MIISAMBO YA MBANGILO | BATEMWE BA YEHOWA MBANTU KINYI?
Mmalongyesha kinyi aakuminaa Batemwe ba Yehowa?
Batemwe ba Yehowa abakumiinaa’shi “Kifundwe kioso nkiyokyelwe kwi Efile Mukulu na nkipwandjikile.” (2 Timotee 3:16, Kilombeno kipya 2014) Atufubaa na Bible bwa kupeta bukunkushi na kulonga myanda itale Mupangi na bwa kwikala na nshaleelo ebuwa.
Bible akula’shi: “Bawukye’shi eshina dyoobe mbu Yehowa, obe bupenka, Sha-kwiyilu kula, pa nsenga ishima.” (Misambo 83:19) Byabya, atulangwilaa nka penda Yehowa Efile Mukulu, na bu byatudi tumonyi twaaye, atwitatshishaa bwa kuukisha eshina dyaaye.—Yeeshaya 43:10-12.
Bu byatudi bena Kidishitu, atukuminaa’shi Yesu, nyi “Mwan’Efile Mukulu,” * bafikile pa nsenga aye nkufika Mesiya. (Yowano 1:34, 41; 4:25, 26) Kunyima kwa’ye kufwa, Yesu baadi musangulwe bwa kwenda mwiyilu. (1 Beena-Kodinto 15:3, 4) Kunyima kwa mafuku bafikile Nfumu a Bufumu bw’Efile Mukulu. (Bifumbulwe 11:15) Buno Bufumu nyi mbulamatadi a binyibinyi akaaluula nsenga Mpaladiiso. (Danyele 2:44) Bible akula’shi: “Beeyishe abapyana nsenga, abasangeela mu butaale bw’eyendo.”—Misambo 37:11, 29.
“Nsaa yababadika mu Bible, abakumina’shi Efile Mukulu kwete kwisamba naabo. Su mwanda ubebakwata, abataa Eyi dy’Efile Mukulu bwa kukimba buludiki mwanka. . . . Eyi dy’Efile Mukulu dikii na muulo ku meeso kwabo.”—Mukata a kipwilo kya Katolike Benjamin Cherayath, mu jurnale a Münsterländische Volkszeitung, mu Allemagne
Batemwe ba Yehowa abakuminaa’shi mayi a kulonda a mu Bible ngalombeene kukwasha bantu mpa na lelo uno. (Yeeshaya 48:17, 18) Byabya, atutumikilaa kalolo ano mayi a kulonda. Kileshesho, bu abitudimusha Bible bwa kupela bintu abilwisha binangu na mbidi yeetu, atupelaa kutoma nfwanka sunga kutoma bintu abikolwanaa mu mushindo wibubi. (2 Beena-Kodinto 7:1) Atupelaa dingi kukita myanda ikandjikye Bible bu kukolwa maalwa, kutambuka lusandji, na kwiiba.—1 Beena-Kodinto 6:9-11.
^ par. 5 Bible ayitanyina dingi Yesu bu “Mwana eeleka eEfile Mukulu” mwanda aye nyi kipangwa kibedi na baadi mupangibwe na Yehowa aye nabeene.—Yowano 3:18; Beena-Kolose 1:13-15.
Tala dingi
NKONKO YABAKAMBAA KWELA
Ba Temwe ba Yehowa abamonaa shi nkapenda abo nyi be mu kipwilo ky’eyendo su?
Yesu baadi mwambe shi mashinda ooso aafwishaa ku kipandilo su?
ESSENTIAL BIBLE TEACHINGS
Efile Mukulu e n’eshina su?
Efile Mukulu e na myasu ibungi, bu Sha-bukome booso, Mupangi, na Mwanana. Uno video aleesha eshina dy’Efile Mukulu di mu Bible misango ikile pa 7 000.
