Bantu midiyo be na lukulupilo lwa kwenda mwiyilu. Yesu bambile shi batumibwa baaye baasha kululama abakashaala mwanka. Kumpala kwa lufu lwaye, baadi mwibalee shi, akebalumbulwila mbalo mwiyilu mwi Nshaaye.—Badika Yowano 14:2.

Bwakinyi bantu be pa nsenga abakasanguka bwa kwenda mwiyilu? Abakakitshi kinyi mwanka? Yesu balungwile balondji baaye shi abakekala banfumu. Abakakunkusha nsenga.—Badika Luuka 22:28-30; Bifumbulwe 5:10.

Pa nsenga ishima nka penda bantu bapeela ndjo bakunkushi. Bu bi Yesu asangusha bantu bwabadya kwenda mwiyilu bwa kukunkusha nsenga, twi balombeene kukulupila shi baaba basangudibwe mbantu bapeela. (Luuka 12:32) Bible alesha binyibinyi bungi bwa bantu abakamunana na Yesu.—Badika Bifumbulwe 14:1.

Ta nka penda baaba abakende mwiyilu ndjo abakapete efuto nya. Bantu baasha kululama baabakakunkusha mu Bufumu bwa Yesu abakekala na muwa wa losoo mu nsenga yabakaluula mpaladiiso. (Yowano 3:16) Bangi abakatwele mu Mpaladiiso abo abaapu kupanda ku kabutu ka ndumbulwilo a myanda e bubi. Bangi abakemutwele kunyima kwa kusanguka kwabo.—Badika Misambo 37:29; Yowano 5:28, 29.