Banambutwile—Lamayi bana beenu
“Uuka kalolo bi nyema yoobe.”—MYE. 27:23.
1, 2. (a) Mmashito kinyi abaadi nao balami beena Isaleele? (b) Banambutwile mbekale bu balami mushindo kinyi?
BALAMI ba mikooko ba mu Isaleele abaadi abafubu ngofu. Abaadi abashala mu kanya na mu mashika bwa kulama mikooko yabo ku nyema ibukyelo na bangifi. Balami abaadi abatala mikooko nsaa na nsaa na kubuka mukooko ooso aukumbu sunga utapikye. Abaadi abetatshisha bwa mikooko yana mwanda tayibaadi na bukome bu mikooko ikulu.—Kib. 33:13.
2 Mu mushindo umune, baledi beena Kidishitu be nka bu balami, bakwete kulesha ngikashi bu ya balami. Be na bushito bwa kukusha bana babo na “kwibalongyesha na kwibanyoka muyile abikyebe Yehowa.” (Ef. 6:4, EEM) Uno nyi mudimo ubofule su? Nya! Mwanda bana bakwete kufumankana na bulwishi bwa myanda ya madimi ya Satana na kukutwa kwabo kwa kupwidika. (2 Tim. 2:22; 1 Yo. 2:16) Su we na bana, mushindo kinyi oodi mulombene kwibakwasha? Tutaluuleyi myanda isatu yatudi balombene kukita bwa kulama bana—kwibauka, kwibadisha na kwibakunkusha.
UUKA BANA BOOBE
3. ‘Kuuka kalolo bi nyema’ akulesha kinyi kwi banambutwile bwa bana baabo?
3 Mulami ebuwa ataluulaa kalolo mukooko ooso bwa kuuka shi wi na mbidi bukome. Mu mushindo umune, we kukita byabya bwa bana boobe. Bible amba shi: “Uuka kalolo bi nyema yoobe.” (Mye. 27:23) Bwa kukita byabya, abitungu kuuka bikitshino bya bana boobe, binangu byabo na byabapusha. Mushindo kinyi oodi mulombene kukita byabya? Mushindo umune ukile buwa oodi mulombene kwibikita nyi nkutentekyesha na bana boobe ngofu.
4, 5. (a) Myanda kinyi ilombene kukita banambutwile bwashi bana bekale abesamba nabo? (Tala kifwatulo ki ku mbangilo.) (b) Nkinyi kyoodi mukite bwashi bana boobe bekale na mushindo upelepele wa kwisamba noobe?
4 Bangi banambutwile mbamone shi nsaa ayende bana na kukula, ta mbibofule bwa kwisamba nabo nya—mwanda mbalombene kukumiina kushala pa bupenka na kupusha bufu bwa kulesha binangu byabo na byabapusha. Ndjo abikitaa bana boobe su? Nkinyi kyoodi mukumbene kukita? Pamutwe pa kukitshisha bana boobe bwashi nwisambe ngofu, tompa kwisamba nabo nsaa yooso ayimweka mushindo. (Miy. 6:6, 7) Nwi balombene kukita bukopo bwa kukita myanda pamune. Nwi balombene kwenda mu kutemba pamune sunga kwasha nabo, kufuba nabo pamune mifubo ya munda na pasha pa nshibo. Yaya myanda ngilombene kukwasha bana boobe bwashi bekale na mushindo upelepele wa kwisamba nobe.
5 Nkinyi kyoodi mulombene kukita su mwan’obe tapusha dingi bya kwakula nobe? We mukumbene kutompa angi mayele. Bu kileshesho, pamutwe pa kwipusha mwan’obe mukashi bibakisha efuku, we kwakula mushindo ubakidi efuku dyoobe. Mmulombene kwakula bibakidi namu dyaye efuku. Sunga bwa kuuka bi binangu bya mwan’obe pa mwanda kampanda, mwele nkonko ishi imutale. We kumwipusha mushindo ulombene umune a ku ba kuuku baye kupusha pabitale wawa mwanda. Ndjo omwipushe elango dyadi mulombene kupa kuuku aaye.
6. Kwikala nambutwile ateemeshaa na kwete kwisamba na bana akulesha nkukita kinyi?
6 Eyendo, su bana boobe abefubwila koodi bwa nkulungula myanda yabo, be na lukalo lwabadya kumona shi okwete kwibapusha. Nsaa ayimweneka baledi bu be na myanda ibungi ya kukita, bana be kumona bu’bo balombene kulama myanda yabo kushi kwibalungula yanka. Kadi we kulesha naminyi shi mbalombene kwifubwila pepi nobe? Kwikala peepi bwa kwisamba na bana takulesha nka penda kwamba shi: “Nwi balombene kufika kwandi nsaa yooso.” Tabitungu bana benu bepushe bu’nwe abata myanda yabo bu ishi na muulo sunga bu’nwe abakishakisha kwibalondoola mu myanda yabo. Baledi bebungi mbalekye kileshesho kibuwa bwa uno mwanda. Kayla e mu bipwa 19 akula shi: “Ne mulombene kwisamba na nshami mwanda ooso wandi nao. Tantshibaa mwisambo na kuntopeka; anteemeshaa bisumanga. Akupu, ampa elango dibuwa.”
