Bya binyibinyi pabitale Bufumu bw’Efile Mukulu
Yesu balongyeshe balongi baye bwabadya kuteka’shi: “Yaay’etu ee mwiyilu, eshina dyoobe dyende ntumbo. Bufumu boobe bufikye, kyookyebe kikitshikye pa nsenga, mumune na mwiyilu.” (Mateo 6:9, 10) Bufumu bw’Efile Mukulu nkinyi? Bukwete kukita kinyi? Na bwakinyi abitungu twibutekye?
Yesu nyi Nfumu a Bufumu bw’Efile Mukulu.
Luka 1:31-33: “Omudikye eshina dya bu Yesu. Akeekala mukata, bakamwitanyine bu Mwana aa Sha-kwiyilu. Yehowa Efile Mukulu amupa lupuna lwa Daavide nshaaye-kulu, akabikala looso mu kifuko kyaa Yakobo, na Bufumu bwaye taabwikala na mpwilo.”
Bufumu nyi bubaadi mutwe wa mwanda ukata mu bulungudi bwa Yesu.
Mateo 9:35: “Yesu baadi atambakana mu bibalo na mu bibundji byooso; baadi alambukisha mu bilangwilo [bitumbwilo] byabo, na kuukisha mukandu wibuwa wa Bufumu bw’Efile Mukulu, bapashanga mikumbo na masungu ooso.”
Yesu bapele balongi baye kitundwilo akibakwasha bwa kumona’shi Bufumu tabudi peepi.
Mateo 24:7: “Mwanda eumbo adituuku dingi eumbo ngoshi, na bulopwe abwibwela bungi bulopwe; mu mbalo iilekeene, amwikala nsala na kutshinkatshinka kwa nsenga.”
Lelo uno balongi ba Yesu bakwete kulambukisha Bufumu mu nsenga ishima.
Mateo 24:14: “Uno mukandu wibuwa wa Bufumu, aukalungulwa mu nsenga ishima; akukeekala buukamonyi kwi baa-maumbo booso. Paapa ngi apakumbana nfudiilo.”
Tala dingi
NGALUULO YA KU NKONKO YA MU BIBLE
Bufumu bu’Efile Mukulu nkinyi?
Tala buakinyi mbulamatadi a Efile Mukulu mmukile ingi mbulamatadi yoso.
ESSENTIAL BIBLE TEACHINGS
Bufumu bw’Efile Mukulu nkinyi?
Yesu mu mudimo waye, baadi mulambukishe Bufumu bw’Efile Mukulu kukila ingi myanda yooso. Munda mwa bipwa nkama, balondji baaye abatekanga shi bwabwa Bufumu bufikye.
