Muyiile abyamba Bible, bantu booso mbakite milwisho. Twi bapyane mashimba anemeene ku milwisho kwi muntu a kumpala, Adame. Byabya, ingi nsaa atukitaa bintu bibubi na kunyima twafika mu kwikalashena. Mwana a Efile Mukulu, Yesu Kidishitu baadi mufwe bwa kwitukuula ku milwisho yetu. Mulambu waye ngwitukwashe bwa kulekyelwa milwisho yetu. Nyi nkya buntu ky’Efile Mukulu.—Badika Beena-Looma 3:23, 24.

Bantu bebungi bakite milwisho ikata abeyipusha su Efile Mukulu mmulombeene kwibalekyela milwisho yabo. Anka, Eyi dy’Efile Mukulu adyamba shi: “Mase a Mwan’aye, aetutumpu ku milwisho yooso.” (1 Yowano 1:7) Yehowa mmulombeene kwitufwila lusa ku mulwisho yetu su twi na binangu bibuwa na su tubelanga ku mashimba.—Badika Yeeshaya 1:18.

Bwashi Yehowa Efile Mukulu etulekyeele milwisho yetu, abitungu tulongye bwa kumuuka, tukite byakumiina, tulonde malango aaye, na byooso byakwete kwituteka. (Yowano 17:3) Mu buwa bwaye bw’eshimba Yehowa alekyelaa milwisho ya baaba booso abelanga ku mashimba na kushintuula bikitshino byabo bibubi.—Badika Bikitshino 3:19.

Kwikala mukuminyibwe n’Efile Mukulu, ta nkukile bukopo nya. Yehowa auku bi kubofula kwetu. E na lusa na kalolo. Kifulo na kalolo kaaye bikwete nkutakula bwa kulonga bwa kuuka mushindo wa kumusangasha su?—Badika Misambo 103:13, 14.