7. (a) Mushindo kinyi ulombene baledi kwikala na nkatshinkatshi pabesamba na bana baabo myanda itale kwiyidishena? (b) Mushindo kinyi ulombene baledi kufitshisha bana babo munda kushi’bo kuuka?
7 Inga nsaa we mulombene kupusha bufu bwa kwisamba na bana boobe ingi mwanda bu kileshesho—mwanda wa kwiyidishena—nsaa yokwete kwisamba nabo mwanda wi bino, tokumanga kulesha nkapenda myanda yabadi balombene kudimukila, kadi we balambukishe mushindo wibuwa wabadi bakumbene kwiukita. Bu kileshesho: tubande kupwandikisha shi bwende mu restora, bopete mbafunde kwisaki dya byakudya nka bintu byoshi mulombene kudya. Mususa umune we kukatuka wenda ku ungi restora. Bana bobe mbalombene kukita mushindo umune su abafiki koodi bwa kupeta elango, kadi ooso oodi nao nka penda kwibalesha byabashi balombene kukita. (Badika Beena-Kolose 3:21.) Pamutwe wa kukita byabya, ikala na nkatshinkatshi. Ungi mukwetu nsongwakashi abetamina bu Emily alesha shi: “Nsaa ayisamba baledi bande mwanda wa kuyidishena, tabaakula nka mpenda myanda i bubi nya. Abakambaa kwisamba pabitale muloo wa kupeta muntu ebuwa na kwikala na dibaka dibuwa. Bibaadi abikwasha bwa kwisamba nabo wawa mwanda kushi lukalakasho. Byabya, naadi nakumiina kwibalungula myanda yande pa mutwe wa kwibafya yanka.”
8, 9. (a) Myabi kinyi yoodi mulombene kupeta su boteemesha bana boobe na lwishinko? (b) Lesha muloo oodi mupete pa kuteemesha bana boobe.
8 Mu mushindo umune na bibakula Kayla, we mulombene kulesha shi we pepi na bana boobe pokwete kwibateemesha nsaa yooso. (Badika Jaake 1:19.) Ungi mwana mukashi kwete kukusha mwana umune bupenka abetamina bu Katia amba shi: “Kumpala, ntshinaadi na lwishinko kwi mwan’ande nya. Ntshinaadi natengyela bwadya kupudisha bibaadi’akula. Binobino panashintuula mwikeelo wande, aye namu baadi mushintuule waye. Tatwipushenaa naye ngofu.”
Temesha bwa kwibauka (Tala paragrafe 3-9)
9 Ungi nshe bana abetamina bu Ronald baadi mupete mwanda wi bino na nsongwakashi aaye, akula shi: “Nsaa ibandungwile shi bafulu ungi nsongwalume ku kalasa, musango wa kumpala naadi mufiite munda. Kadi, pananangushena mushindo wikale Yehowa na lwishinko na binangu bibuwa kwi bafubi baaye, namwene shi bibuwa mmulekyele nsaa yaadi mulombene kundungula byakwete kupusha kumpala kwa kumupa elango. Ne mupushe muloo p’ami kukita byabya! Bwa musango wa kumpala, naadi mutemeeshe binangu byaye. Nsaa ibapudisha kwakula, napetele mushindo wa kwakula naye na kifulo kyooso kushi lukalakasho. Mwanda wa kukanya baadi muteemeshe elango dinamupeele. Aye nkulesha shi akyebe kushintuula binangu byaye.” Kwisamba misango ibungi na bana benu akwinupa mushindo wa kuuka bi binangu byabo na byabapusha. byabya abikenukwasha bwa kwikala na bukitshishi pa bitshibilo byabata mu muwa wabo. *
DIISHA BANA BOOBE
10, 11. Mushindo kinyi oodi mulombene kukwasha bana boobe bwabadya kushala mu bya binyibinyi?
10 Mulami ebuwa a mikooko auku shi mikooko yaye ngikumbene kupambuka. Mukooko ngulombene kukakiibwa kwi lubishi lwi pepi sunga lwikula na kwenda kula na ikwabo. Mu mushindo umune, mwana mmukumbene kutwela kapelakapela mwishinda dilombene kumufwishila masaku mu kikudi, pa kubanga kutemba na ba kuuku bebubi sunga kwasha na bintu bibubi. (Mye. 13:20) Mushindo kinyi oodi mulombene kwibakalwila ku ano masaku?
