MIISAMBO YA MBANGILO | EFILE MUKULU ETATSHISHAA BOOBE SU?
Efile Mukulu Kwete Nkukaka Kwadi
“Muntu su ngumune ta mulombeene kufika kwandi su Yaya muntume ta mumukakye.”—YOWANO 6:44.
AKIPELELA BANTU KUKUMINA: Bantu bebungi bakumiine mwi Efile Mukulu abamonaa shi be kula naye. Christina ungi mwana mukashi a mu Irlande amba shi: “Naadi namumono nka penda bu Efile Mukulu mupangye bintu byooso, kadi ntshinaadi namuku nya. Kasha ntanepushishe peepi naye.”
AKILONGYESHA EYI DY’EFILE MUKULU: Nsaa yatupusha bu bashimine, Yehowa tetutadiila nya. Yesu baadi muleshe mushindo awitatshishaa Yehowa bwetu pabambile shi: “Anumono naminyi su muntu e na mikooko lukama, dingi su umune wa ku yanka wapambuka, talekye ingi makumi kitema na kitema mu mwengye, bwa kwenda mu kukimba wawa upambukye su?” Ndilongyesha kinyi dyatupete? “Byabya nshenu e mwiyilu, akyebe shi sunga ngumune a ku bano bapela tashiminanga.”—Mateo 18:12-14.
Ooso “a ku bano bapela” e na muulo kwi Efile Mukulu. Mushindo kinyi ukwete Efile Mukulu “kukimba wawa upambukye”? Muyile verse abadi baleshe ku mbangilo a mwisambo, Yehowa kwete kukaka bantu kwadi.
Mbananyi lelo uno bakwete kwenda ku mashibo a bantu na mu ma mbalo e bantu bebungi mu kwibalungula mukandu wi mu Bible pabitale Efile Mukulu?
Tala mushindo ukwete Yehowa kwata mpàngo ya kukaka bantu balulame kwadi. Mu siekele a kumpala Kunyima kwa Yesu Kidishitu (K.Y.K.), Efile Mukulu baadi mutume Fidipe, mulongi mwina Kidishitu bwa kwimika etempo dya mwina mufubo mukata a mu Etshopii na kumupatulwila butemuki bwa mu Bible bubaadi abadika. (Bikitshino 8:26-39) Kumongo, Efile Mukulu baadi mutume Mpyeele mutumibwa bwa kwenda ku nshibo ya mukata a kisaka kya basalayi a mu Looma abetamina bu Korneyi, baadi ele nteko na etatshisha bwa kulangwila Efile Mukulu. (Bikitshino 10:1-48) Efile Mukulu baadi dingi mutume Mpoolo mutumibwa na bangi benaye bwa kutuuka mu lupata lwa Fidipe pa kulonda bukunkula bwa mema. Kwakwa, abo nkusangana “mulangwidi a Efile Mukulu” abetamina bu Lidii , na ‘Yehowa baadi mufungule eshimba dyaye bwa kutemesha kalolo.’—Bikitshino 16:9-15.
Mu kileshesho kyooso, Yehowa baadi muleshe kalolo shi baaba booso abaadi bakwete kumukimbaabapetele mushindo wa kumuuka. Mbananyi lelo uno bakwete kwenda ku mashibo a bantu na mu ma mbalo e bantu bebungi mu kwibalungula mukandu wi mu Bible pabitale Efile Mukulu? Bangi mbalombene kwalula shi, nyi ‘mBatemwe ba Yehowa.’ Banda kwiyipusha shi, ‘bikwikala shi Efile Mukulu kwete kwibatuma kwandi su?’ Atukutekye bwa kwela nteko kwi Efile Mukulu bwashi akukwashe opete mushindo wa kwitaba ku lwitamino lwaye lwa kwisesela peepi naye. *
^ par. 8 Bwa kuwuka myanda ibungi, tala video amba shi: Bwakinyi abitungu kulonga Bible? mu www.pr418.com/sop.
Tala dingi
SPECIAL CAMPAIGN
Bwakinyi kulonga Bible?
Bible kwete kukwasha bantu midiyo mu nsenga ishima bwabadya kupeta myaluulo ku nkonko ikata ya mu nshalelo. Okumina kwikala munkatshi mwabo su?
