Bwakinyi muwa wi nka na muulo
MIISAMBO ibashala ibalesha mushindo wi myanda ibukopo ilekene ngilombene kwikasha muwa bu wibukopo koobesha. Nsaa yokwete kunyingiila nkalakashi yoobe, we mukumbene kwiyipusha su bi na muulo kwikala na muwa sunga’shi su kwi muntu etatshisha boobe. Shinkamisha’shi, Efile Mukulu kwete kwitatshisha bwa myanda yoobe. We na muulo ku meso kwaye.
Mufundji a Misambo 86 badi muleshe byadi mukulupile kwi Efile Mukulu’shi: “Efuku dyandji mu mpombo nakwele musaase, obe ongitabe.” (Misambo 86:7) We mulombene kwiyipusha’shi: ‘Efile Mukulu mulombeene ku ngitaba naminyi “efuku dyandji mu mpombo”?’
Sunga shi Efile Mukulu ta mulombene kupudisha myanda yoobe musango umune, Eyi dyaaye, Bible, adikushinkamiisha’shi, akupa butaale bwa mwishimba abukukwasha bwa koobesha p’adyamba’shi: “Tanwikalanga mashimba kwiulu pa kintu su nkimune, anka, nguba ooso mu nteko, mu kwiyaaya na mu ntumbu, ukishayi Efile Mukulu nkalo yeenu; na butaale bw’Efile Mukulu abo butabukile binangu byooso, abulama mashimba enu na binangu byenu.” (Beena-Fidipe 4:6, 7) Banda kutala namu mushindo awitushinkamiisha ano ma verse a mu Bible’shi Efile Mukulu etupasukilaa.
Efile Mukulu kwete nkupasukila
“Su nkimune [kiimusodya] tambekiyilwe kwi Efile Mukulu. . . . Nwi na muulo kukila biimusodya byooso.”—Luka 12:6, 7.
BANDA KUTALA: Konyi kapeela bu kaamusodya nkalombene kumwenenka bu kashi na muulo kwi bantu boso, kadi Efile Mukulu ekapasukila. Takwi sunga kaamusodya kamune kabashabamono kwi Efile Mukulu; tooso mbipangwa abitala bi na muulo. Bantu be na muulo ukile bukata ku meso kw’Efile Mukulu kukila biimusodya. Bantu nyi nkipindji kikata kya ku bipangwa by’Efile Mukulu bi pa nsenga, bapangibwe ku “efwanyiko” dyaaye be na mushindo wa kwikala na ngikashi ikata bu yaaye.—Kibangilo 1:26, 27.
“Yehowa, wemutaluule, oshinguula byandi. . . . Oshinguula byananngwila . . . Ntompe oukye bi nkalakasho yandi nayo.”—Misambo 139:1, 2, 23.
BANDA KUTALA: Efile Mukulu akuuku kalolo. Auku myanda yobe ifwame na byoso byopusha. Nsaa i bangi tabe na mushindo wa kupusha myanda na twinyongoshi toobe, Efile Mukulu kwete nkupasukila na akumina nkukwasha. Nyi bwakinyi, bi na muulo bwa’shi wekale na muwa.
Muwa obe wi na kepatshila
“Yehowa, teemesha luteko lwande; musaase wande ufikye koodi. . . . Efuku dyandji mu mpombo tee matwi kwandi. . . . Paateemesha nteko ya bafwambushiibwe.”—Misambo 102:1, 2, 18.
BANDA KUTALA: Abimweneka nka bu’shi, ku mbangilo kwa makyenga a muntu, Yehowa kwete kumona mpolo yooso yadi munoshe. (Misambo 56:8) Bino mbitale mpa na mpolo yoobe. Efile Mukulu atentekyesha makyenga na mpolo yoobe mwanda we na muulo ku meso kwaye.
“Twekalanga na katshim’amunda, mwanda nee Efile Mukulu oobe. Nankupa bukome, oolo, na nkukwasha . . . Ami Yehowa nee Efile Mukulu oobe . . . Naankulungula’shi, ‘totshinanga, nnaami akukwasha.’” —Yeeshaya 41:10, 13.
BANDA KUTALA: Efile Mukulu e kwanka bwa nkukwasha. Su bopono, akwibwesha.
Kwi lukulupilo bwa nshalelo ebuwa mu mafuku aafiki
“Efile Mukulu mmufule baa-pano bikile, mu kipaso kyadi mupaane mwan’aaye eeleka bwa’shi muntu ooso amukumiina tashiminanga anka ekale na muwa wa ikalaika.—Yowano 3:16.”
BANDA KUTALA: We na muulo ukata ku meso kw’Efile Mukulu mu kipaso kyadi mutushe Mwana aaye, Yesu bu mulambu wa nkukuula. Uno mulambu aukupa mushindo wa kupeta muwa wa muloo wa ikalaika wi na kepatshila. *
Sunga we mulombene kukalakashwa na, nshalelo obe mmukumbene kumweneka bu’be shobesha dingi, elongyele Eyi dy’Efile Mukulu kalolo na onyingishe lukumino na lukulupilo lobe mu milayilo y’Efile Mukulu. Abikupa muloo na okashinkamisha’shi kwikala na muwa kwi na muulo.
^ par. 19 Bwa kuuka myanda ibungi pabitale bukwashi bwa mulambu wa nkuulo wa Yesu, tala video a Tentekyesha lufu lwa Yesu mu www.pr418.com. Twela pa mbalo ifunde’shi MIKANDA > MA VIDEO > BISANGILO NA MUDIMO WETU.
Tala dingi
KAMPANYE KA PABUAKO
Bwakinyi kulonga Bible?
Bible kwete kukwasha bantu midiyo mu nsenga ishima bwabadya kupeta myaluulo ku nkonko ikata ya mu nshalelo. Okumina kwikala munkatshi mwabo su?
KITENTA KYA MULAMI
Luteko—Lwi nkupetesha kinyi?
We kukulupila kinyi su wekala wele nteko nsaa yooso mu nshaleelo oobe?
KITENTA KYA MULAMI
Mushindo ulombene nkukwasha bulami bw’Efile Mukulu
Bifundwe abitukwasha bwatudya kwikala na lukumino mu milayilo y’Efile Mukulu ya mu mafuku aafiki.
KITENTA KYA MULAMI
Bwakinyi kya buntu kikata ky’Efile Mukulu—ki na muulo kwatudi?
Mmyanda kinyi ilombene kwikasha kya buntu bu ki na muulo kukila kingi? Kunangushena ku ino myanda nkulombene kwitukwasha bwa kutamisha lutumbu lwetu bwa mulambu wa nkuulo.