11 Nsaa yokwete kulongyesha bana boobe, ebakwashe bwashi bamone myanda yabadi 2 Mp. 1:5-8) Misusa yooso yanwibungu bwa kulangwila mu kifuko nyi nsaa ibuwa yoodi mulombene kukita byabya. Mudimo wetu wa Bufumu wa 10/2008 mbaleshi shi: “Banfumu ba bifuko mbatekibwe bwa kusemuna mashito aabo kumpala kwa Yehowa bwa kulondesha kalolo su programe ebuwa a kulonga kwa Bible mu kifuko kwete kukitshika misusa yooso.” Okwete kwata ino nsaa i na muulo bwa kukunkusha bana boobe su? Uuka shi bana boobe be na lutumbu bwa bukome booso bokwete kukita bwa kwibapa byakudya bya mu kikudi.—Mat. 5:3; Fid. 1:10.
balombene kushintuula bukidibukidi. Ebakankamikye bwa ngikashi ya bwina Kidishitu yabadi nayo kadi ayitungu kunyingishibwa. (Ebadiishe kalolo (Tala paragrafe 10-12)
12. (a) Mushindo kinyi upete basongwa bukwashi ku lulangwilo lwa mu kifuko? (Tala kashibo akamba shi: “ Bakwete kwilusangeela.”) (b) Mushindo kinyi oodi mupete obe nabene bukwashi ku lulangwilo lwa mu kifuko?
12 Banda kutala abyakula ungi nsongwalume abetamina bu Carissa pabitale mushindo ukwete kwibakwasha lulangwilo lwa mu kifuko. “Napushaa muloo patushala pamune na kwisamba. Patukitshi byabya, atutamisha kipwano na kwiukena kalolo. Nshami alondesha kalolo programe eetu a lulangwilo lwa mu kifuko. Abinyingishaa pakumona mushindo wamwata na muulo—abintumaa na’ami namu bwa kumwata na muulo. Na byabya abintumu dingi bwa kumunemeka bu nshami na bu nfumwa’mi a mu kikudi.” Ungi mukwetu nsongwakashi abetamina bu Brittney alesha shi: “Lulangwilo lwa mu kifuko ndunkwashe bwa kwifubwila pepi na baledi bande. Alundesha shi abakumina kumpusha nebalungula myanda yande na’shi abekalakasha bwande. Abitukwasha bwatudya kwikala kifuko kinyingye na ki mu buumune.” Kushi mpaka, kudiisha bana boobe mu kikudi—bikishekishi ku bukwashi bwa lulangwilo lwa mu kifuko—nyi mushindo umune oodi mulokumbene kwikala mulami ebuwa. *
KUNKUSHA BANA BOOBE
13. Mushindo kinyi ulombene mwana kupeta lukalo lwa kufubila Yehowa?
13 Mulami ebuwa afubaa na mukombo waye bwa kukunkusha na kukalwila lombe lwaye. Kimune kya ku bitshibilo bi na muulo bwa mikooko yaye, nkya kwiyikunkusha ku “Kidiilo kibuwa.” (Ez. 34:13, 14) Bu byodi muledi, twe mulombene kwikala na kitshibilo ki bino kya mu kikudi su? Abitungu okunkushe bana boobe bwa kufubila Yehowa. Webakwashe bwabadya kupusha bu bibaadi bipushe mufundji a misambo bambile shi: “Efile Mukulu ande, naakyebe kukita akikulongamina, dingi miiya yobe i mwishimba dyande.” (Mis. 40:8) Basongwa abasangela ano mayi, abakyebe kulambula myuwa yabo kwi Yehowa na kubatshishibwa. Eyendo, abakyebe kubanga kukita byabya nsaa yabakulu bwa kwata kyakya kitshibilo na kupeta lukalo lwa kufubila Yehowa.
14, 15. (a) Nkitshibilo kinyi kilombene kwikala nakyo banambutwile beena Kidishitu? (b) Bwakinyi bansongwa mbalombene kwikala na mpaka pabitale lulangwilo lwa binyibinyi?
14 Nkinyi kyodi mulombene kukita su mwan’oobe takwete kutama mu kikudi—pangi apwandikisha shi lukumiino lwenu ndwa madimi? Kita bukopo boobe booso bwa kutwesha kifulo ky’Efile Mukulu mwabadi na kwibakwasha bwabadya kulesha lutumbu bwa byooso byaadi mwibakitshine. (Bif. 4:11) Nsaa yabakumiina kukita byabya, abakyebe kwata abo banabene kitshibilo kya kulangwila Efile Mukulu.
