MIISAMBO YA MBANGILO | BATEMWE BA YEHOWA MBANTU KINYI?
Batemwe ba Yehowa mbantu ba mushindo kinyi?
Twi na ndumbulwilo e mu nsenga ishima shii mwisangye na bingi bipwilo. Biro byeetu bikata bya nsenga ishima bi mu États-Unis, kadi Batemwe ba Yehowa bebungi be mu angi maumbo. Byabya, bebungi ba ku bantu midiyo mwanda ba kwatudi bakwete kulonga Bible na bantu mu maumbo akile pa 230. Atukitaa bino bwa kutumikila ano mayi a Yesu: “Na uno mukandu wibuwa wa Bufumu aukalungulwa pa nsenga yoso yishaadibwe, bwa kulesha bu-kamonyi kwi maumbo ooso na kunyima nfudiilo ayikafiki.”—Mateo 24:14, Kilombeno kipya 2014.
Mu mbalo yooso yatudi bashaale, atukookyelaa miiya. Anka atwitatshishaa bwa kupela kutwelakana mu myanda ya politike. Mwanda atuneemekaa bibambile Yesu bwa beena Kidishitu’shi “ta mbaa-pano” pa nsenga nya. Nyi bwakinyi t’atutwelakanaa mu myanda ya politike sunga kukwatshisheena ngoshi. (Yowano 15:19; 17:16) Byabya, mu ngoshi ya kabidi ya nsenga ishima, Batemwe ba Yehowa babaadi bediibwe mu nkano, bebakyengyesha, mpa na kwipaa bangi mwanda babaadi bapele kutwelakana mu myanda ya ngoshi. Ungi mukata a kipwilo kya mu Allemagne bafundile pabitale Batemwe ba Yehowa’shi: “Nka penda’bo nyi balombeene kwakula’shi babaadi bapele kukwatshisheena Hitler pa mwanda wa kuneemeka kondo kaabo k’eshimba.”
“[Batemwe ba Yehowa] be na bukome bukata bwa kushintuula binangu. Atukimbaa bya kutuula bano bantu abetuulu pa mbalo ya bangi mu myasu ikata ya mu politeke—anka, tatwi na mushindo wa kwibatwesha mwanka nya. . . . Abanemekaa matalwa a mbulamatadi, kadi abakumiina’shi nka penda Bufumu bw’Efile Mukulu nyi bulombeene kupudisha nkalakasho yooso ya bantu.”—Jurnale a Nová Svoboda, République Tchèque.
Na dingi, tatwitololaa pa bwetu nya. Yesu baatekyele Efile Mukulu pabitale balondji baaye’shi: “Tankutekye bwa kwibakaasha pano” pa nsenga. (Yowano 17:15) Nyi bwakinyi, we kwitumona ku mifubo, mu kisalwe na ku tulasa twa mbalo yatudi bashaale.
Tala dingi
NGALUULO YA KU NKONKO YA MU BIBLE
Bufumu bu’Efile Mukulu nkinyi?
Tala buakinyi mbulamatadi a Efile Mukulu mmukile ingi mbulamatadi yoso.
