Myaluulo ku nkonko ya mu Bible
Mushindo kinyi oodi mulombeene kwikala na muloo mu dibaka?
Malango a mu Bible aakwasha bwashi dibaka dikale na muloo mwanda Yehowa Efile Mukulu ndjo Mwidituushe. Aetulongyesha bwa kwikala na ngikashi ilombeene kutwesha muloo mu dibaka na kwitudimusha ku binangu bilombeene kulwisha dibaka. Adilongyesha dingi mushindo wa kwikala na miisambo ilombeene kutwesha muloo mu dibaka.—Badika Beena-Kolose 3:8-10, 12-14.
Mulume na mukashi be na kya kwinemekyeshenanga. Booso p’abakumiina mbalo yabadi bebape kwi Efile Mukulu mu dibaka, mbalombeene kwikala na muloo.—Badika Beena-Kolose 3:18, 19.
Nkinyi kilombeene kukwasha bwashi dibaka dipwe mafuku ebungi?
Beena dibaka mbalombeene kushaala pamune su mbefuleene. Efile Mukulu etulongyesha mushindo wa kwifulena. Aye na Mwan’aaye Yesu nyi nkileshesho kikata kya muntu sha kifulo kya kwipaana.—Badika 1 Yowano 4:7, 8, 19.
Nsaa i mulume na mukashi abanemeka dibaka bu mpàngo y’Efile Mukulu, mbalombeene kushaala pamune. Efile Mukulu baadi mukite dibaka bwashi dikale bu kipwano kishii mpwilo pankatshi pa mulume na mukashi bwashi kifuko kikale bu mbalo ya kufukama. Dibaka ndilombeene kupwa mafuku ebungi mwanda Efile Mukulu batuudile balume na bakashi bwashi bekale abekwashena ku mbidi na mu binangu. Baadi mwibapangye kwifwanyiko dyaaye, na mushindo wa kwambula kifulo kyaaye.—Badika Kibangilo 1:27; 2:18, 24.