15 Su mwan’oobe babanga kupeta mpaka mwishimba, we kukita naminyi? Mushindo kinyi oodi mulombene kwibalama na kwibakwasha bwa kumona shi kufubila Yehowa nyi nshalelo mukile buwa na akwibapa muloo wa looso? Kimba bya kushinguula kikwete kubuusha mpaka mwabadi. Bu kileshesho, mwan’oobe takwete kukumiina malongyesha a mu Bible, sunga shi mmukutwe eshimba dinyingye bwa kwakula pabitale aa malongyesha kumpala kwa ba kuuku
baye? Mwan’oobe mukashi takwete kukumiina shi miiya y’Efile Mukulu ta ngya binangu, sunga kwipusha bu e bupenka na shi tabamukumiina kwi bangi su?Ebakunkushe mwishinda dyabo (Tala paragrafe 13-18)
16, 17. Mmu mishindo kinyi mulombene banambutwile kukwasha bana babo bwabadya kumona bya binyibinyi bu byabo?
16 Sunga mbyabya, we mulombene kukwasha mwan’oobe bwa kukasha mpaka yooso ya myanda ya mu kikudi i mwadi. Mushindo kinyi? Banambutwile bebungi mbamone shi mushindo umune wibuwa na autuusha bipeta bibuwa ngwa kukaka binangu bya mwan’aye mukashi pa kumwipusha shi: “Opushaa naminyi pabitale kwikala mwina Kidishitu? Nkinyi kyodi mumone ki buwa mu bwina Kidishitu? Kufubila Yehowa akwitutwadila nkalakasho kinyi? Bomono shi miloo yatupete binobino patufubila Yehowa na yadi mulee mu mafuku aafiki ngikile nkalakasho yatukwete kupete su? Mu mushindo kinyi?” Kadi, abitungu kwela ino nkonko mu oobe mayi na kwakula mu mushindo wibuwa na aupa bana malaka a nkwaluula. Munkatshi mwa mwisambo, we mukumbene kwisamba nabo mayi e mu mukanda wa Maako 10:29, 30. Bangi bana abakuminaa kufunda binangu byabyo kwisaki ditshibuule pabidi—mulongo umune bwa nkalakasho ungi namu bwa myanda ibuwa. Bino mbilombene nkukwasha pamune na bana boobe bwa kutala myanda ikwete kwibakalasha na kukimba kyakukita. Su atukumiinaa kulonga mukanda wa Akilongyesha Bible na wa “Kifulo ky’Efile Mukulu” na bantu abalesha lukalo lwa kulonga, tomono shi we mulombene kukita byabya bikishekishe kwi bana boobe! Ndjo byokwete kukita su?
17 Mwenda mafuku, bana boobe abakyebe kwata kitshibilo pabitale muntu abadi bakumbene kufubila. Twelanga binangu shi bana boobe abakyebe kukita byabya mwanda wa nkulonda nya. Abitungu bana boobe batundule bya binyibinyi abo banabene. (Mye. 3:1, 2) Nkinyi kyoodi mulombene kukita su mwan’oobe takumiina kulonda bya binyibinyi? Mukankamikye bwashi eyele ino nkonko bwa kutaluula myanda yadi mukumiine: “Mushindo kinyi wanguuku shi Efile Mukulu e kwanka? Nkinyi akinshinkamisha binyibinyi shi Yehowa Efile Mukulu angataa na muulo? Bwakinyi nakumiina shi miiya ya Yehowa i kwanka binyibinyi bwa buwa bwande?” Lesha shi we mulami ebuwa pa kukunkusha mwana sunga bana boobe na lwishinko na kulesha shi eshinda dya Yehowa nyi dibuwa mu nshalelo. *—Lom. 12:2.
18. Mushindo kinyi ulombene banambutwile kwambula Yehowa, mulami mukata?
18 Abitungu beena Kidishitu booso ba binyibinyi balonde kileshesho kya Mulami mukata. (Ef. 5:1; 1 Mp. 2:25) Banambutwile be na kya kuuka lombe lwabo—bana baabo—na kukita mwabo mooso bwa kwibakunkusha ku myabi ibalamine Yehowa. Mu mishindo yooso, kunkushayi bana benu pa kutungunuka na kwibakusha mwishinda dya binyibinyi!
^ par. 9 Bwa kupeta angi malango, tala Kitenta kya Mulami kya 01/08/2008, esaki 10-12, (mu Fwalanse).
^ par. 12 Bwa kuuka ingi myanda, tala mwisambo wi mu Kitenta kya Mulami kya 15/10/2009, esaki 29-31, awamba shi: “Le culte familial : une question de survie!”
^ par. 17 Uno mwanda mbeutaluule mu Kitenta kya Mulami kya 1/2/2012, esaki 18-21, (mu Fwalanse).