Myaluulo ku nkonko ya mu Bible
Kwi mushindo wa kupeta muwa wa losoo su?
Nkinyi kilombeene kwitukuula ku lufu?
Adame muntu a kumpala, baadi mupwe bipwa bibungi na muwa. Anka ku nfudiilo aye nkununupa nkufwa. Kubanga nka paapa, bantu mbakite mwabo mooso bwa kupela kununupa, anka ta kwi muntu su ngumune musuukye lufu nya. Bwakinyi? Adame banunupile aye nkufwa mwanda bakitshine mulwisho paaye kupela kukokyela Efile Mukulu. Atwe naamu tukwete kununupa mwanda twi bapyane mulwisho wa Adame na kibawo kya lufu.—Badika Kibangilo 5:5; Beena-Looma 5:12.
Bwashi tupete muwa wa losoo, bibaadi abitungu shi muntu kampanda atuushe nkuulo bwetu. (Yoobo 33:24, 25) Nkuulo nyi muulo wabafutaa bwa kukuula muntu, atwe twi na lukalo lwa kukuudibwa ku lufu. (Efilu 21:29, 30) Yesu bafutshile nkuulo pabaadi mufwe bwetu.—Badika Yowano 3:16.
Mushindo kinyi watudi balombeene kupeta muwa wa losoo?
Ta mmuntu ooso akafungushiibwa ku mikumbo na kununupa nya. Byabya bantu abatombokyela Efile Mukulu, bu bibakitshiine Adame, abakashimisha mwabi wa kupeta muwa. Anka penda bantu babadi bafwile lusa bwa milwisho yabo ndjo abakapete muuwa wa losoo.—Badika Yeeshaya 33:24; 35:3-6.
Bwashi betufwile lusa, abitungu tubande kwibilesha mu bikitshino. Abitungu tubande kuuka Efile Mukulu nsaa yatulongo Bible Eyi dyaaye. Aditulongyesha mushindo wi buwa watudi balombeene kupeta muwa na mushindo wabadi balombeene kwitukumiina kwi Efile Mukulu bwashi tupete muwa wa ikalayika.—Badika Yowano 17:3; Bikitshiino 3:19.
Tala dingi
KITENTA KYA MULAMI
Bwakinyi kya buntu kikata ky’Efile Mukulu—ki na muulo kwatudi?
Mmyanda kinyi ilombene kwikasha kya buntu bu ki na muulo kukila kingi? Kunangushena ku ino myanda nkulombene kwitukwasha bwa kutamisha lutumbu lwetu bwa mulambu wa nkuulo.
