibaadi bishintuule nshalelo aabo.”)
14 Abitungu tukite kinyi bwa kwikala na ngikashi ayikuminaa Yehowa? Pamutwe pa kwata kitshibilo kya kushintuluka atwe banabeene, abitungu tulekye Efile Mukulu etukunkushe. Mukanda wa Beena-Looma 12:2 awamba’shi: “Tanulombasheenanga na bipikwa bya pano pa nsenga, anka ikalaayi baalulukye pa kukimba binangu bipya, bwanudy’a kupatuula’shi nkinyi akikyebe Efile Mukulu: kyaakya kiibuuwa, kyaakya kimulongamine, kyaakya kipwidikye.” Byabya, bwa kuuka akikyebe Yehowa, abitungu tukulupile mwadi na kukumiina bukwashi bw’etupa. Abitungu twikale atubadika Bible efuku dyooso, kunangusheena ku byatubadika, na kuteka Yehowa bwa’shi etupe kikudi kyaaye. (Luka 11:13; Beena-Ngalatea 5:22, 23) Su tubakitshi byabya, Yehowa aketukwasha bwa kushinguula akimusankisha, na atukalongo bya kwambula binangu byaaye. Bu bipeta, myanda yatwikala atunangusheena, atwakula na kukita ayikasangasha Yehowa, na atukauku bya kukambila kubofula kweetu. Sunga twakita byabya, abitungu twikale nka atuyididiila na kwitatshisha bwa kwikukambila.—Nkindji 4:23.
Sangula miisambo i mu mikanda yeetu sunga maverse a mu Bible aakukwasha bwa kulwa na kubofula koobe, wekale weabadika misusa na misusa (Tala kikoso kya 15)
15 Kukaasha kubadika kwa Bible efuku dyooso, abitungu twikale atumulongo ku bukwashi bwa mikanda yeetu, bu Kitenta kya Mulami, na Réveillez-vous! Miisambo ibungi i mu ano ma jurnale ayitulongyesha byatudya kwambula ngikashi ya Yehowa na bya kukambila kubofula kweetu. Twi kusangana miisambo na maverse alombeene kwitukwasha. Twi kusangula ino miisambo na maverse bwa’shi tweabadikanga misango ibungi.
16. Bwakinyi tabitungu’shi tubofule su tubamono’shi tatukwete kushintuluka bukidibukidi?
Misambo 37:31; Nkindji 23:12; Beena-Ngalatea 5:16, 17.
16 Abitungu kukita mafuku ebungi bwatudya kwambula ngikashi ya Yehowa. Byabya su bomono’shi twe mushintuule myanda ibungi bu byokuminanga, ikala na lwishinko. Kya kumpala we kwikitshisha bwa kwikala okitshi byabya abyakula Bible. Kadi su bwekala onangusheena na kukita myanda bu abikumiina Yehowa, abikanyiisha nkubofwila bwa kwikala onangusheena bu abinangushenaa Yehowa na wekala okitshi penda bibuwa.—NANGUSHEENA KU MASANKA E KUMPALA
17. Su twi na lulamato kwi Yehowa, mmasanka kinyi atukulupila mu mafuku e kumpala?
17 Tukwete kutengyela mafuku atukekala bapwidikye na kufubila Yehowa bwa ikalaika. Mu aa mafuku, tatuketatshisha dingi bwa kukambila kubofula kampanda nya, na abiketubofwila ngofu bwa kwambula Yehowa. Kadi sunga mbinobino twi balombeene kulangwila Yehowa mwanda mmwitupe kya buntu kya nkuulo. Sunga twekala bantu bakutwe kupwidika, twi bya kumusangasha su tubatungunuka na kwitatshisha bwa kushintuluka na kulonda myanda y’etulongyesha mu Bible.
18, 19. Atuuku naminyi’shi Bible e na bukome bwa kutungunuka na kushintuula nshaleelo eetu?
18 Kevin bakitshine mwaye mooso bwa kukambila nsungu yaaye. Baadi anangusheena ku myanda ibaadi abadika mu Bible na kwitatshisha bwa kushintuula mwikeelo waaye. Baadi mulonde dingi elango dibamupeele bakwabo beena Kidishitu. Sunga bibaadi bikite bipwa bibungi bwa’shi Kevin ashintulukye, baadi mufikye mulami a bintu mu kakongye. Na mmufube bu mukulu mu kakongye munda mwa bipwa 20. Sunga mbinobino, auku’shi e na lukalo lwa kutungunuka na kwitatshisha bwa kukambila kubofula kwaye.
19 Nka bu Kevin, n’atwe namu twi balombeene kuyididiila na kulumbuula nshaleelo eetu. Su tubakitshi byabya, atukanyiisha kwifubwila peepi na Yehowa. (Misambo 25:14) Na patukitshi mweetu mooso bwa kushintuluka bwa kumusangasha, aketukwasha bwatudya koobesha. Byabya tuukyeyi’shi ku bukwashi bwa malango atupete mu Bible, twi balombeene kuyididiila na kushituula nshaleelo eetu.—Misambo 34:8.
^ [1] (kikoso kya 1) Dino eshina mbedishintuule.