6. Kulungula mukandu wibuwa mu nsenga ishima
6. Kulungula mukandu wibuwa mu nsenga ishima
“Uno mukandu wibuwa wa bufumu aukalungulua mu nsenga ishima.”—MATEO 24:14.
● Vaiatea mmushale mu kisangi ki kula mu Pacifique, ku Tuamotu. Sunga bino bisangi bi pepi 80 na mbiate bilometre bikile pa 802 900, mui penda bantu 16 000. Aku namu, Vaiatea na bisangi bi pepi ba Temue mbende muanka. Bua kinyi? Muanda ba Temue abakumina kulungula bantu boso mukandu wibuwa wa Bufumu bu’Efile Mukulu—sunga bekala bashalele mbalo kinyi.
MIANDA I KUANKA AYILESHA NAMINYI? Mukandu wa Bufumu ukuete nkafika mbalo yoso mu nsenga. Penda mu 2010, ba Temue ba Yehowa mbakishe nsaa mudiyala 1,6 mu kulungula kua mukandu wibuwa mu maumbo 236 na ma terituare. Mu bipua makumi bishaale, mbatushe na kuabila miakanda midiyala 20 ya kulongiesha nayo Bible.
MMUENENO KINYI E NAYE BANTU? Mukandu wa mu Bible kasha babanga kuiulungula takudi bipua nkama.
UNO MUENENO E NA MUULO SU? Eyendo’shi bantu bebungi mbalungule mukandu wa mu Bible mu mushindo kampanda. Anka bikitshino biabio bibaadi bimene penda mu kipungo kampanda. Anka, ba Temue ba Yehowa bakuete kulungula mukandu wibuwa mu nsenga ishima aukumu bantu midiyo nkama. Mbanyingiile mu uno mudimo sunga kuekala kubinguabingua akufiki ku angi ma ndumbuluilo e bubi kubanga kala. * (Maako 13:13) Dingi, ba Temue ba Yehowa t’abebafutaa makuta bua kulungula mukandu wibuwa nya. Abatushaa nsaa yabo na kupa bantu mikanda buntu. Mudimo wabo bakuete kuiukuatshishena kui bantu abatusha bia buntu biabo.
OPUANDIKISHA NAMINYI? “Mukandu wibuwa” ukuete kulungula mu nsenga ishima su? Kulombana kua buno butemuki akulesha’shi kui kintu kikile buwa akikakishika binobino mu mafuku e kumpala?
[Mwanda wi mushi mwesaki]
^ par. 6 Bua kuuka ingi mianda, tala ano ma video asatu “Fidèles dans les épreuves,” “Les triangles violets,” na “La fermeté des Temoins de Jéhovah face à la persécution nazie” abadi batushe kui ba Temue ba Yehowa.
[Eyi dya kukaka nadyo binangu bya bantu]
“Bu biabadi bakumine kui Yehowa, atutungunuka na kulungula mukandu wibuwa wa Bufumu na kisumi, atukimbi mishindo yoso ya kuisamba na bantu ba mu ma terituare etu.”—ANNUAIRE 2010 DES TÉMOINS DE JÉHOVAH.