Myaluulo ku nkonko ya mu bible
Efuku dya kiimu nkinyi?
Bwakinyi efuku dya kiimu adikala kipungo kya muloo?
Mu mafuku a kala, Efile Mukulu baadi mufube na bansushi bwa kukalwila mwilo waye ku myanda ya kukutwa kululama. (Bansushi 2:18) Bible aleesha efuku dya kiimu adikafiki bu kipungo kya muloo. Mu yaaya nsaa Yehowa, Nsushi mukata a eyilu na nsenga akapaasha bantu ku myanda ya kukutwa kululama.—Badika Misambo 96:12, 13; Yeeshaya 26:9.
Efile Mukulu mmusangule Yesu bwa kutshibila bantu booso abatala na bafwe kiimu. (Bikitshino 10:42; 17:31) Bantu bebungi mbafwe kushi’bo kuuka Efile Mukulu. Mwifuku dya kiimu Yesu akyebe kusangula bano bantu bwashi baukye na kufula Efile Mukulu a binyibinyi.—Badika Bikitshino 24:15.
Bwakinyi efuku dya kiimu adikakitshi bipwa kinunu?
Bafwe abakasanguka mu bipwa kinunu. (Bifumbulwe 20:4, 12) Abikebatungu nsaa ya kulonga miiya y’Efile Mukulu na kumukookyela. Mu kwilekeena na binangu bya bantu, Bible aleesha shi abakyebe nkatshibila bantu kiimu muyile myanda yabakitshi kunyima kwa kusanguka.—Badika Beena-Looma 6:7.
Bible akula bwa dingi efuku dya kiimu adifiki mu kimpulunkamba, kumpala kwa’shi bipwa kinunu bibangye. Dyadya efuku abeditamina bu nfudiilo, bu byabadi bebileeshe mu miisambo ya mbangilo ya uno jurnale. Mu dyadya efuku Efile Mukulu akakatusha bantu booso be bubi. (2 Mpyeele 3:7) Byabya, abitungu tuleeshe kifulo kyetu bw’Efile Mukulu.—Badika 2 Mpyeele 3:9, 13.
